ମୈସୁର, 22 ସେପ୍ଟେମ୍ବର (ହି.ସ.) - ଚାମୁଣ୍ଡୀ ହିଲ୍ସରେ

ଐତିହାସିକ ମୈସୂର ଦଶହରା ଉତ୍ସବର ଉଦ୍‌ଘାଟନ କିଛି ସମୟରେ ଆରମ୍ଭ ହେବ। ସକାଳ 10:10 ରୁ 10:40

ପର୍ଯ୍ୟନ୍ତ, ଶୁଭ ବୃଶ୍ଚିକ

ଲଗ୍ନରେ ମାନ୍ୟଗଣ ବ୍ୟକ୍ତି ଚାମୁଣ୍ଡୀ ହିଲ୍ସର ମଞ୍ଚରେ ଚାନ୍ଦିର ରଥ ଉପରେ ବିରାଜିତ ଦେବୀ

ଚାମୁଣ୍ଡେଶ୍ୱରୀଙ୍କୁ ପୁଷ୍ପାଞ୍ଜଳି ଅର୍ପଣ କରିବେ। ଏହା ସହିତ ଜାତୀୟ ଉତ୍ସବର ଆରମ୍ଭ ହେବ।

ଏହି ଏଗାର ଦିନିକିଆ

ନଡହବ୍ବା ଦଶହରା ଉତ୍ସବର ଉଦ୍‌ଘାଟନ କରିବେ ପ୍ରସିଦ୍ଧ ଲେଖିକା ଓ ବୁକର ପୁରସ୍କାର

ବିଜେତା ବାନୁ ମୁଶ୍ତାକ୍। ମୁଖ୍ୟମନ୍ତ୍ରୀ ସିଦ୍ଧାରମୈୟା ଓ ଡି. କେ. ଶିବକୁମାର ମୁଖ୍ୟ ଅତିଥି

ଭାବେ ଉପସ୍ଥିତ ରହିବେ । କେନ୍ଦ୍ରୀୟ ମନ୍ତ୍ରୀ ନିର୍ମଳା ସୀତାରମଣ, ଏଚ୍. ଡି. କୁମାରସ୍ୱାମୀ, ପ୍ରହ୍ଲାଦ ଜୋଶୀ, ଭି. ସୋମନ୍ନା, ଶୋଭା କରନ୍ଦଲାଜେ, ବିଧାୟକ ଜି. ଟି. ଦେୱେଗୌଡ଼ା ଓ ଅନେକ ଅନ୍ୟ ମାନ୍ୟଗଣ ବ୍ୟକ୍ତିମାନେ

ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିବେ।

ଉଦ୍‌ଘାଟନ କାର୍ଯ୍ୟକ୍ରମ

ଶେଷ ହେବା ପର୍ଯ୍ୟନ୍ତ ଭକ୍ତମାନେ ଦେବୀ ଚାମୁଣ୍ଡୀଙ୍କ ଦର୍ଶନ କରିପାରିବେ ନାହିଁ। ଘରୋଇ

ଯାନବାହନ ପ୍ରବେଶ ଉପରେ ମଧ୍ୟ କଟକଣା ଲାଗିଛି ଓ ଚାମୁଣ୍ଡୀ ପାହାଡ଼ ତଳେ ପୋଲିସ ବ୍ୟାରିକେଡ୍ କରିଛି

। ଉଦ୍‌ଘାଟନ କାର୍ଯ୍ୟକ୍ରମ ପାଇଁ ଚାମୁଣ୍ଡୀ ପାହାଡ଼ ଉପରେ ବ୍ୟାପକ ପୋଲିସ ବଳ ନିଯୁକ୍ତ

କରାଯାଇଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା