ବଲାଙ୍ଗିର, 12 ଜାନୁଆରି (ହି.ସ.)
ଆଜି ବଲାଙ୍ଗୀରସ୍ଥ କଦମପଡା ସରସ୍ବତୀ ଶିଶୁ ବିଦ୍ୟା ଜ୍ଞାନ ମନ୍ଦିରରେ ‘ସ୍ବାମୀ ବିବେକାନନ୍ଦ ‘ ଜୟନ୍ତୀ’ ବିଦ୍ୟାଳୟର ସଭାପତି ଡ.ଭବାନୀ ଶଙ୍କର ପଟେଲଙ୍କ ସଭାପତିତ୍ବରେ ପାଳନ କରାଯାଇଛି । ଏଥିରେ ମୁଖ୍ୟ ଅତିଥି ରୂପେ ମିରଟ ବିଶ୍ବ ବିଦ୍ୟାଳୟର ଅବସର ପ୍ରାପ୍ତ ସଂସ୍କୃତ ଅଧ୍ୟାପକ କ୍ଷମାନିଧି ସାହୁ ଯୋଗ ଦେଇଥିଲେ । ପ୍ରଥମେ ଛାତ୍ରୀମାନେ ସମବେତ ସଙ୍ଗୀତ ପରିବେଷଣ କରିଥିଲେ । ବିଦ୍ୟାଳୟର ପ୍ରଧାନାଚାର୍ଯ୍ୟ ସନାତନ ମିଶ୍ର ମଞ୍ଚାସୀନ ଅତିଥିଙ୍କ ପରିଚୟ ସହ ଉଦ୍ଦେଶ୍ୟ ଜ୍ଞାପନ କରିଥିଲେ । ସଞ୍ଜୋଜନା ଛାତ୍ରୀ ଶୁଭସ୍ମିତା ସାହୁ ଓ ଶୁଭଶ୍ରୀ ମିଶ୍ର କରିଥିଲେ । ଶିଶୁବକ୍ତା ରୂପେ ବିଶାଖା ମେହେର, ଦେବାଶିଷ ମିଶ୍ର, ପ୍ରିୟାଂଶୀ ଷଡଙ୍ଗୀ, ରୋଲି ପ୍ରଧାନ, ଶ୍ରୀୟାଂଶ୍ରୀ ସାଏ ଓ ଆରାଧ୍ୟା ପାଣିଗ୍ରାହୀ ବିବେକାନନ୍ଦଙ୍କ ଜିବନୀ ଉପରେ ଆଲୋକପାତ କରିଥିଲେ । ଗୁରୁମା ମମତା ଭୋଇ ମଧ୍ୟ ନିଜ ବକ୍ତବ୍ୟରେ ବିବେକାନନ୍ଦଙ୍କ ଗୁରୁଭକ୍ତି ଓ ଜୟଯାତ୍ରା ବର୍ଣ୍ଣନା କରିଥିଲେ ତଥା ଗୁରୁଜୀ ତ୍ରିଲୋଚନ ଦାସ ବିବେକାନନ୍ଦଙ୍କ ଜୀବନର ଛୋଟ ଛୋଟ ଘଟଣାବଳୀ ବର୍ଣ୍ଣନା କରିଥିଲେ । ମୁଖ୍ୟ ଅତିଥି ନିଜ ବକ୍ତବ୍ୟରେ କହିଥିଲେ ଯେ ଆଜି ଛାତ୍ର -ଛାତ୍ରୀମାନେ ବିବେକାନନ୍ଦଙ୍କ ଭଳି ଏକଲକ୍ଷ୍ୟ ରଖି ସଂସ୍କୃତିକୁ ପୁନଃ ପ୍ରତିଷ୍ଠା କରନ୍ତୁ । ପରେ ସଭାପତି ମହୋଦୟ ନିଜ ଅଭିଭାଷଣ ପ୍ରଦାନ କରିଥିଲେ । ଧନ୍ୟବାଦ ଅର୍ପଣ ଗୁରୁଜୀ ସଞ୍ଜୟ ପୁରୋହିତ କରିଥିଲେ ।ଏହିପରି ଭାବରେ ଗୁରୁଜୀ ପଞ୍ଚାନନ ସା’ଙ୍କ ସଞ୍ଚାଳନରେ ସଫଳତା ସହ ସମ୍ପୂର୍ଣ୍ଣ ହୋଇଥିଲା ।
ହିନ୍ଦୁସ୍ଥାନ ସମାଚାର / ଗୋପବନ୍ଧୁ
