ନୂଆଦିଲ୍ଲୀ, ୨୨ ସେପ୍ଟେମ୍ବର (ହି.ସ.) - ଆଜିଠାରୁ ସାରା ଦେଶରେ ସାମଗ୍ରୀ ଏବଂ ସେବା କର (ଜିଏସଟି) କାର୍ଯ୍ୟକାରୀ ହୋଇଛି । ଶାସକ ଭାରତୀୟ ଜନତା ପାର୍ଟି (ବିଜେପି) ନୂତନ ଜିଏସଟି ହାରକୁ ମହା ବଚତ ମହୋତ୍ସବ (ସଂଚୟ ଉତ୍ସବ) ଭାବରେ ବର୍ଣ୍ଣନା କରିଛି ଏବଂ କହିଛି ଯେ, ଏହି ସଂସ୍କାରଗୁଡ଼ିକ ଜୀବନର ସମସ୍ତ ବର୍ଗର ଲୋକଙ୍କୁ ଲାଭ ପହଂଚାଉଛି ।

ସୋମବାର ବିଜେପି ମୁଖ୍ୟାଳୟରେ ଏକ ସାମ୍ବାଦିକ ସମ୍ମିଳନୀରେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ, ଆଜିଠାରୁ ଏକ ବିରାଟ ସଂଚୟ ମହୋତ୍ସବ ଆରମ୍ଭ ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜିଏସଟି ସଂସ୍କାର ନିଷ୍ପତି ଆଜିଠାରୁ କାର୍ଯ୍ୟକାରୀ ହୋଇଛି । ଏହା ଲୋକଙ୍କ ମଧ୍ୟରେ ଖୁସିର ଲହରୀ ଆଣିଛି । ଏହା ଦ୍ୱାରା ଦୈନନ୍ଦିନ ବ୍ୟବହାରର ପ୍ରାୟ ପ୍ରତ୍ୟେକ ଜିନିଷ ଶସ୍ତା ହେବ । କଂଗ୍ରେସକୁ କାଉଂଟର କରି ବୈଷ୍ଣବ କହିଛନ୍ତି ଯେ, ଆଜି ଦେଶର ପ୍ରତ୍ୟେକ କୋଣରୁ ଖବର ଆସୁଛି ଯେ,ଲୋକମାନେ ଜିଏସଟି ସଂସ୍କାରରେ ଖୁସି, କିନ୍ତୁ ଆମର ବିରୋଧି ସାଥିମାନେ ଏହି ସଂଚୟରେ ଖୁସି ନୁହଁନ୍ତି । ସ୍ୱାଭାବିକ ଭାବରେ ସେମାନଙ୍କ କାର୍ଯ୍ୟକାଳ ମଧ୍ୟରେ କେବେଳ କଥା ହେଉଥିଲା, କୌଣସି କାର୍ଯ୍ୟ ହେଉନଥିଲା । ୟୁପିଏ ଶାସନ ସମୟରେ ସିମେଂଟ ଉପରେ ୩୦ ପ୍ରତିଶତ ଟିକସ ଲାଗୁ ହେଉଥିଲା, ଯେତେବେଳେ ଏନଡିଏ ଶାସନ ସମୟରେ ଏହା ୧୮ ପ୍ରତିଶତ ଥିଲା । ୟୁପିଏ ଶାସନ ସମୟରେ ସାନିଟାରୀ ପ୍ୟାଡ଼ ଉପରେ ୧୩ ପ୍ରତିଶତ ଟିକସ ଲାଗୁ ହେଉଥିଲା, ଯାହାକୁ ଏବେ ଶୂନ୍ୟ କରିଦିଆଯାଇଛି ।

ହିନ୍ଦୁସ୍ଥାନ ସମାଚାର / ଭାନୁ ଚରଣ