ବଲାଙ୍ଗିର, 21 ଅକ୍ଟୋବର (ହି.ସ.) ବଲାଙ୍ଗିର ଆଗଲପୁର ବ୍ଲକ ଅନ୍ତର୍ଗତ ସାଲେଭଟା ଗ୍ରାମରେ ପୂର୍ବ ପାଟଣା ଶାସନ ସମୟରେ ୧୫୦୦ ଖ୍ରୀଷ୍ଟାବ୍ଦ ରେ ରାଜା ବଳରାମ ଦେଓ ମାଁ ପାଟଣେଶ୍ୱରୀ, ମାଁ ସମଲେଶ୍ୱରୀ ପୂଜାଅର୍ଚ୍ଚନା କରି ସ୍ଥାପନ କରିଥିଲେ । ମାଁ ପଟଣେଶ୍ୱରୀ ପାଟଣାମୁହାଁ ତଥା ବଲାଙ୍ଗିର ମୁହାଁ ହୋଇଥିବା ବେଳେ ମାଁ ସମଲେଶ୍ୱରୀ ହୁମା ସମ୍ବଲପୁର ମୁହାଁ ହୋଇଛନ୍ତି । ୨୬ଗଡ ମଧ୍ୟରୁ ମୁଖ୍ୟତଃ ବେଶ ପରିଚୟ ଥିଲା ଏହି ଗଡ । ସାଲେଭଟାରେ ମନ୍ତ୍ର, ତନ୍ତ୍ର, ସାଧନାର ପୀଠ । ଏହି ଗମ୍ଭିରାରେ ଦୁଇ ଭଉଣୀ ପୂଜା ପାଉଥିବା ବେଳେ ପ୍ରତ୍ୟେକ ଦଶହରା, ଚୈତ୍ର ପର୍ବରେ ବେଶ ଧୁମଧାମରେ ପାରଂପାରିକ ରୀତିନୀତିରେ ପୂଜା ଆୟୋଜିତ ହୁଏ । ଗତ ୧୦.୧୦.୨୦୨୬ ଶନିବାର ଦିନ ଠାରୁ ନବରାତ୍ର ଆୟୋଜିତ ହୋଇଥିବା ବେଳେ ୨୦ ତାରିଖ ମଙ୍ଗଳବାର ଦିନ ସମ୍ପନ୍ନ ହୋଇଥିଲା । ଗତ ରବିବାର ଦିନ ମାଁ ପାଟଣେଶ୍ୱରୀଙ୍କ ବଏଲ ଯାତ୍ରା ଆୟୋଜିତ ହୋଇଥିଲା । ସକାଳୁ ମୁଖ୍ୟ ପୂଜକଙ୍କ ଘରୁ ଛତର ବାହାରି ପଟଆର ସହ ଗାଁ ପରିକ୍ରମା କରାଯାଇଥିଲା । ହୋମ ଯଜ୍ଞ ଚଣ୍ଡିପାଠ କରି ମନ୍ତ୍ର ସାଧନାରେ ଦେବିଙ୍କୁ ଆବାହନ କରାଯାଇଥିଲା । ମାଁ ପାଟଣେଶ୍ୱରୀଙ୍କ ବଏଲ ଯାତ୍ରା ମନ୍ଦିରରୁ ବାହାରି ଭକ୍ତମାନଙ୍କ ଦର୍ଶନ ଦେଇଥିଲେ । ଗ୍ରାମର ବିଭିନ୍ନ ଜାଗାରେ ମାନସିକଧାରୀମାନେ ମାଁ ଙ୍କୁ ପୂଜାର୍ଚ୍ଚନା କରିଥିଲେ ତଥା ଆଖ ପାଖ ଗ୍ରାମରୁ ଭକ୍ତଙ୍କ ସୁଅ ଛୁଟିଥିଲା । ଘଣ୍ଟ ଶଙ୍କ ପଂଚ ବାଦ୍ୟ ଦୁଲୁଦୁଲି, ବଜାର ନିଶାନ ତାଳେ ତାଳେ ମାଁ ଙ୍କ ବଏଲ ଯାତ୍ର ସମ୍ପୁର୍ଣ୍ଣ ହୋଇଥିଲେ । ଏଥିରେ ପାଟଣେଶ୍ୱରୀ ମନ୍ଦିର କମିଟି ସମେତ ଗ୍ରାମର ଗତ ଦୁଇ ଦିନ ଧରି ଶୋଭାଯାତ୍ରାକୁ ଆକର୍ଷିତ ହୋଇଥିଲା ।
---------------
ହିନ୍ଦୁସ୍ଥାନ ସମାଚାର / ଗୋପବନ୍ଧୁ
21 Oct 2026
