କେନ୍ଦ୍ରାପଡ଼ା, ୧୨ ଅକ୍ଟୋବର(ହି.ସ.) – ମଣିପୁର ଇନ୍ନର ସାଂସଦ ଅଙ୍ଗୋମଚାବିମଲ ଅକୋଇଜାମ ୧୧ ଜଣ ଛାତ୍ରୀଙ୍କୁ ଅସଦାଚରଣ କରିଥିବା ବେଳେ ତାଙ୍କ ବିରୋଧରେ ଯିବାକୁ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କ ନିରବତାକୁ ନେଇ କେନ୍ଦ୍ରାପଡ଼ା ଜିଲା ବିଜେପି ମହିଳା ମୋର୍ଚ୍ଚା ପ୍ରଶ୍ନ ଉଠଟାଇଛି। ଏହା ସହ ଜିଲା କଂଗ୍ରେସ ଭବନକୁ କେନ୍ଦ୍ରାପଡ଼ା ଜିଲା ବିଜେପି ମହିଳା ମୋର୍ଚ୍ଚା ସଭାନେତ୍ରୀ ଡ. ଜ୍ୟୋତ୍ସ୍ନାରାଣୀ ଜେନାଙ୍କ ନେତୃତ୍ୱରେ ଘେରାଉ କରାଯାଇଛି। ଏହାସହ ତିନିମୁହାଣୀ ଠାରେ ସାଂସଦ ଅଙ୍ଗୋମଚାବିମଲ ଅକୋଇଜାମଙ୍କ କୁଶପୁତଳିକା ଦାହ କରାଯାଇଛି। ଏହି ଅବସରରେ ଜିଲା ମହିଳା ମୋର୍ଚ୍ଚା ସଭାନେତ୍ରୀ ଡ. ଜେନା କହିଥିଲେ ଯେ ରାହୁଲ ଗାନ୍ଧୀ ମୋଦୀ ସରକାରଙ୍କୁ ସବୁବେଳେ ସମାଲୋଚନା କରୁଛନ୍ତି। ହେଲେ ନିଜ ଦଳରେ ଯେଉଁମାନେ ଭୁଲ କାମ କରୁଛନ୍ତି ତାଙ୍କୁ ସୁରକ୍ଷା ଦେଉଛନ୍ତି। ଜଣେ ସାଂସଦ ୧୧ ଜଣ ଛାତ୍ରୀଙ୍କୁ ଅସଦାଚରଣ କଲେ। ହେଲେ ତାଙ୍କ ବିରୋଧରେ ରାହୁଲ ଗାନ୍ଧୀ ମୁହଁ ଖୋଲୁ ନାହାଁନ୍ତି। ତାଙ୍କୁ ଓଲଟା ସୁରକ୍ଷା ଦେଉଛନ୍ତି। ଯାହା ସମ୍ମିଧାନ ବିରୋଧୀ କାର୍ୟ୍ୟ ବୋଲି ସେ କହିଛନ୍ତି। ଏହି ବିକ୍ଷୋଭ କାର୍ୟ୍ୟକ୍ରମରେ କେନ୍ଦ୍ରାପଡ଼ା ନିର୍ବାଚନ ମଣ୍ଡଳୀର ନାରୀ ନେତ୍ରୀ ଗୀତାଞ୍ଜଳୀ ସେଠୀ, ଜିଲା ଉପ ସଭାନେତ୍ରୀ ମନିଷା ପଣ୍ଡା, ରାଜ୍ୟ ମହିଳା ମୋର୍ଚ୍ଚା ସଂପାଦିକା ରାଜଲକ୍ଷ୍ମୀ ଦାସ, ଜିଲା କୃଷକ ମୋର୍ଚ୍ଚା ଉପ ସଭାନେତ୍ରୀ ବିଷ୍ଣୁପ୍ରିୟା ମହାପାତ୍ର, ଜିଲା ସଂପାଦିକା ନମିତା ବଳ, ଝିଲି ଦାସ, ପୂର୍ବତନ ମହିଳା ମୋର୍ଚ୍ଚା ଜିଲା ସଭାନେତ୍ରୀ ପ୍ରିୟଦର୍ଶିନୀ ନନ୍ଦ, ବନ୍ଦନା ରାଉତରାୟ, ପ୍ରିୟଙ୍କା ଶତପଥୀ, ରଶ୍ମିତା ସାହୁ, ରିନାରାଣୀ ଦାସ, ପ୍ରମିଳା ମିଶ୍ର, ପଙ୍କଜିନୀ ସାମଲ, ଚିନ୍ମୟୀ ପାତ୍ର, ମଧୁସ୍ମିତା ମଲ୍ଲ, ନିର୍ମଳା ମଲ୍ଲ, ରଶ୍ମିତା ନାୟକ, ଜୟନ୍ତୀ ଜେନା, ନିହାରିକା ନାୟକ, ମାନସୀ ସାହୁଙ୍କ ସମେତ ୩୦୦ରୁ ଊର୍ଦ୍ଧ୍ୱ ମହିଳା ମୋର୍ଚ୍ଚାର ସଦସ୍ୟମାନେ ଏହି କାର୍ୟ୍ୟକ୍ରମରେ ଅଂଶଗ୍ରହଣ କରି ବିକ୍ଷୋଭ ପ୍ରଦର୍ଶନ କରିବା ସହ କୁଶପୁତଳିକା ଦାହ କରିଥିଲେ।

.......................................

ହିନ୍ଦୁସ୍ଥାନ ସମାଚାର / ରବି