କାଠମାଣ୍ଡୁ, ନଭେମ୍ବର ୧୦ (ହି.ସ)- ନେପାଳର ଅର୍ଥମନ୍ତ୍ରୀ ଡକ୍ଟର ସ୍ୱର୍ଣ୍ଣିମ ୱାଗଲେ ଜଳବାୟୁ ପରିବର୍ତ୍ତନ ଉପରେ ମିଳିତ ଜାତିସଂଘ ଫ୍ରେମୱାର୍କ କନଭେନସନର ୩୧ତମ ପାର୍ଟି ସମ୍ମିଳନୀରେ ଯୋଗଦେବା ପାଇଁ ତୁର୍କୀୟେ ଅଭିମୁଖେ ଯାତ୍ରା କରିଛନ୍ତି। ୱାଗଲେ କାଠମାଣ୍ଡୁର ତ୍ରିଭୁବନ ଅନ୍ତର୍ଜାତୀୟ ବିମାନବନ୍ଦରରୁ ତୁର୍କୀ ଏୟାରଲାଇନ୍ସର ଏକ ବିମାନ ଯୋଗେ ଜଳବାୟୁ ସମ୍ମିଳନୀର ଆୟୋଜକ ସହର ଆଣ୍ଟାଲିଆ ଅଭିମୁଖେ ଯାତ୍ରା କରିଛନ୍ତି।ସେ ସେଠାରେ ନେପାଳର ପ୍ରତିନିଧିତ୍ୱ କରିବେ ଏବଂ ଜଳବାୟୁ ପରିବର୍ତ୍ତନ ଏବଂ ସ୍ଥାୟୀ ଅର୍ଥନୈତିକ ବିକାଶ ସମ୍ବନ୍ଧୀୟ ପ୍ରସଙ୍ଗରେ ଦେଶର ସ୍ଥିତି ଉପସ୍ଥାପନ କରିବେ। ନଭେମ୍ବର ୯ ତାରିଖରୁ ଆରମ୍ଭ ହୋଇ ୨୦ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ଏହି ସମ୍ମିଳନୀ ସମୟରେ ସେ ପ୍ରାୟ ଅଧ ଡଜନ ଉଚ୍ଚସ୍ତରୀୟ ଅଧିବେଶନରେ ଅଂଶଗ୍ରହଣ କରିବାର କାର୍ଯ୍ୟକ୍ରମ ରହିଛି। ନେପାଳୀ ପ୍ରତିନିଧିମଣ୍ଡଳର ନେତୃତ୍ୱ ନେଉଥିବା ବୈଦେଶିକ ମନ୍ତ୍ରୀ ଶିଶିର ଖାନଲ ପୂର୍ବରୁ ପହଞ୍ଚି ସାରିଛନ୍ତି। ୱାଗଲେ ନଭେମ୍ବର ୧୫ ତାରିଖରେ ସ୍ୱଦେଶ ଫେରିବାର କାର୍ଯ୍ୟକ୍ରମ ରହିଛି।
---------------
ହିନ୍ଦୁସ୍ଥାନ ସମାଚାର / ରଶ୍ମିତା
