ଲକ୍ଷ୍ନୌ, ୨୯ ଅକ୍ଟୋବର (ହି.ସ.)- ଭାରତୀୟ ଜନତା ପାର୍ଟି (ବିଜେପି)ର ପୂର୍ବତନ ଜାତୀୟ ଅଧ୍ୟକ୍ଷ ତଥା କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଶୁକ୍ରବାର (୩୦ ଅକ୍ଟୋବର) ଏଠାରେ ଥିବା ଡା. ରାମ ମନୋହର ଲୋହିଆ ଆଇନ ବିଶ୍ୱବିଦ୍ୟାଳୟରେ ବିଜେପିର ଦୁଇଦିନିଆ ରାଜ୍ୟ କାର୍ଯ୍ୟସମିତି ବୈଠକର ଉଦ୍ଘାଟନ କରିବେ।ବିଜେପି ପକ୍ଷରୁ କୁହାଯାଇଛି ଯେ, ଦଳର ଜାତୀୟ ସଚିବ ତଥା ରାଜ୍ୟ ସହ-ପ୍ରଭାରୀ ଡା. ପ୍ରଦୀପ ବର୍ମାଙ୍କ ଉପସ୍ଥିତିରେ ରାଜ୍ୟ ଅଧ୍ୟକ୍ଷ ପଙ୍କଜ ଚୌଧୁରୀ ଗୁରୁବାର ଏଠାରେ ଦଳୀୟ ମୁଖ୍ୟାଳୟରେ ରାଜ୍ୟ ପଦାଧିକାରୀମାନଙ୍କ ସହ ବୈଠକ କରିଥିଲେ। ଏହି ସମୟରେ ଶୁକ୍ରବାର ପ୍ରସ୍ତାବିତ ରାଜ୍ୟ କାର୍ଯ୍ୟସମିତି ବୈଠକର ପ୍ରସ୍ତୁତି ସମୀକ୍ଷା କରାଯାଇଥିଲା।ରାଜ୍ୟ ସଂଗଠନ ମହାମନ୍ତ୍ରୀ ଧର୍ମପାଳ ସିଂହ ଦୁଇଦିନ ଧରି ଚାଲିବାକୁ ଥିବା ରାଜ୍ୟ କାର୍ଯ୍ୟସମିତି ବୈଠକର ଏଜେଣ୍ଡା, ପ୍ରମୁଖ ବିଷୟ ଏବଂ ଅନ୍ୟାନ୍ୟ ଆବଶ୍ୟକ ପ୍ରସ୍ତୁତି ଉପରେ ଆଲୋଚନା କରିଥିଲେ। ରାଜ୍ୟ ଅଧ୍ୟକ୍ଷ ପଙ୍କଜ ଚୌଧୁରୀଙ୍କ ଅଧ୍ୟକ୍ଷତାରେ ନବଗଠିତ କାର୍ଯ୍ୟସମିତିର ଏହା ପ୍ରଥମ ବୈଠକ ହେବ।ବିଜେପି ଅନୁଯାୟୀ, ରାଜ୍ୟ କାର୍ଯ୍ୟସମିତି ବୈଠକରେ ଦଳର ଆଶାନୁରୂପ ଜାତୀୟ ପଦାଧିକାରୀ, ରାଜ୍ୟ ପ୍ରଭାରୀ, ସହ-ପ୍ରଭାରୀ, ରାଜ୍ୟ ପଦାଧିକାରୀ, ରାଜ୍ୟ କାର୍ଯ୍ୟସମିତି ସଦସ୍ୟ, ସାଂସଦ-ବିଧାୟକ ଓ ଆଂଚଳିକ ପଦାଧିକାରୀଙ୍କ ସହ ଜିଲ୍ଲା ଅଧ୍ୟକ୍ଷ ଏବଂ ମହାମନ୍ତ୍ରୀମାନେ ଯୋଗଦେବେ। ଏହା ବ୍ୟତୀତ ରାଜ୍ୟ ମିଡିଆ ସଂଯୋଜକ, ରାଜ୍ୟ ମୁଖପାତ୍ର, ପ୍ୟାନେଲିଷ୍ଟ, ରାଜ୍ୟ ସଂଯୋଜକ, ସହ-ସଂଯୋଜକ, ବିଧାନସଭା କ୍ଷେତ୍ର ପ୍ରଭାରୀ ଏବଂ ବିଧାନସଭା କ୍ଷେତ୍ର ବିସ୍ତାରକଙ୍କ ସମେତ ଅନ୍ୟ ପ୍ରମୁଖ ଦଳୀୟ ପଦାଧିକାରୀମାନେ ମଧ୍ୟ ବୈଠକରେ ସାମିଲ ହେବେ।
-------
ହିନ୍ଦୁସ୍ଥାନ ସମାଚାର / ଗଗନ
