ବଲାଙ୍ଗିର, 12 ଜାନୁଆରି (ହି.ସ.)

ବଲାଙ୍ଗିର ନାଗରିକ କମିଟିର ସାଧାରଣ ପରିଷଦ ବୈଠକ ଡ. ଶ୍ରୀକର ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ପୂର୍ବରୁ ବସିଥିବା କାର୍ଯ୍ୟକାରି କମିଟିରେ ନିଆଯାଇଥିବା ନିଷ୍ପତ୍ତି ଏଠାରେ ଅନୁମୋଦିତ ହୋଇଥିଲା । ପ୍ରକାଶ ଥାଉ କି ଏ ବର୍ଷ ୫୪ଜଣ ନୂତନ ସଦସ୍ୟତା ଗ୍ରହଣ କରିବା ପରେ ନାଗରିକ କମିଟିର ସଭ୍ୟ ସଭ୍ୟା ୨୯୯ ଜଣରେ ପହଂଚିଛି । ତନ୍ମଧ୍ୟରୁ ଚାରି ଜଣଙ୍କ ଦେହାନ୍ତ ହୋଇ ସାରିଛି ଓ ୫୪ ଜଣ ସଭ୍ୟ ଚାନ୍ଦା ପୈଠ କରିନାହାନ୍ତି । ସୁତରାଂ ୨୪୧ ଜଣ ସଦସ୍ୟ ଆଗାମୀ ନିର୍ବାଚନରେ ଭୋଟ ଦେଇ ପାରିବେ ବୋଲି ସଭାରେ ଘୋଷିତ ହେଲା । ଯେଉଁ ୫୪ ଜଣ ସଭ୍ୟ ଚାନ୍ଦ ଦେଇ ନାହାନ୍ତି ସେମାନଙ୍କ ସଭ୍ୟପଦ ରହିବ ଓ ପରବର୍ତ୍ତି ସମୟରେ ସେମାନେ ପୁନଃ ନବୀକରଣ କରିପାରିବେ ମାତ୍ର ବର୍ତ୍ତମାନ ପାଇଁ ଭୋଟ ଦେବାର ଅଧିକାର ପାଇ ପରିବେ ନାହିଁ । ଆଗାମୀ ନିର୍ବାଚନ ପାଇଁ ନରେନ୍ଦ୍ର କୁମାର ନାଥ ଙ୍କୁ ନିର୍ବାଚନ ଅଧିକାରୀ ଭାବେ ମନୋନିତ କରାଯାଇଥିବା ବେଳେ ଅଶୋକ କୁମାର ଚାନ୍ଦ ଓ ହରେକୃଷ୍ଣ ପଟେଲ ସହକାରୀ ନିର୍ବାଚନ ଅଧିକାରୀ ରୂପେ ମନୋନିତ ହୋଇଛନ୍ତି । ନୋମିନେସନ ପାଇଁ ଟ.୧୦୦ ଟଙ୍କା ଧାର୍ଯ୍ୟ କରାଯାଇଥିବା ବେଳେ ଭୋଟର ଲିଷ୍ଟ ନେବାକୁ ଟ.୨୦ ଧାର୍ଯ୍ୟ କରାଯାଇଛି । ନୋମିନେସନ ଚଳିତ ଜାନୁୟାରୀ ୨୪ ଓ ୨୫ ତାରିଖରେ ୬ଟାରୁ ୮ ଟା ମଧ୍ୟରେ ଦାଖଲ କରାଯିବ । ତା.୨୬.୦୧.୨୦୨୬ ରେ ସନ୍ଧ୍ୟା ଘ.୫ ଟାରୁ ୬ ଟା ପ୍ରାର୍ଥି ପତ୍ର ଯାଂଚ, ୬ ରୁ ୭ ଟା ପ୍ରାର୍ଥିପତ୍ର ପ୍ରତ୍ୟାହାର, ୭ ଟା ରୁ ୮ଟା ରେ ପ୍ରାର୍ଥିତ୍ୱ ଘୋଷଣା କରାଯିବାକୁ ମନୋନୀତ ନିର୍ବାଚନ ଅଧିକାରୀ ଶ୍ରୀ ମିଶ୍ର ଘୋଷଣା କରିବା ସହିତ ଫେବୃୟାରୀ ୨୨ ତାରିଖରେ ନାଗରିକ କମିଟିର ବିଭିନ୍ନ ପଦ ପାଇଁ ନିର୍ବାଚନ ହେବ ଓ ମାର୍ଚ୍ଚ ୧ ତାରିଖରେ ନୂତନ କମିଟି ଶପଥ ଗ୍ରହଣ କରିବାକୁ ନିର୍ଦ୍ଧାରଣ କରିଥିଲେ ।

---------------

ହିନ୍ଦୁସ୍ଥାନ ସମାଚାର / ଗୋପବନ୍ଧୁ