ନୂଆଦିଲ୍ଲୀ, ୧୧ ସେପ୍ଟେମ୍ବର (ହି.ସ.)- ଭାରତୀୟ ଜନତା ପାର୍ଟି (ବିଜେପି) ପ୍ରଧାନମନ୍ତ୍ରୀ ମୋଦିଙ୍କ ଜନ୍ମଦିନ ସେପ୍ଟେମ୍ବର ୧୭ ରୁ ଅକ୍ଟୋବର ୨ ପର୍ଯ୍ୟନ୍ତ ସେବା ପକ୍ଷ ପାଳନ କରିବ । ଏହି ସମୟରେ, ରକ୍ତଦାନ ଶିବିର, ସ୍ୱାସ୍ଥ୍ୟ ଶିବିର, ସ୍ୱଚ୍ଛତା ଅଭିଯାନ, ମାରାଥନ ଆୟୋଜନ କରାଯିବ ।

ଗୁରୁବାର ବିଜେପି ମୁଖ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ କେନ୍ଦ୍ରମନ୍ତ୍ରୀ ଭୂପେନ୍ଦ୍ର ଯାଦବ କହିଛନ୍ତି ଯେ, ସେପ୍ଟେମ୍ବର ୧୭ ରୁ ଅକ୍ଟୋବର ୨ ତାରିଖ ପର୍ଯ୍ୟନ୍ତ ସାରା ଦେଶରେ ବିଜେପି ଦ୍ୱାରା 'ସେବା ପକ୍ଷ' ପାଳନ କରାଯିବ । ସେ କହିଛନ୍ତି ଯେ, ସେପ୍ଟେମ୍ବର ୧୭ ହେଉଛି ପ୍ରଧାନମନ୍ତ୍ରୀ ମୋଦିଙ୍କ ଜନ୍ମଦିନ, ସେ ଭାରତୀୟ ରାଜନୀତିରେ ସେବା, ସ୍ୱଚ୍ଛତା ଭଳି ମୌଳିକ ବିଷୟ ସ୍ଥାପନ କରିଛନ୍ତି ଏବଂ ସମଗ୍ର ଦେଶକୁ ସ୍ୱଚ୍ଛତାର ମହାମନ୍ତ୍ର ଦେଇଛନ୍ତି ।

ଭୂପେନ୍ଦ୍ର ଯାଦବ ଆହୁରି ମଧ୍ୟ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦିଙ୍କ ଦୃଷ୍ଟିକୋଣ ହେଉଛି ରାଜନୀତି ମଧ୍ୟ ସେବାର ଏକ ମାଧ୍ୟମ, ତେଣୁ ପାରମ୍ପରିକ ସମାଲୋଚନାରୁ ଦୂରେଇ ସାଧାରଣ ଲୋକଙ୍କ ଜୀବନର ଦୁଃଖକୁ ଦୂର କରିବା, ସରକାରଙ୍କ ନୀତି ମାଧ୍ୟମରେ ଗରିବ କଲ୍ୟାଣ ଯୋଜନାକୁ ତଳ ସ୍ତର ପର୍ଯ୍ୟନ୍ତ ନେବା, ଶାସନରେ ପ୍ରଯୁକ୍ତିବିଦ୍ୟାର ହସ୍ତକ୍ଷେପ ସହିତ ସ୍ୱଚ୍ଛତାର ମାନଦଣ୍ଡ ସ୍ଥାପନ କରିବା, ତାଙ୍କ ନେତୃତ୍ୱରେ ଆମେ ଏହା ଦେଖିଛୁ ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ