ମିର୍ଜାପୁର (ଉତ୍ତର ପ୍ରଦେଶ), ୧୧ ଅକ୍ଟୋବର (ହି.ସ.)। ବିନ୍ଧ୍ୟାଚଳ ଶାରଦୀୟ ନବରାତ୍ରି ମେଳାରେ ଶ୍ରଦ୍ଧାଳୁଙ୍କ ସୁରକ୍ଷା ଏବଂ ଯାତାୟାତକୁ ସୁଗମ କରିବା ପାଇଁ ଟ୍ରାଫିକ୍ ପୁଲିସ ପକ୍ଷରୁ ରୁଟ୍ ଡାଇଭର୍ସନ୍ ଯୋଜନା ଲାଗୁ କରାଯାଇଛି। ଟ୍ରାଫିକ୍ ଡିଏସ୍ପି ଗାୟତ୍ରୀ ଯାଦବଙ୍କ ସୂଚନା ଅନୁଯାୟୀ, ଅକ୍ଟୋବର ୨୧ ତାରିଖ ରାତି ୧୦ଟା ପର୍ଯ୍ୟନ୍ତ ମିର୍ଜାପୁର ସହର ମଧ୍ୟକୁ ଭାରୀ ଯାନ ପ୍ରବେଶ ନିଷେଧ କରାଯାଇଛି।

ପ୍ରୟାଗରାଜରୁ ଆସୁଥିବା ଭାରୀ ଯାନଗୁଡ଼ିକୁ ଗୈପୁରା ଛକରୁ ବିଜୟପୁର ଏବଂ ଲାଲଗଞ୍ଜ ଆଡ଼କୁ ଡାଇଭର୍ଟ କରାଯିବ। ନଟୱା ତିରାହାରୁ ବିନ୍ଧ୍ୟାଚଳ ଆଡ଼କୁ ପେଟ୍ରୋଲିୟମ୍ ଓ ଗ୍ୟାସ୍ ବୋଝେଇ ଯାନ ବ୍ୟତୀତ ଅନ୍ୟ ଭାରୀ ଯାନଗୁଡ଼ିକର ପ୍ରବେଶ ନିଷେଧ ରହିବ। ବାରାଣସୀରୁ ପ୍ରୟାଗରାଜ ଯାଉଥିବା ଭାରୀ ଯାନଗୁଡ଼ିକୁ ଔରାଇ ଏବଂ ରାମଟେକ୍ ଛକ ଦେଇ ଅନ୍ୟ ମାର୍ଗରେ ପଠାଯିବ। ଅତ୍ୟାବଶ୍ୟକ ସାମଗ୍ରୀ ଯୋଗାଣ କରୁଥିବା ଯାନଗୁଡ଼ିକୁ ନିର୍ଦ୍ଧାରିତ ସମୟ ଏବଂ ଯାଞ୍ଚ ପରେ ହିଁ ପ୍ରବେଶ ଅନୁମତି ମିଳିବ। ବାଲି, ଗିଟି, ମୋରଙ୍ଗ ଓ ଲୁହା ବୋଝେଇ ଯାନଗୁଡ଼ିକୁ ସହର ଭିତରକୁ ପ୍ରବେଶ କରିବାକୁ ଦିଆଯିବ ନାହିଁ।

ଶ୍ରଦ୍ଧାଳୁଙ୍କ ବସ୍ ଏବଂ ଚାରିଚକିଆ ଯାନ ପାଇଁ ଅଷ୍ଟଭୁଜା, କାଳୀ ଖୋହ, ଅମରାବତୀ, ଘମହାପୁର, ବାରାଣସୀ-ଜୌନପୁର ବସ୍ଷ୍ଟାଣ୍ଡ ଏବଂ ବରତର ତିରାହା ସମେତ ବିଭିନ୍ନ ସ୍ଥାନରେ ପାର୍କିଂ ବ୍ୟବସ୍ଥା କରାଯାଇଛି। ପାର୍କିଂ ସ୍ଥଳଗୁଡ଼ିକ ପୂର୍ଣ୍ଣ ହୋଇଗଲେ ଯାନଗୁଡ଼ିକୁ ବିକଳ୍ପ ପାର୍କିଂ ସ୍ଥଳକୁ ପଠାଯିବ।

ଟ୍ରାଫିକ୍ ପୁଲିସ ପକ୍ଷରୁ କୁହାଯାଇଛି ଯେ, ରାସ୍ତା ଉପରେ ଯାନ ପାର୍କିଂ କରୁଥିବା ଲୋକଙ୍କ ବିରୋଧରେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ। ଆମ୍ବୁଲାନ୍ସ, ସ୍କୁଲ ବସ୍, ଯାତ୍ରୀବାହୀ ବସ୍ ଏବଂ ଜରୁରୀକାଳୀନ ଯାନଗୁଡ଼ିକୁ ଏହି ରୁଟ୍ ଡାଇଭର୍ସନ୍ରୁ ଛାଡ଼ ଦିଆଯିବ। ନିର୍ଦ୍ଧାରିତ ମାର୍ଗ ଏବଂ ପାର୍କିଂ ସ୍ଥଳର ନିୟମ ପାଳନ କରିବାକୁ ପୁଲିସ ସାଧାରଣ ଲୋକଙ୍କୁ ଅନୁରୋଧ କରିଛି।

ହିନ୍ଦୁସ୍ଥାନ ସମାଚାର / ସ୍ୱାଗତିକା