ନାରାୟଣପୁର, 11 ସେପ୍ଟେମ୍ବର (ହି.ସ.)
- ଛତିଶଗଡ଼ର ନାରାୟଣପୁର ଜିଲ୍ଲାରେ ଚାଲିଥିବା ନକ୍ସଲ ନିରୋଧ ଅଭିଯାନ ଏବଂ
ଅତ୍ୟଧିକ ସମ୍ବେଦନଶୀଳ ନକ୍ସଲ ପ୍ରଭାବିତ ଅଞ୍ଚଳରେ ଲଗାତାର କ୍ୟାମ୍ପ ସ୍ଥାପନ ହେବାରୁ ପୋଲିସର
ପ୍ରଭାବ ବଢ଼ିବା ଫଳରେ ବୁଧବାର ନାରାୟଣପୁର ଏସପି ରୋବିନସନ ଗୁଡ଼ିଆଙ୍କ ସମ୍ମୁଖରେ 16 ଜଣ ନକ୍ସଲ
ଆତ୍ମସମର୍ପଣ କରିଛନ୍ତି।
ଏହି ସମସ୍ତ ନକ୍ସଲଙ୍କୁ 50-50 ହଜାର ଟଙ୍କା ପ୍ରୋତ୍ସାହନ ରାଶିର ଚେକ୍ ପ୍ରଦାନ କରାଯାଇଛି।
ସେମାନଙ୍କୁ ଛତିଶଗଡ଼ ସରକାରଙ୍କ ନକ୍ସଲ ନିରୋଧ ନୀତି ଅନୁଯାୟୀ ମିଳୁଥିବା ସବୁ ସୁବିଧା ଦିଆଯିବ।
ବସ୍ତର ଆଇଜି ସୁନ୍ଦରରାଜ ପି. କହିଛନ୍ତି ଯେ 2025 ରେ ନକ୍ସଲ ସଂଗଠନର ଶୀର୍ଷ ନେତୃତ୍ୱକୁ
ସୁରକ୍ଷା ବାହିନୀ ଦ୍ୱାରା ବ୍ୟାପକ କ୍ଷତି ହୋଇଛି। ପ୍ରତିବନ୍ଧିତ ଏବଂ ବେଆଇନ ସିପିଆଇ ନକ୍ସଲ
ସଂଗଠନ ପାଖରେ ବର୍ତ୍ତମାନ ହିଂସା ଛାଡ଼ି ଆତ୍ମସମର୍ପଣ କରିବାଛଡ଼ା ଅନ୍ୟ କୌଣସି ବିକଳ୍ପ ନାହିଁ।
ସେ ନକ୍ସଲ ସଂଗଠନକୁ ଆହ୍ବାନ କରି କହିଛନ୍ତି ଯେ ସେମାନେ ତୁରନ୍ତ ହିଂସାପୂର୍ଣ୍ଣ
କାର୍ଯ୍ୟକଳାପ ଛାଡ଼ି ଶାସନର ଆତ୍ମସମର୍ପଣ ପୁନର୍ବାସ ନୀତି ଅନୁସରଣ କରି ସମାଜର ମୁଖ୍ୟଧାରା
ସହିତ ଯୋଗ ଦିଅନ୍ତୁ ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
11 Sep 2025