ଜୟପୁର, ୨୪ ଅକ୍ଟୋବର (ହି.ସ.)-କୋରାପୁଟ ଜିଲ୍ଲା ଅନ୍ତର୍ଗତ ବାନୁଆଗୁଡ଼ା ଗ୍ରାମ ପଞ୍ଚାୟତର ସହକାରୀ ଡାଟା ଏଣ୍ଟ୍ରି ଅପରେଟର ଏବଂ ଗ୍ରାମ ମେଟ୍ ଙ୍କୁ ୧୨.୩୩ ଲକ୍ଷ ଟଙ୍କାରୁ ଅଧିକ ସରକାରୀ ଅର୍ଥ ହେରଫେର ଅଭିଯୋଗରେ ଓଡ଼ିଶା ଭିଜିଲାନ୍ସ ଗିରଫ କରିଛି। ଓଡ଼ିଶା ଭିଜିଲାନ୍ସ ପକ୍ଷରୁ ବାନୁଆଗୁଡ଼ା ଗ୍ରାମ ପଞ୍ଚାୟତର ପୂର୍ବତନ ସହକାରୀ ଡାଟା ଏଣ୍ଟ୍ରି ଅପରେଟର ତଥା ପୂର୍ବତନ ଗ୍ରାମ ରୋଜଗାର ସେବକ - ଯିଏ ବର୍ତ୍ତମାନ ଲାମ୍ତାପୁଟ ବ୍ଲକରେ ଭାବେ କାର୍ଯ୍ୟରତ ଜି. ଶଙ୍କର ଏବଂ ବାନୁଆଗୁଡ଼ା ଗ୍ରାମ ପଞ୍ଚାୟତର ଗ୍ରାମ ମେଟ୍ ଲାଇଖାନା ନାୟକଙ୍କୁ ଗିରଫ କରାଯାଇଛି। ୧୨,୩୩,୪୩୫ ଟଙ୍କାର ସରକାରୀ ଅର୍ଥ ହେରଫେର କରିଥିବା ଅଭିଯୋଗରେ ସେମାନଙ୍କୁ ଜୟପୁର ସ୍ଥିତ ସ୍ୱତନ୍ତ୍ର ଭିଜିଲାନ୍ସ ବିଚାରପତିଙ୍କ ଅଦାଲତରେ ହାଜର କରାଯାଇଛି।ଅଭିଯୁକ୍ତମାନେ ବିଭିନ୍ନ ସରକାରୀ ଅନୁଦାନ ପ୍ରାପ୍ତ ଉନ୍ନୟନମୂଳକ କାର୍ଯ୍ୟ କରାଯାଇଥିବା ନେଇ କାଗଜପତ୍ରରେ ମିଥ୍ୟା ତଥ୍ୟ ଦର୍ଶାଇ ଏବଂ ରେକର୍ଡରେ ଜାଲିଆତି କରି ସରକାରୀ ଅର୍ଥ ହେରଫେର କରିଥିବା ଅଭିଯୋଗ ରହିଛି। ବାସ୍ତବରେ କ୍ଷେତ୍ରସ୍ତରରେ ଏହି କାର୍ଯ୍ୟଗୁଡ଼ିକ କରାଯାଇ ନଥିଲା। ଏହି ଅର୍ଥ ହେରଫେର ଘଟଣାଟି କୋରାପୁଟ ଜିଲ୍ଲାର କୁନ୍ଦ୍ରା ବ୍ଲକ ଅନ୍ତର୍ଗତ ବାନୁଆଗୁଡ଼ା ଗ୍ରାମ ପଞ୍ଚାୟତର ଚାରୋଟି ପ୍ରମୁଖ ପ୍ରକଳ୍ପ ସହ ଜଡ଼ିତ। ଏହି ଘଟଣାରେ, ଓଡ଼ିଶା ଭିଜିଲାନ୍ସ ପକ୍ଷରୁ କୋରାପୁଟ ଭିଜିଲାନ୍ସ ଥାନା କେସ୍ ନଂ. ୨୩ ଅନୁଯାୟୀ ଏକ ମାମଲା ରୁଜୁ କରାଯାଇଛି। ଅଭିଯୁକ୍ତମାନେ ହେଲେ ବାନୁଆଗୁଡ଼ା ଗ୍ରାମ ପଞ୍ଚାୟତର ପୂର୍ବତନ ତଥା ପୂର୍ବତନ (ବର୍ତ୍ତମାନ ଲାମ୍ତାପୁଟ ବ୍ଲକର ଜି. ଶଙ୍କର ଏବଂ ବାନୁଆଗୁଡ଼ା ଗ୍ରାମ ପଞ୍ଚାୟତର ଗ୍ରାମ ମେଟ୍ ଲାଇଖାନା ନାୟକ। ସେମାନଙ୍କ ବିରୋଧରେ ଭାରତୀୟ ନ୍ୟାୟ ସଂହିତା (ବିଏନଏସ) ର ଧାରା ୩୧୬(୫)/୩୩୬(୩)/୩୪୦(୨)/୩୪୪/୬୧(୨) ଅନୁଯାୟୀ ମାମଲା ରୁଜୁ କରାଯାଇଥିବା ନେଇ ଜୟପୁର ଭିଜିଲାନ୍ସ ତରଫରୁ ସୂଚନା ଦିଆଯାଇଛି l

ହିନ୍ଦୁସ୍ଥାନ ସମାଚାର / ପିକେପି