ନୂଆଦିଲ୍ଲୀ, 1 ସେପ୍ଟେମ୍ବର (ହି.ସ.)- ଚୀନର
ତିଆଞ୍ଜିନ୍ରେ ଶଂଘାଇ ସହଯୋଗ ସଂଗଠନ ଶିଖର ସମ୍ମିଳନୀ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି,
ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ୍ ଓ ଚୀନ
ରାଷ୍ଟ୍ରପତି ଶି ଜିନପିଂଙ୍କ ମଧ୍ୟରେ ଅନୌପଚାରିକ ଆଲୋଚନା ଓ ହସ-ପରିହାସ ଭରା କିଛି ଦୃଶ୍ୟ
ସାମାଜିକ ମାଧ୍ୟମରେ ବ୍ୟାପକ ଭାବେ ସେୟାର ହୋଇଛି।
ଏହି ଛବିଗୁଡିକରେ ତିନିଜଣ
ଶୀର୍ଷ ନେତାଙ୍କୁ ଏକ ସହଜ ଓ ସଂଲଗ୍ନ ପରିବେଶରେ ଆଲୋଚନା କରୁଥିବା ଦେଖାଯାଉଛି। ସମ୍ମିଳନୀର
ଔପଚାରିକ କାର୍ଯ୍ୟକ୍ରମ ବାହାରେ ଏହି ଦୃଶ୍ୟ ଏହି କଥାର ସୂଚନା ଦେଉଛି ଯେ ବିଶ୍ୱ ଓ ଆଞ୍ଚଳିକ ଚ୍ୟାଲେଞ୍ଜଗୁଡିକ ମଧ୍ୟରେ ଶୀର୍ଷ ନେତୃତ୍ୱ ପରସ୍ପର ବୁଝାମଣା ଓ ସଂଯୋଗକୁ ଗୁରୁତ୍ୱ ଦେଉଛନ୍ତି।
ମୋଦି ଓ ପୁଟିନ୍ ଏହି
ସମ୍ମିଳନୀ ଅବସରରେ ଏକ ଦ୍ୱିପାକ୍ଷିକ ବୈଠକ
ମଧ୍ୟ କରିଥିଲେ। ଏହି ବୈଠକରେ ଅଂଶଗ୍ରହଣ ପାଇଁ ଉଭୟ ନେତା ଗୋଟିଏ ଗାଡ଼ିରେ ପହଞ୍ଚିଥିଲେ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା