ଜମ୍ମୁ, 20 ସେପ୍ଟେମ୍ବର (ହି.ସ.)- ଜମ୍ମୁ-କାଶ୍ମୀରର
ଉଧମପୁର ଜିଲ୍ଲାର ଉଚ୍ଚ ଅଞ୍ଚଳ ସେଓଜ୍ ଧାର ଜଙ୍ଗଲ ଅଞ୍ଚଳରେ ସେନା ଓ ପୁଲିସ ସଂଯୁକ୍ତ ଭାବେ
ଆତଙ୍କବାଦୀମାନଙ୍କୁ ଖୋଜିବା ଅଭିଯାନ ଆରମ୍ଭ କରିଥିବାବେଳେ ଘଟିଥିବା ଗୁଳିବିନିମୟରେ ଗୁରୁତର
ଆହତ ହୋଇଥିବା ଜଣେ ସେନା ଯବାନ ଶହୀଦ ହୋଇଛନ୍ତି । ଏହି ସୂଚନା ଆଜି ସକାଳେ ଅଧିକାରୀମାନେ
ଦେଇଛନ୍ତି । ସେମାନେ କହିଛନ୍ତି ଯେ ଏହି ଅଞ୍ଚଳରେ ଅଭିଯାନ ଜାରି ରହିଛି । ଜଙ୍ଗଲ ଅଞ୍ଚଳରେ ୨-୩
ଆତଙ୍କବାଦୀ ଲୁଚି ରହିଥିବା ସନ୍ଦେହ କରାଯାଉଛି ।
ଅଧିକାରୀମାନେ କହିଛନ୍ତି ଯେ
ଗତ ଶୁକ୍ରବାର ବିଳମ୍ବିତ ସନ୍ଧ୍ୟାରେ, ଉଧମପୁରର ଦୁଡୁ-ବସନ୍ତଗଡ଼ ଓ
ଡୋଡ଼ାର ଭଦ୍ରବାହ ଅଞ୍ଚଳ ନିକଟବର୍ତ୍ତୀ ସେଓଜ୍ ଧାର ଜଙ୍ଗଲ ଅଞ୍ଚଳରେ ସେନା ଓ ଜମ୍ମୁ-କାଶ୍ମୀର
ପୁଲିସର ବିଶେଷ ଅଭିଯାନ ଗୋଷ୍ଠୀ ଦ୍ୱାରା ଗଠିତ ଏକ ସଂଯୁକ୍ତ ତଲାଶୀ ଦଳ ଉପରେ ଆତଙ୍କବାଦୀମାନେ ଗୁଳିବର୍ଷା କରିଥିଲେ ।
ସେମାନେ କହିଛନ୍ତି ଯେ ଆହତ ସେନା ଯବାନଙ୍କୁ ହସ୍ପିଟାଲକୁ ନିଆଯାଇଥିଲା, ମାତ୍ର ସେଠାରେ ସେ
ସହିଦ ହୋଇଛନ୍ତି ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
20 Sep 2025
ଗୁଜରାଟର ଭାବନଗରରେ 'ସମୁଦ୍ର ସେ ସମୃଦ୍ଧି' କାର୍ଯ୍ୟକ୍ରମକୁ ସମ୍ବୋଧନ କଲେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ
20 Sep 2025