ଆଲିଗଡ଼୨୩ ସେପ୍ଟେମ୍ବର (ହି.ସ.)- ଉତ୍ତର ପ୍ରଦେଶର ଅଲିଗଡ଼ ଜିଲ୍ଲାରେ ମଙ୍ଗଳବାର ସକାଳେ ଏକ କାର ଏବଂ

ଏକ କ୍ୟାଣ୍ଟର ଧକ୍କା ହୋଇଥିଲା। ଧକ୍କା ପରେ ଉଭୟ ଗାଡ଼ିରେ ନିଆଁ ଲାଗିଛି। ଦୁର୍ଘଟଣାରେ ଚାରି

ଜଣ ଜୀବନ୍ତ ଦଗ୍ଧ ହୋଇଯାଇଥିବା ବେଳେ ଜଣେ ଆହତ ହୋଇଛନ୍ତି।ସୂଚନା ପାଇବା ପରେ

ପୋଲିସ ଅଗ୍ନିଶମ ବାହିନୀର ସହାୟତାରେ ନିଆଁକୁ ନିୟନ୍ତ୍ରଣ କରିଥିଲା। ରିଲିଫ୍ ଏବଂ ଉଦ୍ଧାର

କାର୍ଯ୍ୟ ଚାଲିଥିବା ବେଳେ ଆହତମାନଙ୍କୁ ଡାକ୍ତରଖାନା ନିଆଯାଇଥିଲା। ଦୁର୍ଘଟଣାରେ ଯେଉଁ ଲୋକଙ୍କ

ମୃତ୍ୟୁ ହୋଇଛି ସେମାନଙ୍କ ଲୋକଙ୍କ ପରିଚୟ ଚିହ୍ନଟ କରାଯାଉଛି।ମୁଖ୍ୟମନ୍ତ୍ରୀ

ଯୋଗୀ ଆଦିତ୍ୟନାଥ ଆଲିଗଡ଼ ଜିଲ୍ଲାରେ ଘଟିଥିବା ସଡ଼କ ଦୁର୍ଘଟଣା ସମ୍ପର୍କରେ ଅବଗତ ହୋଇଛନ୍ତି

ଏବଂ ମୃତକଙ୍କ ଶୋକସନ୍ତପ୍ତ ପରିବାର ପ୍ରତି ସମବେଦନା ଜଣାଇଛନ୍ତି।ସେମାନେ ଆହତମାନଙ୍କୁ ତୁରନ୍ତ

ଡାକ୍ତରଖାନାକୁ ପହଁଞ୍ଚାଇ ଜିଲ୍ଲା ପ୍ରଶାସନର ଅଧିକାରୀଙ୍କୁ ତାଙ୍କୁ ଉପଯୁକ୍ତ ଚିକିତ୍ସା

ଯୋଗାଇବା ପାଇଁ ନିର୍ଦ୍ଦେଶ ଦେଇଛନ୍ତି। ଏହା ସହ

ଆହତଙ୍କୁ ଶୀଘ୍ର ଆରୋଗ୍ୟ କାମନା ମଧ୍ୟ କରିଛନ୍ତି।ପୋଲିସ ଅଧୀକ୍ଷକ (ଗ୍ରାମୀଣ) ଅମୃତ ଜୈନ

କହିଛନ୍ତି ଯେ ଥାନା ଅକରାବାଦ କ୍ଷେତ୍ର ଅନ୍ତର୍ଗତ ଆଜି ସକାଳେ ଅଞ୍ଚଳର ଗୋପୀ ସେତୁରେ ଦୁଇଟି ଗାଡ଼ି ଧକ୍କା

ହୋଇ ନିଆଁ ଲାଗିଯାଇଥିଲା। ଏହି ଦୁର୍ଘଟଣାରେ କିଛି ଲୋକ ପୋଡ଼ି ଯାଇଥିବା ରିପୋର୍ଟ ମିଳିଛି।

ସୂଚନା ପାଇବା ମାତ୍ରେ ସ୍ଥାନୀୟ ପୋଲିସ ଏବଂ ଅଗ୍ନିଶମ ସେବା ଅଧିକାରୀମାନେ ଘଟଣାସ୍ଥଳରେ ପହଞ୍ଚି

ନିଆଁ ଲିଭାଇଥିଲେ। ଆହତମାନଙ୍କୁ ଗାଡ଼ିରୁ ବାହାର କରି ଆମ୍ବୁଲାନ୍ସ ମାଧ୍ୟମରେ ଜେଏନଏମସୀ ଟ୍ରାମା ସେଣ୍ଟରକୁ

ପଠାଯାଇଥିଲା।ଏହି ଦୁର୍ଘଟଣାରେ ଚାରି ଜଣଙ୍କର

ମୃତ୍ୟୁ ହୋଇଥିଲା।

---------------

ହିନ୍ଦୁସ୍ଥାନ ସମାଚାର / ରଶ୍ମିତା