ନୂଆଦିଲ୍ଲୀ, ୨୯ ଅକ୍ଟୋବର (ହି.ସ.)- ପାର୍ବଣ ଋତୁରେ ଯାତ୍ରୀଙ୍କ ଅତିରିକ୍ତ ଭିଡ଼କୁ ଦୃଷ୍ଟିରେ ରଖି ଉତ୍ତର ରେଳବାଇ ସହାରନପୁର ଜଙ୍କସନ ଏବଂ ବାରାଣସୀ ମଧ୍ୟରେ ଅଣସଂରକ୍ଷିତ ସ୍ଵତନ୍ତ୍ର ଟ୍ରେନ୍ ଚଳାଇବାକୁ ନିଷ୍ପତ୍ତି ନେଇଛି।
ଉତ୍ତର ରେଳବାଇର ମୁଖ୍ୟ ଜନସମ୍ପର୍କ ଅଧିକାରୀ ହିମାଂଶୁ ଶେଖର ଉପାଧ୍ୟାୟ ଗୁରୁବାର ଦିନ କହିଛନ୍ତି ଯେ, ଟ୍ରେନ୍ ନମ୍ବର ୦୪୫୫୨ ସାହାରନପୁର-ବାରାଣସୀ ଅଣସଂରକ୍ଷିତ ସ୍ୱତନ୍ତ୍ର ଟ୍ରେନ୍ ଅକ୍ଟୋବର ୩୦ ରେ ସାହାରନପୁର ଛାଡିବ। ଟ୍ରେନ୍ ନମ୍ବର ୦୪୫୫୧ ବାରାଣସୀ-ସହାରନପୁର ଅଣସଂରକ୍ଷିତ ସ୍ୱତନ୍ତ୍ର ଟ୍ରେନ୍ ନଭେମ୍ବର ୨ ତାରିଖରେ ବାରାଣସୀରୁ ପ୍ରସ୍ଥାନ କରିବ। ଉଭୟ ଦିଗରେ ଗୋଟିଏ - ଗୋଟିଏ ଥର ଲେଖାଏଁ ଚଳାଚଳ କରିବ।
ଟ୍ରେନ୍ ନମ୍ବର ୦୪୫୫୨ ସହରାନପୁର-ବାରାଣସୀ ସ୍ୱତନ୍ତ୍ର ଟ୍ରେନ୍ ଅପରାହ୍ନ ୨ଟାରେ ସହରାନପୁରରୁ ପ୍ରସ୍ଥାନ କରିବ ଏବଂ ମୁରାଦାବାଦ, ବରେଲି, ଶାହାଜାହାନପୁର, ହରଦୋଇ, ଆଲମନଗର, ରାୟବରେଲି ଜଙ୍କସନ୍, ମା' ବେଲହା ଦେବୀ ଧାମ ପ୍ରତାପଗଡ଼ ଜଙ୍କସନ୍ ଏବଂ ଜାଙ୍ଘାଇ ଜଙ୍କସନ୍ ଦେଇ ପରଦିନ ସକାଳ ୭ଟାରେ ବାରାଣସୀରେ ପହଞ୍ଚିବ।
ପ୍ରତ୍ୟାବର୍ତ୍ତନ ଦିଗରେ ଟ୍ରେନ୍ ନମ୍ବର ୦୪୫୫୧ ବାରାଣସୀ-ସହାରନପୁର ସ୍ୱତନ୍ତ୍ର ଟ୍ରେନ୍ ବାରାଣସୀରୁ ଅପରାହ୍ନ ୨ଟାରେ ପ୍ରସ୍ଥାନ କରିବ। ଏହା ଜାଙ୍ଘାଇ ଜଙ୍କସନ, ମା' ବେଲ୍ହା ଦେବୀ ଧାମ ପ୍ରତାପଗଡ଼ ଜଙ୍କସନ, ରାୟବରେଲି ଜଙ୍କସନ, ଆଲମନଗର, ହରଦୋଇ, ଶାହାଜାହାନପୁର, ବରେଲି ଏବଂ ମୁରାଦାବାଦ ଦେଇ ପରଦିନ ସକାଳ ୭ଟାରେ ସାହାରନପୁର ଜଙ୍କସନରେ ପହଞ୍ଚିବ।
ରେଳବାଇ ଯାତ୍ରୀମାନଙ୍କୁ ଟ୍ରେନ୍ ର ସମୟ ଏବଂ ପରିଚାଳନା ସମ୍ବନ୍ଧୀୟ ସଦ୍ୟତମ ସୂଚନା ପାଇଁ ଜାତୀୟ ଟ୍ରେନ୍ ଅନୁସନ୍ଧାନ ପ୍ରଣାଳୀର ୱେବସାଇଟ୍ କିମ୍ବା ଆପ୍ ଦେଖିବା କିମ୍ବା ରେଳବାଇ ହେଲ୍ପଲାଇନ୍ ନମ୍ବର ୧୩୯ ରେ ଯୋଗାଯୋଗ କରିବାକୁ ପରାମର୍ଶ ଦେଇଛି।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ
