ଖଡ଼ଗପୁର, ୧୨ ଅକ୍ଟୋବର (ହି.ସ.)। ଗୋମାତାଙ୍କୁ ରାଷ୍ଟ୍ରମାତା ଘୋଷଣା କରିବା ଦାବିରେ ମଧ୍ୟପ୍ରଦେଶର ଯୁବକ ଦୌଲତ ସିଂହ କୁର୍ମୀ ଦେଶର ୧୨ଟି ଜ୍ୟୋତିର୍ଲିଙ୍ଗ ଏବଂ ଚାରିଧାମର ପଦଯାତ୍ରାରେ ବାହାରିଛନ୍ତି। ପ୍ରାୟ ୭୭ ଦିନ ଧରି ପଦଯାତ୍ରା କରୁଥିବା ଦୌଲତ ସିଂହ ସୋମବାର ପୁରୀର ଜଗନ୍ନାଥ ଧାମ ଯିବା ବାଟରେ ପଶ୍ଚିମବଙ୍ଗର ଖଡ଼ଗପୁର ଦେଇ ନାରାୟଣଗଡ଼ ଆଡ଼କୁ ଅଗ୍ରସର ହୋଇଥିଲେ। ତାଙ୍କର ଏହି ଯାତ୍ରାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ସୁକତା ଦେଖାଦେଇଥିଲା।

ଦୌଲତ ସିଂହ କହିଛନ୍ତି ଯେ ଗୋମାତାଙ୍କୁ ରାଷ୍ଟ୍ରମାତା ଘୋଷଣା କରାଇବାର ସଂକଳ୍ପ ନେଇ ସେ ପ୍ରାୟ ଦୁଇ ବର୍ଷ ମଧ୍ୟରେ ଏହି ଯାତ୍ରା ସମ୍ପୂର୍ଣ୍ଣ କରିବାର ଲକ୍ଷ୍ୟ ରଖିଛନ୍ତି। ପେସାରେ ଜଣେ କୃଷକ ହୋଇଥିବା ଦୌଲତ ସିଂହଙ୍କ ଗାଁରେ ଚାଷ ଜମି ରହିଛି। କୃଷି କାର୍ଯ୍ୟ ସହ ଜଡ଼ିତ ଥିବା ସତ୍ତ୍ୱେ ନିଜ ସଂକଳ୍ପ ପୂରଣ କରିବା ପାଇଁ ସେ ଏହି ଦୀର୍ଘ ପଦଯାତ୍ରା ଆରମ୍ଭ କରିଛନ୍ତି।

ସେ କହିଛନ୍ତି ଯେ ୧୨ଟି ଜ୍ୟୋତିର୍ଲିଙ୍ଗ ଓ ଚାରିଧାମ ଯାତ୍ରା ସହ ପୁରୀର ଜଗନ୍ନାଥ ଧାମରେ ପହଞ୍ଚିବା ମଧ୍ୟ ତାଙ୍କ ଉଦ୍ଦେଶ୍ୟର ଅଂଶବିଶେଷ। ଦୀର୍ଘ ରାସ୍ତା ପାଦରେ ଅତିକ୍ରମ କରି ନିଜ ଲକ୍ଷ୍ୟ ଆଡ଼କୁ ଅଗ୍ରସର ହେଉଥିବା ଦୌଲତ ସିଂହଙ୍କ ଏହି ପ୍ରୟାସକୁ ଲୋକମାନେ ଭୂରିଭୂରି ପ୍ରଶଂସା କରିଛନ୍ତି।

--------

ହିନ୍ଦୁସ୍ଥାନ ସମାଚାର / ସ୍ୱାଗତିକା