ବଲାଙ୍ଗିର, ୧୨ ଜାନୁଆରୀ (ହି.ସ.)-

ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଜି ଆଭାସୀ ମାଧ୍ୟମରେ ବଲାଙ୍ଗିର ଜିଲ୍ଲାର ବିଭିନ୍ନ ପ୍ରକଳ୍ପର ଶିଳାନ୍ୟାସ କରିଛନ୍ତି । ସେଥିମଧ୍ୟରୁ ସିଂଖମନ ଠାରୁ ଭୂତିଆରବାହାଲ, ବଲାଙ୍ଗିରଠାରୁ ଅର୍ଜୁନପୁର, ପଥରଚେପା-ଭଇଁଷା, ବଲାଙ୍ଗିର-ଚନ୍ଦନଭାଟି ରାସ୍ତାର ଉନ୍ନତିକରଣ, ବଲାଙ୍ଗିର ସହରର ଡ୍ରେନ ନିର୍ମାଣର ଶିଳାନ୍ୟାସ କରିଛନ୍ତି । ସେହିପରି ଭାବେ ଲୋଇସିଂହା-ଭରସୁଜା, ସାଲେଭଟା-ଆଗଲପୁର, ସାଲେଭଟା-କୁଟାସିଂହା, ଚାରିଲେନ ବିଶିଷ୍ଟ ବଲାଙ୍ଗିର ବାଇପାସ ରାସ୍ତାର ଉନ୍ନତିକରଣ ଓ ପ୍ରଶସ୍ଥିକରଣର ଶୁଭ ଉଦ୍ଘାଟନ କରିଛନ୍ତି । ଏହା ସହ ଜାତୀୟ ସଡ଼କ ସୁରକ୍ଷା ମାସ ଅବସରରେ ବଲାଙ୍ଗିର ଜିଲ୍ଲାର ସଇଁତଳା, କଣ୍ଟାବାଞ୍ଜି ଓ ଟିଟିଲାଗଡ ଠାରେ ନୂତନ ଅଟଳ ବସଷ୍ଟାଣ୍ଡର ଲୋକର୍ପଣ କରିଛନ୍ତି । ଉକ୍ତ ଆଭାସୀ କାର୍ଯ୍ୟକ୍ରମରେ ଅସ୍ଵାନ ମାଧ୍ୟମରେ ଜିଲ୍ଲାପାଳ ଗୌରୱ ଶିୱାଜୀ ଇସଲୱାର ଯୋଗଦାନ କରିଥିଲେ ।

କଣ୍ଟାବାଞ୍ଜି ନୂତନ ଅଟଳ ବସଷ୍ଟାଣ୍ଡର ଲୋକାର୍ପଣ କାର୍ଯ୍ୟକ୍ରମରେ ମନ୍ତ୍ରୀ ଗ୍ରାମ୍ୟ ଉନ୍ନୟନ, ପଞ୍ଚାୟତରାଜ ଓ ପାନୀୟ ଜଳ ବିଭାଗ, ରବି ନାରାୟଣ ନାଏକ, ବିଧାୟକ, କଣ୍ଟାବାଞ୍ଜି, ଲକ୍ଷ୍ମଣ ବାଗ ଯୋଗଦାନ କରିଥିଲେ । ଟିଟିଲାଗଡର ନୂତନ ଅଟଳ ବସଷ୍ଟାଣ୍ଡର ଲୋକର୍ପଣ କାର୍ଯ୍ୟକ୍ରମରେ ବିଧାୟକ, ଟିଟିଲାଗଡ, ନବୀନ କୁମାର ଜୈନ ଯୋଗଦାନ କରିଥିଲେ । ଅଧିକ୍ଷଣ ଯନ୍ତ୍ରୀ, ପୂର୍ତ୍ତ ବିଭାଗ, ଆଶୁତୋଷ ଜେନା, ଆଞ୍ଚଳିକ ପରିବହନ ଅଧିକାରୀ ପ୍ରିୟବ୍ରତ ମହାନ୍ତି, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ରାଜେନ୍ଦ୍ର ମାଝୀ ପ୍ରମୁଖ ଅସ୍ଵାନରେ ଉପସ୍ଥିତ ଥିଲେ ।

ହିନ୍ଦୁସ୍ଥାନ ସମାଚାର / ଗୋପବନ୍ଧୁ