ନମକ୍କଲ/ଉଦୁମଲାଇ, 24 ସେପ୍ଟେମ୍ବର (ହି.ସ.)- ତମିଲନାଡୁର
ନମକ୍କଲ୍, କୋଏମ୍ବାଟୁର ଓ ଉଦୁମଲାଇରେ ବୁଧବାର ଦିନ ଦ୍ୱିତୀୟ ଦିନ ପାଇଁ ମଧ୍ୟ
ଆୟକର ବିଭାଗର ଚଢାଉ ଅଭିଯାନ ଜାରି ରହିଛି। ବିଭାଗର ଅଧିକାରୀମାନେ ପୋଲ୍ଟ୍ରି ଫାର୍ମ ସଂଚାଳକଙ୍କ
ଘର, କାର୍ଯ୍ୟାଳୟ ଓ ଅନ୍ୟାନ୍ୟ ସ୍ଥାନରେ ରେଡ୍ କରି ସେଠାରେ ରହିଥିବା
ଦସ୍ତାବିଜ, ଫାଇଲ୍ ଓ ଲ୍ୟାପଟପ୍ଗୁଡ଼ିକୁ ଯାଞ୍ଚ କରୁଛନ୍ତି।
ଔପଚାରିକ ସୂତ୍ର ଅନୁଯାୟୀ, ବୁଧବାର ଦିନ ଆୟକର ବିଭାଗର ଅଧିକାରୀମାନେ ନମକ୍କଲ୍, କୋଏମ୍ବାଟୁର ଓ ଉଦୁମଲାଇର ସ୍ଥିତ ପୋଲ୍ଟ୍ରି ଫାର୍ମ ଚାଳକଙ୍କ ଘର ଓ
କାର୍ଯ୍ୟାଳୟ ଉପରେ ରେଡ୍ କରିଛନ୍ତି । ଆୟକର ବିଭାଗର ଟିମ୍ ତାଙ୍କର ନମକ୍କଲ୍ ର ତ୍ରିଚି ମେନ୍
ରୋଡ୍ ଓ କୃଷ୍ଣଗିରି ଅଞ୍ଚଳରେ ଅବସ୍ଥିତ କାର୍ଯ୍ୟାଳୟଗୁଡ଼ିକରେ ଥିବା ଫାଇଲ୍, ଡକ୍ୟୁମେଣ୍ଟ ଓ ଲ୍ୟାପଟପ୍ଗୁଡ଼ିକୁ ଯାଞ୍ଚ କରୁଛନ୍ତି।
ଆୟକର ବିଭାଗର ଡେପୁଟି
କମିଶନର ଫର୍ନାଣ୍ଡୋଙ୍କ ନେତୃତ୍ୱରେ 10 ସଦସ୍ୟ ଥିବା ଏକ ଟିମ୍ ଗତକାଲି (ମଙ୍ଗଳବାର) ସକାଳରେ
ତିରୁପ୍ପୁର୍ ଜିଲ୍ଲାର ଉଦୁମଲାଇ ଅଞ୍ଚଳର ନେହରୁ ରୋଡ୍ରେ ଥିବା ଏକ ବେସରକାରି ପୋଲ୍ଟ୍ରି
ଫାର୍ମରେ ଅଚାନକ ଚଢାଉ କରିଥିଲେ। ଅଧିକାରୀମାନେ ସେଠାରେ ଥିବା କାର୍ଯ୍ୟାଳୟ ଫାଇଲ୍, ଦସ୍ତାବିଜ ଓ ଲ୍ୟାପଟପ୍ଗୁଡ଼ିକୁ ଯାଞ୍ଚ କରିଥିଲେ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା