ଭୁବନେଶ୍ୱର, 12 ଜାନୁଆରି (ହି.ସ.)- ଜାତୀୟ ଯୁବ ଦିବସର ଶୁଭେଚ୍ଛା ଜଣାଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର
ପ୍ରଧାନ । ଏନେଇ ସୋସିଆଲ ମିଡିଆ ଏକ୍ସରେ କେନ୍ଦ୍ରମନ୍ତ୍ରୀ କହିଛନ୍ତି ଯେ, ଭାରତୀୟ ଚେତନାକୁ
ବିଶ୍ୱ ମଞ୍ଚରେ ପ୍ରତିଷ୍ଠା ଦେଇଥିବା, ଆତ୍ମବିଶ୍ୱାସ ଓ ରାଷ୍ଟ୍ରବୋଧର ଅମର ଉଦ୍ଘୋଷକ
ସ୍ୱାମୀ ବିବେକାନନ୍ଦଜୀଙ୍କ ଜୟନ୍ତୀ ଅବସରରେ ତାଙ୍କୁ ଶ୍ରଦ୍ଧାପୂର୍ବକ ନମନ ଓ ଦେଶବାସୀଙ୍କୁ ‘ରାଷ୍ଟ୍ରୀୟ ଯୁବ ଦିବସ’ର ହୃଦୟପୂର୍ଣ୍ଣ
ଶୁଭେଚ୍ଛା।
ସ୍ୱାମୀ ବିବେକାନନ୍ଦ ତାଙ୍କର ଓଜସ୍ବୀ ବିଚାର, ନିର୍ଭୀକ ଚିନ୍ତନ ଓ
ଅଦ୍ଭୁତ ବ୍ୟକ୍ତିତ୍ୱ ମାଧ୍ୟମରେ ଭାରତର ଆଧ୍ୟାତ୍ମିକ ପରମ୍ପରାକୁ ବିଶ୍ୱ ଦରବାରରେ ଏକ ନୂତନ
ଦୃଷ୍ଟିକୋଣ ଦେଇଥିଲେ। ଶିକାଗୋର ଐତିହାସିକ ମଞ୍ଚରୁ ଦିଆଯାଇଥିବା ତାଙ୍କର ସନ୍ଦେଶ ମାନବତା,
ସୌହାର୍ଦ୍ୟ
ଓ ସାର୍ବଭୌମ ଭାଇଚାରାର ଅମର ଉଦ୍ଘୋଷ ଥିଲା। ଆଜି ଯେତେବେଳେ ଭାରତ ଆତ୍ମନିର୍ଭରତା ଓ ନବଜାଗରଣର
ପଥରେ ଅଗ୍ରସର ହେଉଛି, ସେତେବେଳେ ସ୍ୱାମୀ ବିବେକାନନ୍ଦଜୀଙ୍କର
ବିଚାର ଓ ଦର୍ଶନ ଆମ ଯୁବପିଢ଼ି ପାଇଁ ଚରିତ୍ର, ସାହସ ଓ ରାଷ୍ଟ୍ରସେବାର
ପ୍ରେରଣା ହୋଇ ତାଙ୍କର ପଥକୁ ପ୍ରଶସ୍ତ କରୁଛି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
