କେନ୍ଦୁଝର, ୦୩ ଜାନୁଆରି (ହି.ସ.) - ପାଟଣା ବ୍ଲକ ମୁଖ୍ୟାଳୟରେ ପାଟଣା ଲ୍ୟାସମ୍ପ ଦ୍ୱାରା ଖରିଫ ଋତୁ ସକାଶେ ଧାନ କ୍ରୟ କରିବା ପାଇଁ ବିଧିବଦ୍ଧ ଭାବେ ଧାନମଣ୍ଡି ଖୋଲିଛି। ଏହି ଧାନ ମଣ୍ଡିକୁ ଆନୁଷ୍ଠାନିକ ଭାବେ କେନ୍ଦୁଝର ସାଂସଦଙ୍କ ପାଟଣା ବ୍ଲକ ପ୍ରତିନିଧି ପ୍ରହ୍ଲାଦ ପଲେଇ,ପାଟଣା ବିଧାୟକଙ୍କ ପ୍ରତିନିଧି କମଳା କାନ୍ତ ଦାଶ ପୂଜାର୍ଚ୍ଚନା କରି ନଡ଼ିଆ ପିଟି ଶୁଭ ଉଦଘାଟନ କରିଥିଲେ।ଏଠାରେ ସୂଚନାଯୋଗ୍ୟ ଯେ ବଡ଼ପାଟଣା,ଟାଙ୍ଗରପଡା, ଓ ମିରିଗିଖୋଜି ପଂଚାୟତର ଚାଷୀମାନେ ଏଠାରେ ଧନ ବିକ୍ରୀ କରି ପାରିବେ। ପାଟଣା ଲ୍ୟାମ୍ପ ଅଧୀନରେ ୧୧୭୦ ଜଣ ଚାଷୀ ରେଜୀଷ୍ଟ୍ରେସନ କରିଛନ୍ତି। ଧାନ ମଣ୍ଡି ଉଦଘାଟନ କାର୍ଯ୍ୟକ୍ରମରେ କେନ୍ଦୁଝର ସମବାୟ ସମିତି ସହକାରୀ ନିବନ୍ଧକ ସୁଦର୍ଶନ ନାଏକ, ଏସ ଆର ସୁଶୀଲ କୁମାର ନାଏକ, ପାଟଣା ବ୍ଲକ ଯୋଗାଣ ନିରୀକ୍ଷକ ଦିବ୍ୟରାଜ ଭୋଇ,ପୂର୍ବତନ ବ୍ଲକ ଅଧ୍ୟକ୍ଷ ବିଶ୍ୱାନାଥ ନାୟକ, କୃଷକ ନେତା କୃଷ୍ଣଚନ୍ଦ୍ର ମହାନ୍ତ, ରମେଶ ଚନ୍ଦ୍ର ମହାନ୍ତ,ବଡପାଟଣା ସରପଂଚ ବିନତୀ ବାନରା , ପାଟଣା ସମବାୟ ସମିତି ସଭାପତି ରାମ ଚନ୍ଦ୍ର ନାୟକ, ଲ୍ୟାମ୍ପ୍ ପରିଚାଳକ ହରମୋହନ ମହନ୍ତ ଙ୍କ ସହିତ ଲ୍ୟାମ୍ପ ଡ଼ାଇରେକ୍ଟର ଓ ଚାଷୀ ମାନେ ଉପସ୍ଥିତ ଥିଲେ। ପାଟଣା ମଣ୍ଡି ରେ ଆଜି ୯ଜଣ ଚାଷୀଙ୍କ ଠାରୁ ମୋଟ ୩ଶହ ୨କୁଇଂଟାଲ ଧାନ କ୍ରୟ କରାଯାଇଛି। ଯେଉଁ ଚାଷୀ ମାନେ ସରକାରଙ୍କ ଦ୍ୱାରା ଟୋକାନ ଲାଭ କରିଥିବେ ସେମାନେ ନିକଟସ୍ଥ ଧାନ ମଣ୍ଡିରେ ଧାନ ବିକ୍ରୟ କରି ପାରିବେ। ଏହି କେନ୍ଦ୍ର ଗୁଡିକ ହେଲା ଏରେଣ୍ଡେଇ, କେନ୍ଦେଇପଶି, ରାଜନଗର,ଚେମେଣା, ବାଉଁଶୁଳି, ଜମୁନାପଶି। ଏହି କେନ୍ଦ୍ର ଗୁଡିକରେ ଚାଷୀ ମାନେ ଯୋଗାଯୋଗ କରି ଧାନ ବିକ୍ରୟ କରି ପାରିବେ ବୋଲି ଜିଲ୍ଲା ସମବାୟ ସମିତି ତରଫରୁ ସୂଚନା ଦେଇଛନ୍ତି।

ହିନ୍ଦୁସ୍ଥାନ ସମାଚାର / SANTOSH KUMAR MOHAPATRA