ନୂଆଦିଲ୍ଲୀ, 20 ସେପ୍ଟେମ୍ବର (ହି.ସ.)- ରାଜଧାନୀ ଦିଲ୍ଲୀରେ

ଶନିବାର ସକାଳେ ପୁଣିଥରେ ଚାରୋଟି ସ୍କୁଲକୁ ବୋମା ବିସ୍ଫୋରଣର ଧମକ ମିଳିଛି, ଯାହାଫଳରେ ସ୍କୁଲଗୁଡିକରେ ଆତଙ୍କ ଖେଳିଯାଇଛି । ଏହି ଘଟଣାକୁ ନେଇ ଛାତ୍ରଛାତ୍ରୀ ଓ

ଅଭିଭାବକମାନେ ମଧ୍ୟ ଭୟଭୀତ ହୋଇପଡିଛନ୍ତି ।

ସକାଳେ ସ୍କୁଲ ପ୍ରଶାସନ ଧମକି

ଭରା ଇମେଲ୍ ପଢ଼ିବା ମାତ୍ରେ, ସେମାନେ ତୁରନ୍ତ ଦିଲ୍ଲୀ

ପୁଲିସକୁ ସୂଚନା ଦେଇଥିଲେ । ପୋଲିସ ଦଳ, ବୋମା ନିରୋଧକ ଟିମ୍ ସହିତ

ସ୍କୁଲରେ ପହଞ୍ଚି,

ସ୍କୁଲଗୁଡିକୁ ଖାଲି କରାଇ ତଲାସୀ ନେଉଛନ୍ତି ।

ପୁଲିସର ଜଣେ ବରିଷ୍ଠ

ଅଧିକାରୀଙ୍କ ଅନୁସାରେ, ଆଜି ଶନିବାର ସକାଳେ ଡିପିଏସ ଦ୍ୱାରକା, କୃଷ୍ଣା ମଡେଲ ପବ୍ଲିକ ସ୍କୁଲ୍, ସର୍ବୋଦୟ ବିଦ୍ୟାଳୟ ସହିତ ଆଉ

ଦୁଇଟି ସ୍କୁଲକୁ ଧମକପୂର୍ଣ୍ଣ ଇମେଲ୍ ମିଳିଛି । ଦିଲ୍ଲୀ ଅଗ୍ନିଶମ ବିଭାଗକୁ ନଜଫଗଡ଼ ଅଞ୍ଚଳର

ଗୋଟିଏ ସ୍କୁଲରୁ ସକାଳ ସାଢ଼େ ୬ଟାରେ ପ୍ରଥମ କଲ୍ ମିଳିଥିଲା । ଦ୍ୱିତୀୟ କଲ୍ ସାଢ଼େ ଛଅଟା, ତୃତୀୟ ସାଢ଼େ ସାତଟା ଓ ଚତୁର୍ଥ କଲ୍ ମହରୌଲୀ ଅଞ୍ଚଳର ଏକ ପବ୍ଲିକ ସ୍କୁଲରୁ ମିଳିଥିଲା ।

ସୂଚନା ମିଳିବା ମାତ୍ରେ, ଦିଲ୍ଲୀ ପୁଲିସ ଟିମ୍‌, ଅଗ୍ନିଶମ ଦଳ, ବୋମା ୟୁନିଟ୍ ଓ

ଡଗ୍ ସ୍କ୍ୱାଡ୍ ଦଳ ଘଟଣାସ୍ଥଳରେ ପହଞ୍ଚିଥିଲେ ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା