ନୂଆଦିଲ୍ଲୀ, ୦୭ ଅକ୍ଟୋବର (ହି.ସ.)- ଇଣ୍ଡିଆ ମୋବାଇଲ କଂଗ୍ରେସ (ଆଇଏମସି)ର ୧୦ମ ସଂସ୍କରଣ ବୁଧବାର ନୂଆଦିଲ୍ଲୀର ଯଶୋଭୂମି କନଭେନସନ ସେଂଟରରେ ଆରମ୍ଭ ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁବାର ଏହାର ଔପଚାରିକ ଉଦଘାଟନ କରିବେ। ୧୦ ଅକ୍ଟୋବର ପର୍ଯ୍ୟନ୍ତ ଚାଲିବାକୁ ଥିବା ଏହି ଆୟୋଜନରେ ୬ଜି, ଆର୍ଟିଫିସିଆଲ ଇଂଟେଲିଜେନ୍ସ (ଏଆଇ), ସାଟେଲାଇଟ କମ୍ୟୁନିକେସନ, ସାଇବର ସୁରକ୍ଷା ଏବଂ ଡିଜିଟାଲ ପ୍ରଯୁକ୍ତି କ୍ଷେତ୍ରରେ ହେଉଥିବା ନୂଆ ପରୀକ୍ଷଣ ଏବଂ ନବସୃଜନ ଉପରେ ଆଲୋଚନା ହେବ।

ଏହି ବର୍ଷ ଆଇଏମସିର ଥିମ ‘ସ୍କେଲ ୱିଦାଉଟ ବାଉଣ୍ଡ୍ରିଜ’ ରଖାଯାଇଛି। ଆୟୋଜନରେ ୧୦୦ରୁ ଅଧିକ ଦେଶର ପ୍ରତିନିଧିମଣ୍ଡଳ, ୧.୫୦ ଲକ୍ଷରୁ ଅଧିକ ଅଂଶଗ୍ରହଣକାରୀ, ୩୦୦ରୁ ଅଧିକ ପ୍ରଦର୍ଶକ ଏବଂ ସହଯୋଗୀ ତଥା ପ୍ରାୟ ୫୦୦ ଷ୍ଟାର୍ଟଅପ ଅଂଶଗ୍ରହଣ କରୁଛନ୍ତି। ୪୦୦ରୁ ଅଧିକ କମ୍ପାନୀ ନିଜର ଉତ୍ପାଦ ଏବଂ ବୈଷୟିକ ନବସୃଜନର ପ୍ରଦର୍ଶନ କରିବେ। ଦୂରସଂଚାର ବିଭାଗ ଏବଂ ସେଲ୍ୟୁଲାର ଅପରେଟର୍ସ ଆସୋସିଏସନ ଅଫ ଇଣ୍ଡିଆ (ସିଓଏଆଇ) ମିଳିତ ଭାବେ ଏହାର ଆୟୋଜନ କରୁଛନ୍ତି।

ଆଇଏମସି ୨୦୨୬ର ଚାରି ପ୍ରମୁଖ ସ୍ତମ୍ଭ ସୃଷ୍ଟି, ସଂବର୍ଦ୍ଧନ, ସଶକ୍ତ ଏବଂ ସୁରକ୍ଷା ଅଟେ। ସୃଷ୍ଟି ଅଧୀନରେ ୬ଜି, ଏଆଇ ଆଧାରିତ ଟେଲିକମ ନେଟୱର୍କ, ଏଜ ଏବଂ କ୍ଲାଉଡ କମ୍ପ୍ୟୁଟିଂ, କ୍ୱାଂଟମ କମ୍ୟୁନିକେସନ ତଥା ସେମିକଣ୍ଡକ୍ଟର ଭଳି ପରବର୍ତୀ ପିଢ଼ିର ପ୍ରଯୁକ୍ତି ଉପରେ ଧ୍ୟାନ ଦିଆଯାଉଛି। ସଂବର୍ଦ୍ଧନରେ ୫ଜିର ବାଣିଜ୍ୟିକ ବ୍ୟବହାର, ସାଟେଲାଇଟ କମ୍ୟୁନିକେସନ, ଡାଇରେକ୍ଟ-ଟୁ-ଡିଭାଇସ କନେକ୍ଟିଭିଟି, ଟେଲିକମ ମ୍ୟାନୁଫାକ୍ଚରିଂ ଏବଂ ରୋବୋଟିକ୍ସ ଉପରେ ଆଲୋଚନା ହେବ।

----------------------

---------------

ହିନ୍ଦୁସ୍ଥାନ ସମାଚାର / ଗଗନ