(ଆଶ୍ୱିନ ଶୁକ୍ଳ ପ୍ରତିପଦା

(11/10/2026) ମହାରାଜା ଶ୍ରୀ ଅଗ୍ରସେନଙ୍କ ଜନ୍ମ ଜୟନ୍ତୀ ମହୋତ୍ସବ ଏବଂ ନବରାତ୍ରି ଉପଲକ୍ଷେ)

ସମ୍ପତ୍ତ

କୁମାର ଅଗ୍ରୱାଲ

ଆଜିର

ଆଧୁନିକ ସମାଜ ଦାରିଦ୍ର୍ୟ, ଅପରାଧ, ଅସନ୍ତୋଷ ଏବଂ ସାମାଜିକ ବିଖଣ୍ଡନ ଭଳି ସମସ୍ୟା ସହିତ ପ୍ରତିଦିନ

ସମ୍ମୁଖୀନ ହେଉଅଛି l ଯଦି ଆମ ସମାଜ ଏଥିରୁ ମୁକ୍ତି ପାଇବାକୁ ଚାହେଁ, ତେବେ ମହାରାଜା ଅଗ୍ରସେନଙ୍କ

'ଗୋଟିଏ ଟଙ୍କା ଏବଂ ଗୋଟିଏ ଇଟା', ଅହିଂସା, ଗଣତାନ୍ତ୍ରିକ ଭ୍ରାତୃତ୍ୱ ଏବଂ ବ୍ୟବସାୟିକ ନୈତିକତାର

ସିଦ୍ଧାନ୍ତଗୁଡ଼ିକୁ ନିଜ ଜୀବନ ଓ ଶାସନ ପ୍ରଣାଳୀରେ ଆପଣେଇବାକୁ ହେବ। ମହାରାଜା ଶ୍ରୀଅଗ୍ରସେନ ପ୍ରାଚୀନ

ଭାରତର ଜଣେ ମହାନ ଦୂରଦର୍ଶୀ, ସମାଜ ସଂସ୍କାରକ ଏବଂ ପ୍ରଜାବତ୍ସଳ ରାଜା ଥିଲେ, ଯାହାଙ୍କ ଜୀବନ ଓ

ନୀତି ଆଜି ଶତାବ୍ଦୀ ଶତାବ୍ଦୀ ପରେ ମଧ୍ୟ ସମାଜ ପାଇଁ ପ୍ରେରଣାର ଉତ୍ସ ହୋଇ ରହିଛି। ସେ ଏପରି ଏକ

ଯୁଗରେ ସାମାଜିକ ସଦ୍ଭାବ, ଆର୍ଥିକ ସମାନତା ଏବଂ ଅହିଂସାର ବାର୍ତ୍ତା ଦେଇଥିଲେ, ଯେତେବେଳେ ସମଗ୍ର

ବିଶ୍ୱ ଏହି ଧାରଣାଗୁଡ଼ିକ ବିଷୟରେ ଅଜ୍ଞ ଥିଲା। ସେ ଦ୍ୱାପର ଯୁଗର ଶେଷ ଏବଂ କଳିଯୁଗର ଆରମ୍ଭରେ ପ୍ରସିଦ୍ଧ

'ଅଗ୍ରୋହା' ରାଜ୍ୟ ପ୍ରତିଷ୍ଠା କରିଥିଲେ। ଆଜିର ଆଧୁନିକ ସମାଜ ଯେତେବେଳେ ଅସମାନତା, ହିଂସା, ଆର୍ଥିକ

ବିଷମତା ଏବଂ ମାନସିକ ଚାପ ଭଳି ସମସ୍ୟା ଦେଇ ଗତି କରୁଛି, ସେତେବେଳେ ମହାରାଜା ଶ୍ରୀଅଗ୍ରସେନଙ୍କ

ବିଚାର ଓ ଆଦର୍ଶ ଏବେ ଅଧିକ ପ୍ରାସଙ୍ଗିକ ଏବଂ ଆବଶ୍ୟକ

ମନେହୁଏ।

'ଗୋଟିଏ

ଟଙ୍କା ଏବଂ ଗୋଟିଏ ଇଟା'ର ସିଦ୍ଧାନ୍ତ: ସମାଜବାଦର ଏକ ଅନନ୍ୟ ମଡେଲ ଅଟେ l ମହାରାଜା ଶ୍ରୀ ଅଗ୍ରସେନଙ୍କ

ସବୁଠାରୁ କ୍ରାନ୍ତିକାରୀ ଏବଂ ପ୍ରସିଦ୍ଧ ସିଦ୍ଧାନ୍ତ ଥିଲା ଗୋଟିଏ ଟଙ୍କା ଏବଂ ଗୋଟିଏ ଇଟା।

ଯେତେବେଳେ ବି କୌଣସି ନୂଆ ବ୍ୟକ୍ତି କିମ୍ବା ପରିବାର ତାଙ୍କ ଅଗ୍ରୋହା ରାଜ୍ୟରେ ଆସି ବସବାସ କରୁଥିଲେ,

ସେତେବେଳେ ରାଜ୍ୟର ପ୍ରତ୍ୟେକ ନାଗରିକ ତାଙ୍କୁ ଗୋଟିଏ ଟଙ୍କା ଏବଂ ଗୋଟିଏ ଇଟା ଉପହାର ସ୍ୱରୂପ ଦେଉଥିଲେ।

ଉପହାରରେ ପାଇଥିବା ଇଟା ଦ୍ୱାରା ନୂଆ କରି ଆସିଥିବା ବ୍ୟକ୍ତି ନିଜର ଏବଂ ନିଜ ପରିବାର ପାଇଁ ଘର ତିଆରି

କରିପାରୁଥିଲେ ଏବଂ ଟଙ୍କା ଦ୍ୱାରା ସେ ନିଜର କୌଣସି ବ୍ୟବସାୟ କିମ୍ବା ଶିଳ୍ପ ଆରମ୍ଭ କରିପାରୁଥିଲେ।

ଏହି ସିଦ୍ଧାନ୍ତ

କେବଳ ସ୍ୱାବଲମ୍ବନ ଏବଂ ଆତ୍ମସମ୍ମାନକୁ ପ୍ରୋତ୍ସାହିତ କରୁନଥିଲା, ବରଂ କୌଣସି ସରକାରୀ ଋଣ କିମ୍ବା

ଦାନର ଭାବନା ବିନା ଜଣେ ନାଗରିକଙ୍କୁ ଆତ୍ମନିର୍ଭରଶୀଳ କରୁଥିଲା। ଆଜିର ବିଶ୍ୱ ସମାଜରେ ଯେଉଁଠି ଆର୍ଥିକ

ଅସମାନତା କ୍ରମାଗତ ଭାବେ ବୃଦ୍ଧି ପାଉଛି, ମହାରାଜା ଶ୍ରୀଅଗ୍ରସେନଙ୍କ ଏହି ସମାଜବାଦୀ ମଡେଲ କଲ୍ୟାଣକାରୀ

ଯୋଜନା ଏବଂ ସାମାଜିକ ଉଦ୍ୟୋଗିତା ପାଇଁ ଏକ ଆଲୋକବର୍ତ୍ତିକା ଅଟେ। ମହାରାଜା

ଶ୍ରୀଅଗ୍ରସେନଙ୍କ ଅନ୍ୟ ଏକ ନୀତି ଓ ଆଦର୍ଶ ହେଲା ଅହିଂସା ଏବଂ ସହ-ଅସ୍ତିତ୍ୱର ଭାବନା l ମହାରାଜା

ଶ୍ରୀ ଅଗ୍ରସେନ କ୍ଷତ୍ରିୟ କୁଳରେ ଜନ୍ମଗ୍ରହଣ କରିଥିଲେ, କିନ୍ତୁ ସେ ପଶୁବଳି ଏବଂ ହିଂସା ବିରୋଧରେ

କଠୋର ଆଭିମୁଖ୍ୟ ଗ୍ରହଣ କରିଥିଲେ। ସେ ନିଜ ଶାସନ କାଳରେ ଯଜ୍ଞ ସମୟରେ ଦିଆଯାଉଥିବା ପଶୁବଳି ପ୍ରଥାକୁ

ସମ୍ପୂର୍ଣ୍ଣ ରୂପେ ସମାପ୍ତ କରିଥିଲେ ଏବଂ ବୈଶ୍ୟ ଧର୍ମ ଗ୍ରହଣ କରି ବ୍ୟବସାୟ ଓ ଶାନ୍ତିର ମାର୍ଗ

ବାଛିଥିଲେ। ଆଜି ଯେତେବେଳେ ବିଶ୍ୱରେ ଯୁଦ୍ଧ, ଆତଙ୍କବାଦ ଏବଂ ବୈଚାରିକ କଠୋରତା ବୃଦ୍ଧି ପାଉଛି,

ସେତେବେଳେ ମହାରାଜା ଅଗ୍ରସେନଙ୍କ ଅହିଂସା, ଶାନ୍ତି ଏବଂ 'ନିଜେ ବଂଚିବା ସହ ଅନ୍ୟକୁ ବଂଚିବାକୁ ଦିଅ

' ର ସିଦ୍ଧାନ୍ତ ଶାନ୍ତିପୂର୍ଣ୍ଣ ସହ-ଅସ୍ତିତ୍ୱର ମାର୍ଗ ପ୍ରଶସ୍ତ କରିଥାଏ ।

ମହାରାଜା

ଶ୍ରୀଅଗ୍ରସେନଙ୍କ ଗଣତାନ୍ତ୍ରିକ ବ୍ୟବସ୍ଥା ଏବଂ ସମାନତାର ବାର୍ତା ଆଜିବି ଗୁରୁତ୍ୱ ବଜାୟ ରଖିଛି

l ମହାରାଜା ଶ୍ରୀଅଗ୍ରସେନ ନିଜର ଅଗ୍ରୋହା ରାଜ୍ୟକୁ ୧୮ଟି ଗୋତ୍ର ପ୍ରକାରେ ୧୮ଟି ପ୍ରଦେଶରେ ବିଭକ୍ତ

କରିଥିଲେ ଏବଂ ପ୍ରତ୍ୟେକ ଗୋତ୍ରର ଜଣେ ପ୍ରତିନିଧି ଶାସନ ବ୍ୟବସ୍ଥାର ଅଂଶବିଶେଷ ଥିଲେ। ଏହି ବ୍ୟବସ୍ଥା

ଆଧୁନିକ ଗଣତାନ୍ତ୍ରିକ ପ୍ରଣାଳୀର ଏକ ରୂପ ଥିଲା, ଯେଉଁଠାରେ ପ୍ରତ୍ୟେକ ବର୍ଗ ଏବଂ ଅଞ୍ଚଳର ଭାଗିଦାରୀ

ସୁନିଶ୍ଚିତ କରାଯାଉଥିଲା। ସେ ଜାତି, ବର୍ଗ ଏବଂ ବର୍ଣ୍ଣ ଆଧାରରେ ଭେଦଭାବକୁ ପ୍ରତ୍ୟାଖ୍ୟାନ କରି

ସମାଜର ପ୍ରତ୍ୟେକ ବର୍ଗକୁ ସମାନ ସ୍ଥାନ ଦେଇଥିଲେ। ଆଜିର ଗଣତାନ୍ତ୍ରିକ ଯୁଗରେ ସର୍ବସମାବେଶୀ ବିକାଶ

ଏବଂ ଶେଷ ବ୍ୟକ୍ତି ପର୍ଯ୍ୟନ୍ତ ଅଧିକାର ପହଞ୍ଚାଇବା ପାଇଁ ତାଙ୍କର ଏହି ବିଚାରର ଅନୁସରଣ କରିବାର ଆବଶ୍ୟକତା

ରହିଛି ।

ମହାରାଜା

ଶ୍ରୀଅଗ୍ରସେନ ସେହି ସମୟରେ ବ୍ୟବସାୟିକ ନୈତିକତା ସହ ସାମାଜିକ ଉତ୍ତରଦାୟିତ୍ୱ ତୁଲାଇଥିଲେ ଏବଂ ସେଦିଗରେ

ନିଜର ଛାପ ଛାଡିଦେଇଥିଲେ l ମହାରାଜା ଶ୍ରୀଅଗ୍ରସେନ ବ୍ୟବସାୟକୁ କେବଳ ବ୍ୟକ୍ତିଗତ ଲାଭର ମାଧ୍ୟମ

ନୁହେଁ, ବରଂ ସମାଜ ସେବା ଏବଂ ଦେଶର ଉନ୍ନତିର ମାଧ୍ୟମ ଭାବେ ବିବେଚନା କରୁଥିଲେ। ସେ ସାଧୁତା, ସ୍ୱଚ୍ଛତା

ଏବଂ ଧର୍ମ ଉପରେ ଆଧାରିତ ବ୍ୟବସାୟର ଭିତ୍ତିପ୍ରସ୍ତର ସ୍ଥାପନ କରିଥିଲେ। ଆଜିର କର୍ପୋରେଟ୍ ଜଗତରେ

ଯେଉଁ 'କର୍ପୋରେଟ୍ ସୋସିଆଲ୍ ରେସପୋନ୍ସିବିଲିଟି' ବିଷୟରେ ଆଲୋଚନା କରାଯାଉଛି, ତାହାର ପ୍ରକୃତ ଆରମ୍ଭ

ମହାରାଜା ଶ୍ରୀଅଗ୍ରସେନଙ୍କ ବିଚାରରେ ହିଁ ମିଳିଥାଏ। ବ୍ୟବସାୟରୁ ଅର୍ଜିତ ଧନର ଏକ ଭାଗ ସମାଜର କଲ୍ୟାଣ,

ଧର୍ମଶାଳା, ଚିକିତ୍ସା ଏବଂ ଶିକ୍ଷାରେ ଲଗାଇବା ତାଙ୍କ ଅନୁଗାମୀମାନଙ୍କର ପରମ୍ପରା ହୋଇରହିଛି।

ମହାରାଜା

ଶ୍ରୀଅଗ୍ରସେନ କେବଳ କୌଣସି ନିର୍ଦ୍ଦିଷ୍ଟ ସମାଜର ପଥପ୍ରଦର୍ଶକ ନଥିଲେ, ବରଂ ତାଙ୍କର ସିଦ୍ଧାନ୍ତ

ସମଗ୍ର ମାନବ ଜାତି ପାଇଁ କଲ୍ୟାଣକାରୀ ଅଟେ। ସେ ପ୍ରମାଣିତ କରିଥିଲେ ଯେ ବିନା ଯୁଦ୍ଧରେ ଏବଂ କାହାରିକୁ

ଶୋଷଣ ନକରି ମଧ୍ୟ ଏକ ସମୃଦ୍ଧ, ସୁଖୀ ଏବଂ ସଂଗଠିତ ସମାଜ ଗଠନ କରାଯାଇପାରିବ। ମହାରାଜା ଶ୍ରୀଅଗ୍ରସେନଙ୍କ

ନୀତି, ଆଦର୍ଶ, ଅହିଂସା, ଭ୍ରାତୃତ୍ୱ ଏବଂ ସାମାଜିକ ନୈତିକତା ଆଦିକୁ ମାନବ ସମାଜ ଆପଣେଇବା ଉଚିତ,

ତାହାହିଁ ତାଙ୍କ ପ୍ରତି ପ୍ରକୃତ ଶ୍ରଦ୍ଧାଞ୍ଜଳି ହେବ।

ବରିଷ୍ଠ ସାମ୍ବାଦିକ

ଜିଲା ପ୍ରତିନିଧି, ଆକାଶବାଣୀ , ଦୂରଦର୍ଶନ ସମାଚାର

ବୌଦ୍ଧ – 762014

Email- sampadboudh@gmail.com

Mob.No- 99370 60196

ହିନ୍ଦୁସ୍ଥାନ ସମାଚାର / ସମ୍ପତ