ବଳରାମପୁର, 3 ସେପ୍ଟେମ୍ବର (ହି.ସ.)- ଛତିଶଗଡ଼ ରାଜ୍ୟର
ବଲରାମପୁର ଜିଲ୍ଲା ଅନ୍ତର୍ଗତ ଗ୍ରାମ ପଞ୍ଚାୟତ ବିଶ୍ରାମନଗର ନିକଟରେ ପ୍ରାୟ 40 ବର୍ଷ ପୁରୁଣା
ଲୁତି ବନ୍ଧ ଗତ ରାତିରେ ହଠାତ୍ ଭାଙ୍ଗି ଯାଇଛି । ଏହି ଘଟଣା ଫଳରେ ବନ୍ଧ ତଳ ଅଞ୍ଚଳରେ ଆକସ୍ମିକ ବନ୍ୟା
ପରିସ୍ଥିତି ସୃଷ୍ଟି ହୋଇଛି ଓ ଗାଁ ମଧ୍ୟରେ ଭୟଙ୍କର ବିପର୍ଯ୍ୟୟ ଘଟିଛି । ଏହି ଦୁର୍ଘଟଣାରେ
ଅନେକ ଲୋକ ନିଖୋଜ ହୋଇଥିବାର ସୂଚନା ମିଳିଛି।
ଗ୍ରାମବାସୀଙ୍କ ସୂଚନା ପରେ
ଜିଲ୍ଲା ପୋଲିସ, ପ୍ରଶାସନ ଓ ଏନ୍ଡିଆରଏଫ୍ ଟିମ୍ ଘଟଣାସ୍ଥଳରେ ପହଞ୍ଚି ରାତିରୁ ରିଲିଫ
ଓ ଉଦ୍ଧାର କାର୍ଯ୍ୟରେ ଲାଗିଛନ୍ତି।
4ଜଣଙ୍କ ମୃତଦେହ ଜବତ, 3
ନିଖୋଜ
ପୋଲିସ ସୂତ୍ର ଅନୁସାରେ, ବନ୍ଧ ତଳ ଅଞ୍ଚଳରେ ରହୁଥିବା ସାତ ଜଣ ଲୋକ ପାଣିରେ ଭାସିଯାଇଥିଲେ, ଏଥିରେ ଗୋଟିଏ ପରିବାରର ଛଅ ଜଣ ଅନ୍ତର୍ଭୁକ୍ତ ଅଛନ୍ତି । ପୋଲିସ ଓ ଏନ୍ଡିଆରଏଫ୍ ଦଳ ବିଳମ୍ବିତ
ରାତିରେ ଦୁଇଟି ମୃତଦେହ ଓ ବୁଧବାର ସକାଳେ ଆଉ ଦୁଇଟି ମୃତଦେହ ଉଦ୍ଧାର କରିଛନ୍ତି । ପୋଲିସ
ଅନୁଯାୟୀ, ଏପର୍ଯ୍ୟନ୍ତ 4 ଜଣଙ୍କ ମୃତଦେହ ମିଳିଛି, ଏବଂ ଏବେବି ତିନି ଜଣ ନିଖୋଜ ଅଛନ୍ତି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା