ଅଯୋଧ୍ୟା, ୨୪ ଅକ୍ଟୋବର (ହି.ସ.)। ଭାରତୀୟ ଜନତା ପାର୍ଟି (ବିଜେପି)ର ରାଷ୍ଟ୍ରୀୟ ମହାସଚିବ ତଥା ଉତ୍ତରପ୍ରଦେଶ ପ୍ରଭାରୀ ବିନୋଦ ତାୱଡେ ଶନିବାର ଅଯୋଧ୍ୟାରେ ପହଞ୍ଚିଛନ୍ତି। ମହର୍ଷି ବାଲ୍ମୀକି ବିମାନବନ୍ଦରରେ ଦଳୀୟ ନେତା ଓ କର୍ମୀମାନେ ତାଙ୍କୁ ସ୍ୱାଗତ କରିଥିଲେ। ଏହା ପରେ ସେ ଶ୍ରୀରାମଲଲାଙ୍କ ଦର୍ଶନ ଓ ପୂଜାର୍ଚ୍ଚନା ପାଇଁ ଅଯୋଧ୍ୟା ଧାମ ଅଭିମୁଖେ ଯାତ୍ରା କରିଥିଲେ।
ପ୍ରଦେଶ ପ୍ରଭାରୀ ବିନୋଦ ତାୱଡେ ଶ୍ରୀରାମ ମନ୍ଦିରରେ ଦର୍ଶନ କରିବା ପରେ ବିଜେପି ପଦାଧିକାରୀଙ୍କ ସହ ଏକ ସାଂଗଠନିକ ବୈଠକ କରିବେ। ଏହି ବୈଠକରେ ଜିଲ୍ଲା ପ୍ରଭାରୀ ଓ ଜିଲ୍ଲା ସଭାପତିମାନଙ୍କ ସହ ସଂଗଠନ ସମ୍ପର୍କିତ ବିଭିନ୍ନ ବିଷୟରେ ଆଲୋଚନା ହେବ।
ଏହା ପରେ ଅବଧ କ୍ଷେତ୍ରର ପଦାଧିକାରୀମାନଙ୍କ ସହ ଏକ ଆଞ୍ଚଳିକ ବୈଠକ ଆୟୋଜନ କରାଯିବ। ଏହି ବୈଠକରେ କାର୍ଯ୍ୟସମିତିର ସଦସ୍ୟ ଏବଂ ସମସ୍ତ ମୋର୍ଚ୍ଚାର ଅଧ୍ୟକ୍ଷମାନେ ଯୋଗଦେବେ। ଅବଧ କ୍ଷେତ୍ରରେ ରହୁଥିବା ପ୍ରଦେଶ ସ୍ତରୀୟ ପଦାଧିକାରୀମାନେ ମଧ୍ୟ ଏହି ବୈଠକରେ ସାମିଲ ହେବେ।
ଏହି ଗସ୍ତ ଅବସରରେ ବିନୋଦ ତାୱଡେ ରାଷ୍ଟ୍ରୀୟ ସ୍ୱୟଂସେବକ ସଂଘ ପରିବାର ଅର୍ଥାତ୍ ବିଚାର ପରିବାରର ସଦସ୍ୟମାନଙ୍କ ସହ ଏକ ଆଲୋଚନା ବୈଠକ ମଧ୍ୟ କରିବାର କାର୍ଯ୍ୟକ୍ରମ ରହିଛି।
ହିନ୍ଦୁସ୍ଥାନ ସମାଚାର / ସ୍ୱାଗତିକା
