ଢାକା, (ବାଂଲାଦେଶ) 24ସେପ୍ଟେମ୍ବର (ହି.ସ)-ମଧ୍ୟବର୍ତ୍ତୀକାଳୀନ ସରକାର ଉତ୍ତରା ମାଇଲଷ୍ଟୋନ୍ ସ୍କୁଲ୍ ଏବଂ କଲେଜ ସାମରିକ ବିମାନ ଦୁର୍ଘଟଣାର

ତଦନ୍ତ ପାଇଁ ଗଠିତ କମିଶନର କାର୍ଯ୍ୟକାଳ ବୃଦ୍ଧି କରିଛନ୍ତି।

ମଙ୍ଗଳବାର ରାତିରେ

ଜାରି ହୋଇଥିବା କ୍ୟାବିନେଟ୍ ବିଭାଗର ସର୍କୁଲାରରେ କୁହାଯାଇଛି ଯେ କମିଶନର କାର୍ଯ୍ୟକାଳ 23 ଦିନ (24ସେପ୍ଟେମ୍ବରରୁ 16 ଅକ୍ଟୋବର) ବୃଦ୍ଧି କରାଯାଇଛି।

ବାୟୁସେନାର ଏଫଟି -7 ବିଜିଆଇଲଢ଼ୁଆ ବିମାନ ଦୁର୍ଘଟଣାରେ 34 ଜଣଙ୍କର ମୃତ୍ୟୁ

ହୋଇଥିଲା। ଢାକା ଟ୍ରିବ୍ୟୁନର ଏକ ରିପୋର୍ଟ ଅନୁଯାୟୀ, ପୂର୍ବତନ ସଚିବ ଏକେଏମ ଜଫର୍ ଉଲ୍ଲାହ

ଖାନଙ୍କ ନେତୃତ୍ୱରେ କମିଶନକୁ ପ୍ରଥମେ ଚାରି ସପ୍ତାହ ମଧ୍ୟରେ ରିପୋର୍ଟ ଦାଖଲ କରିବାକୁ

କୁହାଯାଇଥିଲା। ପରବର୍ତ୍ତୀ ସମୟରେ ଏହାର କାର୍ଯ୍ୟକାଳ ଥରେ ଏବଂ ଏବେ ପୁଣି ଥରେ ବୃଦ୍ଧି

କରାଯାଇଥିଲା। ନଅ ଜଣିଆ କମିଶନରେ ପୂର୍ବତନ ଏୟର ଭାଇସ୍ ମାର୍ଶଲ୍ (ଅବସରପ୍ରାପ୍ତ) ଏମ. ସଇଦ ହୁସେନ୍, ପ୍ରତିରକ୍ଷା, ବେସାମରିକ ବିମାନ

ଚଳାଚଳ, ପର୍ଯ୍ୟଟନ ଏବଂ ବିପର୍ଯ୍ୟୟ ପରିଚାଳନା ମନ୍ତ୍ରଣାଳୟର

ଅତିରିକ୍ତ ସଚିବ, ଢାକା ଡିଭିଜନାଲ୍ କମିଶନର, ନଗର ଯୋଜନାକାର ପ୍ରଫେସର ଆଦିଲ୍ ମହମ୍ମଦ ଖାନ, ବିୟୁଇଟିର ମେକାନିକାଲ୍ ଇଞ୍ଜିନିୟରିଂ ପ୍ରଫେସର ମହମ୍ମଦ ଆଶିକୁର

ରହମାନ ଏବଂ ଆଇନଜୀବୀ ବାରିଷ୍ଟର ଅଶରଫ ଅଲି ଅନ୍ତର୍ଭୁକ୍ତ। ଢାକା ଡିଭିଜନାଲ୍ କମିଶନରଙ୍କ

କାର୍ଯ୍ୟାଳୟ ସଚିବଗତ ସହାୟତା ପ୍ରଦାନ କରୁଛି।

---------------

ହିନ୍ଦୁସ୍ଥାନ ସମାଚାର / ରଶ୍ମିତା