ଡେରାଡୁନ, ୦୩ ସେପ୍ଟେମ୍ବର(ହି.ସ.) – ଉତରାଖଣ୍ଡରେ ବର୍ଷାର ପ୍ରକୋପ କମ୍ ହେଉନାହିଁ, ପରନ୍ତୁ ଲଗାତାର ବର୍ଷାରେ ବିପଦ ବଢ଼ିବଢ଼ି ଯାଉଛି। ରାଜ୍ୟର ସମସ୍ତ ପ୍ରମୁଖ ନଦୀ ବିପଦ ସଂକେତରେ ଏବଂ ସ୍ଥାନୀୟ ପ୍ରଶାସନ ଆଲର୍ଟ ମୋଡ଼ରେ। ପ୍ରବଳ ସ୍ରୋତରେ କେଦାରନାଥର ବେସ୍ କ୍ୟାମ୍ପ ସୋନପ୍ରୟାଗରେ ପାର୍କିଂ ସ୍ଥଳର ଏକ ବଡ଼ ଅଂଶ ଧସି ଦୁଇ ଗାଡ଼ି ଭାସିଯାଇଛି।

ସୋମବାର ମଧ୍ୟରାତ୍ରରେ କେଦାରନାଥ ଧାମର ମୁଖ୍ୟ ରାସ୍ତା ସୋନପ୍ରୟାଗରେ ସୋନ ନଦୀରେ ଲଗାତାର କଟାବ ବିପଦ ବଢ଼ାଇ ଦେଇଛି। ସନ୍ଧ୍ୟାରେ କଟାବରେ ସୋନପ୍ରୟାଗ ଶଟଲ ପାର୍କିଂର ପ୍ରାୟ ୧୫ରୁ ୨୦ ମିଟର ଅଂଶ ଧସିଯାଇଛି ଏବଂ ଏହି ସମୟରେ ପାର୍କିଂରେ ଛିଡ଼ା ହୋଇଥିବା ଦୁଇ ବୋଲେରୋ ଏହାର ଚପେଟରେ ଆସି ଭାସିଯାଇଛି। ସମୟ ପୂର୍ବରୁ ଯାନ ଚାଳକଙ୍କୁ ସୂଚନା ଦେଇ ସତର୍କ କରିଦିଆଯାଇଛି।

ରୁଦ୍ରପ୍ରୟାଗ ଜିଲ୍ଲାର ବିପର୍ଯ୍ୟୟ ପ୍ରବନ୍ଧନ ଅଧିକାରୀ ନନ୍ଦ କିଶୋର କହିଛନ୍ତି ଯେ ସୋନ ନଦୀର ସ୍ରୋତ ତୀବ୍ର ହେଉଛି। ସନ୍ଧ୍ୟାରେ ଜେସିବି(ଡ୍ରୋଜର) ମେସିନ୍ ସାହାଯ୍ୟରେ ଧସିବା ଅଂଚଳରେ ଥିବା ଯାନକୁ ବାହାରକୁ ବାହାର କରାଯାଇଛି। ସ୍ଥାନୀୟ ଲୋକ ନଦୀର ତୀବ୍ର ସ୍ରୋତ ଏବଂ ଲଗାତାର ହେଉଥିବା କଟାବକୁ ନେଇ ଚିନ୍ତିତ ଅଛନ୍ତି। ପ୍ରଶାସନ ସ୍ଥିତି ଉପରେ ନିକଟରୁ ଦୃଷ୍ଟି କରିବା ଏବଂ କୌଣସି ବିପଦ ସ୍ଥିତି ସହିତ ଯୁଝିବା ପାଇଁ ଟିମ୍ ଆଲର୍ଟ ଅଛନ୍ତି। ଜନବସତି ଆଡ଼କୁ ନଦୀର ପାଣି ମାଡ଼ି ମାଡ଼ି ଚାଲିଛି।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି