ନୂଆଦିଲ୍ଲୀ୧୬ ସେପ୍ଟେମ୍ବର

(ହି.ସ.)- ସୁପ୍ରିମକୋର୍ଟ ଉତ୍ତର ପ୍ରଦେଶ ସମେତ ନଅଟି ରାଜ୍ୟକୁ ଧର୍ମାନ୍ତରୀକରଣ ବିରୋଧୀ ଆଇନକୁ

ଚ୍ୟାଲେଞ୍ଜ କରି ଏକ ନୂତନ ଆବେଦନର ଶୁଣାଣି କରି ନୋଟିସ ଜାରି କରିଛନ୍ତି। ମୁଖ୍ୟ ବିଚାରପତି

ବି.ଆର. ଗଭଇଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ଏହି ରାଜ୍ୟଗୁଡ଼ିକୁ ଚାରି ସପ୍ତାହ ମଧ୍ୟରେ ଜବାବ

ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି। ମାମଲାର ପରବର୍ତ୍ତୀ ଶୁଣାଣି ଛଅ ସପ୍ତାହ ପରେ ହେବ।ଉଚ୍ଚତମ ନ୍ୟାୟାଳୟ

ସିଟିଜନ୍ସ ଫର ଜଷ୍ଟିସ ଆବେଦନ ଉପରେ ଉତ୍ତରପ୍ରଦେଶ ବ୍ୟତୀତ ମଧ୍ୟପ୍ରଦେଶ, ହିମାଚଳ ପ୍ରଦେଶ, ଉତ୍ତରାଖଣ୍ଡ, ଛତିଶଗଡ଼, କର୍ଣ୍ଣାଟକ, ଗୁଜରାଟ ଏବଂ ହରିୟାଣାକୁ ନୋଟିସ ଜାରି କରିଛନ୍ତି।

ଆବେଦନରେ କୁହାଯାଇଛି ଯେ ଏହି ରାଜ୍ୟଗୁଡ଼ିକ ଦ୍ୱାରା ତିଆରି ଆଇନ

ଭିନ୍ନ ଧର୍ମର ଦମ୍ପତିମାନଙ୍କୁ ହଇରାଣ କରିବାର ଏକ ମାଧ୍ୟମ ପାଲଟିଛି। ଏଥିପାଇଁ ଆବେଦନରେ

କୁହାଯାଇଛି ଯେ ଏହି ଆଇନ ନାଗରିକଙ୍କ ସ୍ୱାଧୀନତା ଏବଂ ସାମ୍ବିଧାନିକ ଅଧିକାରକୁ ଉଲ୍ଲଂଘନ କରେ, ତେଣୁ ମାମଲାର ଶୁଣାଣି ପର୍ଯ୍ୟନ୍ତ ଏହି ଆଇନ ଅନୁଯାୟୀ

କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନକରିବା ପାଇଁ ନିର୍ଦ୍ଦେଶ ଦେବାକୁ ଦାବି କରାଯାଇଛି।

---------------

ହିନ୍ଦୁସ୍ଥାନ ସମାଚାର / ରଶ୍ମିତା