ନୂଆଦିଲ୍ଲୀ, 7 ଅଗଷ୍ଟ (ହି.ସ.)
- ନିର୍ବରଚନ ଆୟୋଗ ପକ୍ଷରୁ
ଉପରାଷ୍ଟ୍ରପତି ନିର୍ବାଚନ 2025 ସମ୍ପର୍କିତ ଅଧିସୂଚନା
ଜାରି କରାଯାଇଛି। ନାମାଙ୍କନ, ଯାଞ୍ଚ, ନାମାଙ୍କନ
ପ୍ରତ୍ୟାହୃତ ଓ ମତଦାନ ତାରିଖ ପୂର୍ବରୁ ଘୋଷଣା କରାଯାଇଛି। ଯଦି ଜଣେରୁ ଅଧିକ ପ୍ରାର୍ଥୀ ଥିବେ,
ତେବେ ମତଦାନ 9 ସେପ୍ଟେମ୍ବରରେ ହେବ। ଅଧିସୂଚନା ଜାରି
ସହିତ ନାମାଙ୍କନ ପ୍ରକ୍ରିୟା ଆରମ୍ଭ ହୋଇଛି, ଯାହା 21 ଅଗଷ୍ଟ ପର୍ଯ୍ୟନ୍ତ ଚାଲିବ।
ଆୟୋଗ ଉପରାଷ୍ଟ୍ରପତି ନିର୍ବାଚନ ଅଧିନିୟମ,
1952 ର ଧାରା 4 ର ଉପଧାରା (1) ଓ (4) ଅନୁସାରେ ଏହି
ଅଧିସୂଚନା ଜାରି କରିଛି। ଏହି ଅଧିସୂଚନା ଆଜି ଭାରତର ରାଜପତ୍ରରେ ପ୍ରକାଶିତ ହୋଇଛି ଓ ରାଜ୍ୟ
ରାଜପତ୍ରରେ ସ୍ଥାନୀୟ ଭାଷାରେ ପୁନଃ ପ୍ରକାଶିତ କରାଯାଉଛି।
ନାମାଙ୍କନ ପତ୍ରଗୁଡ଼ିକର
ଯାଞ୍ଚ 22 ଅଗଷ୍ଟରେ ହେବ। ମତଦାନ 9 ସେପ୍ଟେମ୍ବରରେ ସକାଳ 10 ରୁ ସନ୍ଧ୍ୟା 5 ଟା ପର୍ଯ୍ୟନ୍ତ
ହେବ ଓ ସେହି ଦିନ ମତଗଣନା କରାଯିବ।
ଉଲ୍ଲେଖନୀୟ ଯେ,
ଉପରାଷ୍ଟ୍ରପତି ରାଜ୍ୟସଭାର ସଭାପତି ଭାବେ କାର୍ଯ୍ୟ
କରିଥାନ୍ତି ଓ ରାଷ୍ଟ୍ରପତିଙ୍କ ଅନୁପସ୍ଥିତିରେ ସେ ତାଙ୍କର କାର୍ଯ୍ୟଦାୟିତ୍ୱ ପୂରଣ କରିଥାନ୍ତି ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା