ପୁରୀ, ୩୦ ଅଗଷ୍ଟ (ହି.ସ.) - ସତ୍ୟବାଦୀ ଥାନା ବୀରଗୋବିନ୍ଦପୁର ଛକରେ ଶୁକ୍ରବାର ମଧ୍ୟ ରାତିରେ ଦୁଇଜଣ ବ୍ୟକ୍ତି କାରରେ ଆସି ଚୋରି ଉଦ୍ଦେଶ୍ୟରେ ଅଟକି ଥିଲେ । ଏ ସମ୍ପର୍କରେ ଖବର ପାଇ ସତ୍ୟବାଦୀ ଥାନା ପୋଲିସ ଜଣକୁ ଧରିବା ସହ ତାପାଖରୁ ଦେଶୀ ବନ୍ଧୁକ ଜବତ କରିଥିଲା । ଏହାସହ ଚୋରି ପାଇଁ ବ୍ୟବହୃତ ହୋଇଥିବା ହୋଣ୍ଡା ସିଟି କାର ଜବତ କରିଛି । ଅଭିଯୁକ୍ତ ଜଣକ ହେଲେ ଚନ୍ଦନପୁର ଥାନା ଅର୍ନ୍ତଗତ ଜୀରାଖଣ୍ଡି ଗ୍ରାମର ଅକ୍ଷୟ କୁମାର ରାଉତ (୨୯) । ଏ ସମ୍ପର୍କରେ ସତ୍ୟବାଦୀ ଥାନାରେ ୨୯୩/୨୫ରେ ମାମଲା ରୁଜୁ ହୋଇ ବିଏନଏସ ୩୧୨ ଧାରା ଓ ୨୫ ଆର୍ମ ଆକ୍ଟ ଲାଗୁ କରାଯାଇଛି । ଅଭିଯୁକ୍ତଙ୍କ ପୂର୍ବରୁ ସତ୍ୟବାଦୀ ଥାନା, ଚନ୍ଦନପୁର ଥାନା ଓ ବାସେଳି ସାହି ଥାନାରେ ମାମଲା ରହିଛି ଆଜି ଅଭିଯୁକ୍ତକୁ ଗିରଫ କରାଯାଇ କୋର୍ଟଚାଲାଣ କରାଯାଇଛି ।

ହିନ୍ଦୁସ୍ଥାନ ସମାଚାର / ବିଜୟ