ଇମ୍ଫାଲ, 5 ସେପ୍ଟେମ୍ବର (ହି.ସ.)- ମଣିପୁର ପୋଲିସ ଓ ସୁରକ୍ଷା ବାହିନୀ ସଂଯୁକ୍ତ ଭାବେ ରାଜ୍ୟର ବିଭିନ୍ନ ଅଞ୍ଚଳରେ
ଅଭିଯାନ ଚଳାଇ ବଡ଼ ସଫଳତା ହାସଲ କରିଛନ୍ତି। ଗତ ୨୪ ଘଣ୍ଟା ମଧ୍ୟରେ ଚାଲିଥିବା
କାର୍ଯ୍ୟାନୁଷ୍ଠାନରେ ବହୁ ପରିମାଣରେ ଅସ୍ତ୍ର-ଶସ୍ତ୍ର, ଗୋଲାବାରୁଦ, ବିସ୍ଫୋରକ ସାମଗ୍ରୀ ଓ ନଶାଦ୍ରବ୍ୟ ଜବତ
କରାଯାଇଛି ଏବଂ କିଛି ଉଗ୍ରବାଦୀ କ୍ୟାଡର୍ ଓ ତସକରମାନଙ୍କୁ ଗିରଫ କରାଯାଇଛି।
ଇଂଫାଲ୍ ଇଷ୍ଟ ଜିଲ୍ଲାର ହେଙ୍ଗାଙ୍ଗ ଅଞ୍ଚଳରୁ ପୋଲିସ ଏକ ଏ.କେ.-୫୬ ରାଇଫଲ୍, ଏକ ଏମ-୧୬ ରାଇଫଲ୍, ତିନିଟି ହ୍ୟାଣ୍ଡ୍ ଗ୍ରେନେଡ୍, ପାଞ୍ଚଟି ଟ୍ୟୁବ୍ ଲଞ୍ଚର୍, ଦୁଇଟି ପ୍ଲେଟ୍ ସହିତ ଏକ ବୁଲେଟ୍ପ୍ରୁଫ୍ ଜାକେଟ୍, ଏକ ଆରପିଜି ସେଲ୍ ଓ ବିଭିନ୍ନ କ୍ୟାଲିବରର ଗୁଳି ଜବତ କରିଛି।
ବିଷ୍ଣୁପୁର ଜିଲ୍ଲାର ଫୌଗକଚାଓ ଏକାଇ ଓ କୋଲବୁଙ୍ଗ ଗାଁରୁ ଏକ ଇନସାସ୍ ରାଇଫଲ୍, ଏକ ଡବଲ୍ ବ୍ୟାରେଲ୍ ବନ୍ଧୁକ, ଦୁଇଟି ସିଙ୍ଗଲ୍ ବ୍ୟାରେଲ୍ ବନ୍ଧୁକ, ଏକ ଦେଶୀ ପିସ୍ତଲ୍, ସଜୀବ କାର୍ତୂସ୍, ଜିଲେଟିନ୍ ଷ୍ଟିକ୍, ଡେଟୋନେଟର୍ ଓ କର୍ଡେକ୍ସ ତାର ଜବତ କରାଯାଇଛି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
05 Sep 2025
ପଞ୍ଜାବ-ହିମାଚଳ ବନ୍ୟା ସହାୟତା ପାଇଁ ଏକ ହଜାରରୁ ଅଧିକ 'ମୋ ଭାରତ' ବିପର୍ଯ୍ୟୟ ବନ୍ଧୁଙ୍କୁ କରାଯିବ ନିୟୋଜିତ
05 Sep 2025