ନୂଆଦିଲ୍ଲୀ, 23 ସେପ୍ଟେମ୍ବର (ହି.ସ.)
- ଭାରତୀୟ
ଖାଦ୍ୟ ସୁରକ୍ଷା ଓ ମାନକ ପ୍ରାଧିକରଣ (ଏଫଏସଏସଏଆଇ) ଆସନ୍ତା 26-27 ସେପ୍ଟେମ୍ବରରେ ଭାରତ ମଣ୍ଡପମ୍ରେ ଗ୍ଲୋବାଲ୍ ଫୁଡ୍
ରେଗୁଲେଟର୍ସ ସମ୍ମିଳନୀର ଆୟୋଜନ କରିବ। କେନ୍ଦ୍ରୀୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ
ଜେପି ନଡ୍ଡା ମଙ୍ଗଳବାର ଦିନ ନିର୍ମାଣ ଭବନରେ ଏହି ସମ୍ମିଳନୀର ଲୋଗୋ ଓ ପୁସ୍ତିକା ଜାରି
କରିଛନ୍ତି। ଏହି କାର୍ଯ୍ୟକ୍ରମକୁ ଏଫଏସଏସଏଆଇ, ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟର ଅଧୀନରେ ଆୟୋଜନ କରୁଛି।
ଏହି ସମ୍ମିଳନୀ ୱାର୍ଲ୍ଡ ଫୁଡ୍ ଇଣ୍ଡିଆ 2025 ସହ ସମାନ୍ତର ଭାବରେ ଆୟୋଜିତ ହେବ।
ଏହି ଅବସରରେ ଜେପି ନଡ୍ଡା
କହିଛନ୍ତି ଯେ, ଏଥିବର୍ଷ
ଜିଏଫଆରଏସ୍ ର ଥିମ୍ ହେଉଛି ବଦଳୁଥିବା ଖାଦ୍ୟ ଆଚରଣ – ଯଥା ଅନ୍ନ, ତଥା ମନ, ଯାହା ଭୋଜନର ଗୁଣବତ୍ତା ଓ ମନ ଓ ସମାଜର ସ୍ୱାସ୍ଥ୍ୟ ମଧ୍ୟରେ ଗଭୀର
ସମ୍ପର୍କକୁ ବ୍ୟକ୍ତ କରେ।
ସେ କହିଛନ୍ତି ଯେ, ଖାଦ୍ୟ
କେବଳ ପୋଷଣ ନୁହେଁ, ଏହା ଶାରୀରିକ ସ୍ୱାସ୍ଥ୍ୟ, ମାନସିକ ସନ୍ତୁଳନ, ଭାବନାତ୍ମକ ଦୃଢତା ଓ ସାମାଜିକ ସହଯୋଗର ମଧ୍ୟ ଆଧାର ଅଟେ।
ଏଫଏସଏସଏଆଇ ଓ
ମନ୍ତ୍ରଣାଳୟର ଭୂମିକାର ପ୍ରଶଂସା କରି ନଡ୍ଡା କହିଛନ୍ତି ଯେ, ଖାଦ୍ୟ ସୁରକ୍ଷା ମାନକଗୁଡିକୁ ଏକ ବହୁମୁଖି ଦୃଷ୍ଟିକୋଣରୁ ଲଗାତର ଭାବରେ
ସୁଧାର କରିବା ଆବଶ୍ୟକ। ସେ କହିଛନ୍ତି ଯେ, ବଦଳୁଥିବା ଖାଦ୍ୟ ଆଚରଣ ଓ
ବଜାରର ଅନୁକୂଳତା ଅନୁସାରେ ମାନକ, ନିୟମ ଓ ବିନିୟମଗୁଡ଼ିକୁ ସମୟ
ସମୟରେ ଅପଡେଟ କରିବା ଦରକାର। ଫୁଡ୍ ରେଗୁଲେଟର୍ମାନେ ସଚେତନ ଓ ସକ୍ରିୟ ରହିବାକୁ ପଡ଼ିବ। ଏହି
ମଞ୍ଚଟି ବିଶ୍ୱ ନିୟମକମାନଙ୍କୁ ମତ ବିନିମୟ କରିବା, ମାନକର ସମନ୍ୱୟ,
ମୂଲ୍ୟାଙ୍କନ କ୍ଷମତାକୁ ଶକ୍ତିଶାଳୀ କରିବା ଓ ଖାଦ୍ୟ ସୁରକ୍ଷା ମାଧ୍ୟମରେ
ପ୍ରଯୁକ୍ତି ଉନ୍ନତି ବିଷୟରେ ଆଲୋଚନା କରିବା ପାଇଁ ଏକ ଅବସର ପ୍ରଦାନ କରିବ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା