ଭୁବନେଶ୍ୱର, 30 ସେପ୍ଟେମ୍ବର (ହି.ସ.) ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କେନ୍ଦୁଝର ଗସ୍ତରେ ଯାଇ ନିଜ ଗାଁ ରାଇକଳା ଠାରେ ଲୋକଙ୍କ ସହ ଆଲୋଚନା କରିବା ସହ ଅଭିଯୋଗ ପତ୍ର ଗ୍ରହଣ କରିଛନ୍ତି । ମୁଖ୍ୟମନ୍ତ୍ରୀ ଶ୍ରୀ ମାଝୀ ନିଜେ ସୋସିଆଲ ମିଡିଆ ଜରିଆରେ ଏହି ସୂଚନା ଦେଇଛନ୍ତି ।

ସେ ସୋସିଆଲ ମିଡିଆରେ ଏ ସମ୍ପର୍କରେ ସୂଚନା ଦେଇ ଲେଖିଛନ୍ତି ଯେ, ଆଜି କେନ୍ଦୁଝର ଗସ୍ତ ଅବସରରେ ରାଇକଳା ସ୍ଥିତ ବାସଭବନରେ ଜନସାଧାରଣଙ୍କ ସହ ମିଶିବା ସହ ବିଭିନ୍ନ ବିଷୟରେ ଆଲୋଚନା କଲି ଓ ଅଭିଯୋଗ ପତ୍ର ଗ୍ରହଣ କଲି। ମୁଁ ଆପଣଙ୍କ ମାଟିର ପୁଅ, ଆପଣଙ୍କ ଭିତରୁ ଜଣେ, ଆପଣମାନେ ହିଁ ମୋର ଶକ୍ତି ଓ ସାମର୍ଥ୍ୟ। ଆପଣଙ୍କ ଆତ୍ମୀୟତା ନିକଟରେ ମୁଁ ସବୁବେଳେ ଋଣୀ।

---------------

ହିନ୍ଦୁସ୍ଥାନ ସମାଚାର / ସମନ୍ୱୟ