ଚେନ୍ନାଇ, 13 ଜାନୁଆରି (ହି.ସ.)- ଶ୍ରୀଲଙ୍କା
ନୌସେନା ରାମେଶ୍ୱରମର ୧୦ ଜଣ ମତ୍ସ୍ୟଜୀବୀଙ୍କୁ ଗିରଫ କରିଛି। ଏହି ସମୟରେ ଗୋଟିଏ ମାଛଧରା
ନୌକାକୁ ମଧ୍ୟ ଜବତ କରାଯାଇଛି। ତାମିଲନାଡୁ ଓ ପୁଡୁଚେରୀର ମତ୍ସ୍ୟଜୀବୀ ସୀମା ଅତିକ୍ରମ କରି ମାଛ
ଧରିବା ଅଭିଯୋଗରେ ଶ୍ରୀଲଙ୍କା ନୌସେନା ଦ୍ୱାରା ଗିରଫ ହେଉଥିବା ଏବଂ ସେମାନଙ୍କର ନୌକାଗୁଡ଼ିକୁ
ଜବତ କରି ସରକାରୀ ସମ୍ପତ୍ତି ଘୋଷଣା କରାଯାଉଥିବା ଘଟଣା ନିରନ୍ତର ସାମ୍ନାକୁ ଆସୁଛି। ଏହା ଫଳରେ ମତ୍ସ୍ୟଜୀବୀଙ୍କୁ
ଜୀବିକା ଗୁରୁତର ଭାବେ ପ୍ରଭାବିତ ହେଉଛି।
ଏହି କ୍ରମରେ, ନେଦୁନଥୀବୁ ଅଞ୍ଚଳରେ ସୀମା ଅତିକ୍ରମ କରି ମାଛ ଧରିବା ଅଭିଯୋଗରେ
ରାମେଶ୍ୱରମର ୧୦ ଜଣ ମତ୍ସ୍ୟଜୀବୀଙ୍କୁ ଗିରଫ କରାଯାଇଛି। ସୂଚନା ଅନୁସାରେ, ମତ୍ସ୍ୟଜୀବୀଙ୍କୁ ଜାଫନା ମାଛ ଉଦ୍ୟୋଗ ବିଭାଗର ଅଧିକାରୀମାନଙ୍କ
ସମ୍ମୁଖରେ ହାଜର କରାଯିବ।
ମତ୍ସ୍ୟଜୀବୀମାନଙ୍କର ଗିରଫ
ପରେ ସେମାନଙ୍କର ପରିବାର ଓ ସମଗ୍ର ମତ୍ସ୍ୟଜୀବୀ ସମୁଦାୟରେ ବ୍ୟାପକ ଆକ୍ରୋଶ ଦେଖାଦେଇଛି।
ଅଭିଯୋଗ କରାଯାଉଛି ଯେ ଶ୍ରୀଲଙ୍କା ନୌସେନା ସୀମା ଉଲ୍ଲଙ୍ଘନ କରି ଏହି କାର୍ଯ୍ୟାନୁଷ୍ଠାନ କରିଛି, ଏବଂ ଗିରଫ ହୋଇଥିବା ମତ୍ସ୍ୟଜୀବୀମାନଙ୍କୁ ତୁରନ୍ତ ମୁକ୍ତ କରିବାକୁ
ଦାବି କରାଯାଉଛି।
ଶ୍ରୀଲଙ୍କା ନୌସେନା ଗିରଫ
ହୋଇଥିବା ମତ୍ସ୍ୟଜୀବୀମାନଙ୍କୁ ପଚାରାଉଚାରା କରୁଛି। ଏହାସହ, ମତ୍ସ୍ୟଜୀବୀମାନେ ଏପରି ଘଟଣାଗୁଡ଼ିକୁ ରୋକିବା ପାଇଁ କେନ୍ଦ୍ର ଓ
ରାଜ୍ୟ ସରକାରଙ୍କୁ ଠୋସ ପଦକ୍ଷେପ ନେବାକୁ ଦାବି କରିଛନ୍ତି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
13 Jan 2026
