ଝାରସୁଗୁଡ଼ା, 21 ଅକ୍ଟୋବର (ହି.ସ.) ଝାରସୁଗୁଡ଼ା ଜିଲ୍ଲା କୋଲାବିରା ସ୍ଥିତ ବହୁ ପୁରାତନ ଶ୍ରୀ ଶ୍ରୀ ମା ସମଲେଇ ମନ୍ଦିରରେ ଚାଲିଥିବା ନବରାତ୍ର ଦଶହରା ପୂଜା ମଙ୍ଗଳବାର ଦଶମୀ ତିଥିରେ ଉଦଯାପିତ ହୋଇଯାଇଛି l ମଙ୍ଗଳବାର ଦଶମୀ ପୂଜା, ଚଣ୍ଡୀପାଠ, ପୂର୍ଣ୍ଣାହୁତି ପୂଜା ଅନୁଷ୍ଠିତ ହୋଇଯାଇଛି l ଅନୁଷ୍ଠିତ ପୂଜାରେ ଜମିଦାର ବୀର ଅମରେନ୍ଦ୍ର ପ୍ରତାପ ସିଂହ କର୍ତ୍ତା, ଭଗବାନ ରାଏ ଓ ଦଶରଥ ରାଏ ସହକର୍ତ୍ତା ଏବଂ ଚନ୍ଦ୍ରଶେଖର ମିଶ୍ର ପୂଜକ ଦାୟିତ୍ଵ ତୁଲାଇଥିଲେ l ଅନୁଷ୍ଠିତ ପୂର୍ଣ୍ଣାହୁତି ପୂଜାରେ ବିଧାୟକ ଟଙ୍କଧର ତ୍ରିପାଠୀ, ପୂର୍ବ ବିଧାୟିକା ଦୀପାଳି ଦାସ, ଛତିଶଗଡ ରାଜ୍ୟ ମାନପୁର ବିଧାୟକ,ଜିଲ୍ଲାପରିଷଦ ସଭ୍ୟ ନୃପଲାଲ ପଶାୟତ ପ୍ରମୁଖ ଙ୍କ ସହ ବହୁ ବିଶିଷ୍ଟ ବ୍ୟକ୍ତି ଓ ଭକ୍ତ ଯୋଗଦେଇଥିଲେ l ଅନୁଷ୍ଠିତ ପୂଜାର୍ଚ୍ଚନା ରେ ମୌରସି ସେବାୟତ ପ୍ରେମସେନ ରାଏ, ସୁଶାନ୍ତ ରାଏ, ପଞ୍ଚାନନ ରାଏ, ଶୈଳେନ୍ଦ୍ର ରାଏ, ନିଲୁ ରାଏ, ଅଶ୍ୱିନୀ ରାଏ, ଭବାନୀ ରାଏ ପ୍ରମୁଖ ସହଯୋଗ କରିଥିଲେ l ପୂର୍ଣ୍ଣାହୁତି ପରେ ହଜାର ହଜାର ଶ୍ରଦ୍ଧାଳୁ ଙ୍କୁ ଅନ୍ନ ଭୋଗ ବଣ୍ଟନ କରାଯାଇଥିଲା l ରାତ୍ରରେ ମନ୍ଦିର ପରିସରରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଏଥିରେ ମନ୍ଦିର ପୂଜା କମିଟି ର ସମସ୍ତ ସଦସ୍ୟ ଓ ଗ୍ରାମବାସୀ ସହଯୋଗ କରିଥିଲେ l

---------------

ହିନ୍ଦୁସ୍ଥାନ ସମାଚାର / ସଞ୍ଜୟ