କ୍ୱେଟା, 18 ଜାନୁଆରି (ହି.ସ.)- ପାକିସ୍ତାନର ସୁରକ୍ଷା ବାହିନୀଙ୍କ ଆକ୍ରମଣରେ ସ୍ୱାଧୀନତା ପାଇଁ ସଂଘର୍ଷରତ ବଲୋଚ

ଲିବରେସନ ଆର୍ମି (ବିଏଲଏ)ର ଚାରିଜଣ ବିଦ୍ରୋହୀ ନିହତ ହୋଇଛନ୍ତି। ବିଏଲଏର ପ୍ରବକ୍ତା ଜୈନୁଦ

ବଲୋଚ ଏହାର ସୂଚନା ଦେଇଛନ୍ତି । ଗଣମାଧ୍ୟମକୁ ଜାରି କରାଯାଇଥିବା ବିବୃତିରେ ସେ ଏହି ଆକ୍ରମଣର

ବର୍ଣ୍ଣନା କରି ତାଙ୍କ ଚାରିଜଣ କମାଣ୍ଡରଙ୍କ ନିଧନ ଉପରେ ଗଭୀର ଶୋକ ପ୍ରକାଶ କରିଛନ୍ତି।

ଦ ବଲୋଚିସ୍ତାନ ପୋଷ୍ଟର ରିପୋର୍ଟ ଅନୁଯାୟୀ, ପ୍ରବକ୍ତା ଜୈନୁଦ ବଲୋଚ

କହିଛନ୍ତି ଯେ ଏହି ଘଟଣା 12 ଜାନୁଆରୀର। ବଲୋଚିସ୍ତାନ ଉପରେ ଜବରଦସ୍ତି ଦଖଲ କରିବାକୁ ଚେଷ୍ଟା

କରୁଥିବା ପାକିସ୍ତାନର ସୁରକ୍ଷା ବାହିନୀ କଲାତ ଜିଲ୍ଲାର ଶୋର ପରୁଦ ଅଞ୍ଚଳରେ ବିଏଲଏର ଗୋଟିଏ

ଅସ୍ଥାୟୀ ଶିବିର ଉପରେ ଆକ୍ରମଣ କରିଥିଲେ। ଏହି ଆକ୍ରମଣରେ ବିଏଲଏ ତାଙ୍କର ଚାରିଜଣ କମାଣ୍ଡର —

ସଙ୍ଗତ

ଜୋହିର ଓରଫ ହକ ନବାଜ, ମନଜୁର କୁର୍ଦ୍ ଓରଫ ବଖ୍ତିଆର ଚିତା,

ସମୀଉଲ୍ଲାହ

ଓରଫ ଜାବେଦ ଫାହଲିୟା ଏବଂ ନସୀର ଆହମଦ ଓରଫ ମିରେକଙ୍କୁ ହରାଇଛି।

ବିଏଲଏ ପ୍ରବକ୍ତା କହିଛନ୍ତି ଯେ ବିଏଲଏ ତାଙ୍କ ଶହୀଦ କମାଣ୍ଡରମାନଙ୍କୁ ଶ୍ରଦ୍ଧାଞ୍ଜଳି

ଅର୍ପଣ କରି ସ୍ୱାଧୀନତାର ଦାବି ପାଇଁ ଦୃଢ଼ ଭାବେ ପ୍ରତିବଦ୍ଧ ଅଛି।

ଅନ୍ୟପଟେ, ପାକିସ୍ତାନ ସେନାର ଇଣ୍ଟର-ସର୍ଭିସେଜ ପବ୍ଲିକ ରିଲେସନ୍ସ (ଆଇଏସପିଆର)

ତରଫରୁ କରାଚିରୁ ଜାରି କରାଯାଇଥିବା ବିବୃତିରେ କୁହାଯାଇଛି ଯେ ସୁରକ୍ଷା ବାହିନୀଙ୍କ

କାର୍ଯ୍ୟାନୁଷ୍ଠାନରେ ଅଶାନ୍ତ ଦକ୍ଷିଣ-ପଶ୍ଚିମ ବଲୋଚିସ୍ତାନ ପ୍ରଦେଶରେ ଦୁଇଟି ବ୍ୟାଙ୍କ ଏବଂ

ଗୋଟିଏ ପୁଲିସ ଥାନା ଉପରେ ଆକ୍ରମଣ କରିଥିବା 12 ଜଣ ଆତଙ୍କବାଦୀ ନିହତ ହୋଇଛନ୍ତି।

ଆଇଏସପିଆର ଅନୁଯାୟୀ, ପ୍ରାୟ 15–20 ଜଣ ଆତଙ୍କବାଦୀ ଖାରାନ

ସହରରେ ଦୁଇଟି ବ୍ୟାଙ୍କ ଏବଂ ଗୋଟିଏ ପୁଲିସ ଥାନା ଉପରେ ଆକ୍ରମଣ କରି କିଛି କର୍ମଚାରୀଙ୍କୁ ବନ୍ଧକ

କରିଥିଲେ। ପରେ ଏକ ଅଭିଯାନ ସମୟରେ ସେମାନଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିଲା।

ବିବୃତିରେ କୁହାଯାଇଛି ଯେ ଆତଙ୍କବାଦୀମାନେ 15 ଜାନୁଆରୀରେ ବ୍ୟାଙ୍କରୁ 34 ଲକ୍ଷ ପାକିସ୍ତାନୀ

ଟଙ୍କା ଲୁଟି ପଳାଇବାକୁ ଚେଷ୍ଟା କରିଥିଲେ। ଏହି ଘଟଣା ପରେ ହୋଇଥିବା ତିନୋଟି ମୁହାଁମୁହିଁ

ଘଟଣାରେ 12 ଜଣ ଆତଙ୍କବାଦୀ ନିହତ ହୋଇଛନ୍ତି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା