ବେତିୟା, ୨୬ ସେପ୍ଟେମ୍ବର(ହି.ସ.) – ପଶ୍ଚିମ ଚମ୍ପାରଣର ବେତିୟା ସ୍ଥିତ କୁମାରବାଗ ଷ୍ଟିଲ ଫ୍ୟାକ୍ଟ୍ରି ପ୍ରାଙ୍ଗଣରେ ଶୁକ୍ରବାର ଦିନ ଭାରତୀୟ ଜନତା ପାର୍ଟି(ଭାଜପା)ର ଚମ୍ପାରଣ ଏବଂ ସାରଣ କ୍ଷେତ୍ରର ବୈଠକ ଆୟୋଜିତ କରାଯାଇଛି। ଏହି ବୈଠକକୁ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ସମ୍ବୋଧିତ କରିଛନ୍ତି ଏବଂ କାର୍ଯ୍ୟକତାଙ୍କୁ ଏକାଠି ହୋଇ ଆଗାମୀ ବିଧାନସଭାରେ ଏକଯୁଟ ହେବାର ଆହ୍ୱାନ ଦେଇଥିଲେ।

କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ ବୈଠକକୁ ସମ୍ବୋଧିତ କରି କହିଛନ୍ତି ଯେ କେନ୍ଦ୍ର ସରକାରଙ୍କ ଯୋଜନା ଏବଂ ଉପଲବ୍ôଧକୁ ସାଧାରଣ ଜନା ପର୍ଯ୍ୟନ୍ତ ପହଂଚାଇବା ସମସ୍ତ ଭାଜପା କାର୍ଯ୍ୟକର୍ତାଙ୍କ ପ୍ରଥମ ଦାୟିତ୍ୱ। ସେ କାର୍ଯ୍ୟକର୍ତାମାନଙ୍କୁ ଅପିଲ କରିଛନ୍ତି ଯେ ସେମାନେ ଘରକୁ ଘର ଯାଇ ଲୋକଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ହୋଇଥିବା ବିକାଶ କାର୍ଯ୍ୟ ବିଷୟରେ ଅବଗତ କରାନ୍ତୁ ଏବଂ ସଂଗଠନକୁ ମଜବୁତ କରିବାରେ ନିଜର ଭୂମିକା ନିର୍ବାହ କରନ୍ତୁ।

ଗୃହମନ୍ତ୍ରୀ କହିଛନ୍ତି ଯେ ଭାଜପା ସେହି ପାର୍ଟି, ଯାହା ରାଷ୍ଟ୍ରହିତକୁ ସର୍ବୋପରି ରଖେ। ସେ ସ୍ପଷ୍ଟ ଶବ୍ଦରେ କହିଛନ୍ତି ଯେ ମଜବୁତ ସଂଗଠନ ହି ମଜବୁତ ଭାରତର ଆଧାର ଅଟେ। ଶ୍ରୀ ଶାହ ପାର୍ଟି ନେତା ଏବଂ କାର୍ଯ୍ୟକର୍ତାମାନଙ୍କୁ ଆହ୍ୱାନ କରିଛନ୍ତି ଯେ, ଆସୁଥିବା ବିହାର ବିଧାନସଭା ନିର୍ବାଚନରେ ରାଷ୍ଟ୍ରୀୟ ଜନତାନ୍ତ୍ରିକ ମେଂଟ(ରାଜଗ)ର ସରକାର ବନାଇବା ପାଇଁ ପୁରା ଶକ୍ତିର ସହିତ ଯୁଟିଯାଆନ୍ତୁ। ସେ କହିଛନ୍ତି ଯେ ବିଜେପିର ସମସ୍ତ କାର୍ଯ୍ୟକର୍ତା ଯଦି ଇମାନଦାରି ଏବଂ ନିଷ୍ଠା ସହିତ ମୈଦାନକୁ ଓହ୍ଲେଇବ, ତେବେ ବିହାରରେ ନିଶ୍ଚିତ ରାଜଗର ସରକାର ହେବ।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି