ନୂଆଦିଲ୍ଲୀ, ୨୮ ଅକ୍ଟୋବର (ହି.ସ.)- ଭାରତୀୟ ଜନତା ପାର୍ଟି (ବିଜେପି)ର ଜାତୀୟ ମହାସଚିବମାନଙ୍କ ଏକ ଗୁରୁତ୍ୱପୂର୍ଣ୍ଣ ବୈଠକ ଗୁରୁବାର ସକାଳ ୧୦ଟାରେ ବିଜେପିର କେନ୍ଦ୍ରୀୟ ମୁଖ୍ୟାଳୟରେ ଆୟୋଜିତ ହେବ। ଦଳର ଅଧ୍ୟକ୍ଷ ନିତିନ ନବୀନଙ୍କ ଅଧ୍ୟକ୍ଷତାରେ ହେବାକୁ ଥିବା ଏହି ବୈଠକରେ ଦେଶର ବର୍ତମାନର ରାଜନୈତିକ ପରିସ୍ଥିତି ଏବଂ ମୁଖ୍ୟ ନିର୍ବାଚନ ଆୟୁକ୍ତ ଓ ଏସଆଇଆର ବିରୋଧରେ ବିରୋଧୀଙ୍କ ଅଭିଯାନକୁ ନେଇ ଆଗାମୀ ରଣନୀତି ଉପରେ ବିସ୍ତୃତ ଆଲୋଚନା ହୋଇପାରେ।
ଦଳୀୟ ସୂତ୍ରରୁ ବୁଧବାର ଜଣାପଡ଼ିଛି ଯେ ବୈଠକରେ ବିରୋଧୀଙ୍କ ପକ୍ଷରୁ ଚାଲିଥିବା ରାଜନୈତିକ କାର୍ଯ୍ୟକ୍ରମ ଏବଂ ସେଗୁଡ଼ିକର ପ୍ରଭାବ ଉପରେ ମଧ୍ୟ ବିଚାରବିମର୍ଶ କରାଯିବ। ଏହା ସହିତ ବର୍ତମାନର ରାଜନୈତିକ ପରିସ୍ଥିତି ମଧ୍ୟରେ ଦଳର ରଣନୀତି, ସାଂଗଠନିକ କାର୍ଯ୍ୟକଳାପ ଏବଂ ଆଗାମୀ ରାଜନୈତିକ ଆହ୍ୱାନର ମୁକାବିଲା ପାଇଁ ପ୍ରସ୍ତୁତି ଉପରେ ଆଲୋଚନା ହେବ।
ଏହା ବ୍ୟତୀତ ପାଂଚଟି ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନର ପ୍ରସ୍ତୁତି ମଧ୍ୟ ବୈଠକର ଏକ ପ୍ରମୁଖ ଏଜେଣ୍ଡା ରହିବ। ଆଗାମୀ ନିର୍ବାଚନ ଓ ରାଜନୈତିକ କାର୍ଯ୍ୟକଳାପକୁ ନେଇ ସଂଗଠନର ବରିଷ୍ଠ ପଦାଧିକାରୀଙ୍କ ମଧ୍ୟରେ ସମନ୍ୱୟ ସ୍ଥାପନ ଉପରେ ବିଜେପି ନେତୃତ୍ୱ ଏହି ବୈଠକରେ ଗୁରୁତ୍ୱ ଦେଇପାରେ। ବୈଠକରେ ହେବାକୁ ଥିବା ଆଲୋଚନା ଆଧାରରେ ଦଳର ପରବର୍ତୀ ରଣନୀତି ଏବଂ ସାଂଗଠନିକ କାର୍ଯ୍ୟକଳାପର ଦିଗ ନିର୍ଦ୍ଧାରଣ ହେବାର ଆଶା କରାଯାଉଛି।
------------
ହିନ୍ଦୁସ୍ଥାନ ସମାଚାର / ଗଗନ
