ନୂଆଦିଲ୍ଲୀ, ୦୩ ଅକ୍ଟୋବର (ହି.ସ.)- ସୁରକ୍ଷା ଏବଂ ଗୁଇନ୍ଦା ଏଜେନ୍ସିଗୁଡ଼ିକୁ ମାଦକ ପଦାର୍ଥ ତସକରି କରୁଥିବା ଲୋକଙ୍କ ବିରୋଧରେ ଜାରି ଅନ୍ତର୍ଜାତୀୟ ଅଭିଯାନରେ ବଡ଼ ସଫଳତା ମିଳିଛି। କୁଖ୍ୟାତ ତସକର ନବପ୍ରୀତ ସିଂହଙ୍କୁ ତୁର୍କିଏରୁ ଭାରତ ଡିପୋର୍ଟ କରାଯାଇଛି। ଏହା ପରେ ତାଙ୍କୁ ମାଦକ ପଦାର୍ଥ ତସକରି ଏବଂ ଅନ୍ୟ ଅପରାଧିକ ମାମଲାରେ ଗିରଫ କରି ଜେଲ ପଠାଇ ଦିଆଯାଇଛି। ନବପ୍ରୀତ ଜାଲିଆତି ପରିଚୟ ତିଆରି କରି ତୁର୍କିଏର ନାଗରିକତା ହାସଲ କରିଥିଲା। ଗୃହମନ୍ତ୍ରୀ ଅମିତ ଶାହ ଏକ୍ସରେ ଲେଖିଛନ୍ତି, ମୋଦୀ ସରକାର ତୁର୍କୀରୁ କୁଖ୍ୟାତ ଡ୍ରଗ୍ସ ତସକର ନବପ୍ରୀତ ସିଂହଙ୍କୁ ଡିପୋର୍ଟ କରାଇ ଐତିହାସିକ ସଫଳତା ହାସଲ କରିଛି। ନବାବ ବିର୍କଙ୍କ ଜାଲିଆତି ପରିଚୟ ବ୍ୟବହାର କରି ତୁର୍କୀର ନାଗରିକତା ନେବା ପରେ ମଧ୍ୟ ସେ ଆଫଗାନିସ୍ତାନରୁ ଭାରତକୁ ହେରୋଇନ ଏବଂ ମେଥାମଫେଟାମାଇନ ତସକରି କରୁଥିଲା। ଆମର ଏଜେନ୍ସିଗୁଡ଼ିକ ତାହାର ସନ୍ଧାନ କରିଥିଲେ, ତାହାର ପ୍ରକୃତ ପରିଚୟର ଖୁଲାସା କରିଥିଲେ ଏବଂ ତାକୁ ଡିପୋର୍ଟ କରାଇଥିଲେ। ଆଜି ତାକୁ ଭାରତକୁ ଫେରାଇ ଅଣାଯାଇଛି ଏବଂ ଡ୍ରଗ୍ସ ତସକରି ଓ ଅନ୍ୟ ଅପରାଧର ମାମଲାରେ ଜେଲ ପଠାଇ ଦିଆଯାଇଛି। ଏହି ସଫଳତା ପାଇଁ ସମସ୍ତ ଏଜେନ୍ସିକୁ ଅଭିନନ୍ଦନ। ମୋଦୀ ସରକାର ଡିସେମ୍ବର ୨୦୨୯ ପୂର୍ବରୁ ପ୍ରତ୍ୟେକ ଡ୍ରଗ୍ସ-କାର୍ଟେଲକୁ ଶେଷ କରିବା ପାଇଁ ପ୍ରତିବଦ୍ଧ।
ଉଲ୍ଲେଖନୀୟ ଯେ ଭାରତ ସରକାର ପଳାତକମାନଙ୍କୁ ଫେରାଇ ଆଣିବା ପାଇଁ ସମନ୍ୱିତ ଅଭିଯାନ ଆରମ୍ଭ କରିଛି। ଏହା ଅଧୀନରେ ବର୍ଷ ୨୦୧୯ରୁ ଅଗଷ୍ଟ ୨୦୨୬ ପର୍ଯ୍ୟନ୍ତ ୩୬ଟି ଦେଶରୁ ମୋଟ ୨୮୮ ଜଣ ପଳାତକଙ୍କୁ ଭାରତକୁ ଫେରାଇ ଅଣାଯାଇଛି। ମୋଦୀ ସରକାରଙ୍କ ପକ୍ଷରୁ ମନି ଲଣ୍ଡରିଂ ନିରୋଧକ ଆଇନ (ପିଏମଏଲଏ)କୁ କଡ଼ାକଡ଼ିରେ ଲାଗୁ କରିବା ପରେ ବର୍ଷ ୨୦୧୯ରୁ ୨୦୨୬ ପର୍ଯ୍ୟନ୍ତ ୧୮,୭୬୨ କୋଟି ଟଙ୍କାର ସଫଳ ପୁନରୁଦ୍ଧାର କରାଯାଇଛି। ଏହା ସହିତ, ପଳାତକମାନଙ୍କର ମୋଟ ୧୭,୮୭୪ କୋଟି ଟଙ୍କାର ସମ୍ପତି ଜବତ କରାଯାଇଛି। ଏଥିରେ ଦେଶ ଛାଡ଼ି ପଳାଇଥିବା ଆର୍ôଥକ ଅପରାଧୀମାନଙ୍କର ଟଙ୍କା ସାମିଲ ଅଛି। ଗତ ୩ ବର୍ଷରେ ୪୦୧ ଜଣ ପଳାତକ ଅପରାଧୀଙ୍କ ବିରୋଧରେ ରେଡ୍ କର୍ଣ୍ଣର ନୋଟିସ ଜାରି ହୋଇଛି। ଜୁଲାଇ ୨୦୨୬ ପର୍ଯ୍ୟନ୍ତ ମୋଟ ୧୮୨ ରେଡ୍ କର୍ଣ୍ଣର' ନୋଟିସ ଜାରି ହୋଇଛି।
-------------------------
---------------
ହିନ୍ଦୁସ୍ଥାନ ସମାଚାର / ଗଗନ
03 Oct 2026
