
କେନ୍ଦ୍ରାପଡ଼ା , 15 ନଭେମ୍ବର (ହି.ସ.) ରକ୍ତଦାନ ମହାପୁଣ୍ୟ। ଜଣେ ରକ୍ତଦାତାଙ୍କ ରକ୍ତ ଅନ୍ୟ ଜଣଙ୍କ ଜୀବନ ବଞ୍ଚାଇପାରେ। ଏହି ମହତ୍ ଉଦ୍ଦେଶ୍ୟ ନେଇ କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ବ୍ଲକ୍ ଅନ୍ତର୍ଗତ ତେରଗାଁ ପଞ୍ଚାୟତର ବିଜୁ ପଟ୍ଟନାୟକ ପବ୍ଲିକ୍ ସ୍କୁଲ୍ ପରିସରରେ ଦଶମ ଥର ପାଇଁ ରକ୍ତଦାନ ଶିବିର ଆୟୋଜିତ ହୋଇଯାଇଛି।ପଞ୍ଚାୟତର ସରପଞ୍ଚ ବିଦ୍ୟାଧର ସ୍ୱାଇଁଙ୍କ ଉଦ୍ୟମରେ ଆୟୋଜିତ ଏହି ଶିବିରରେ ବହୁ ସ୍ୱେଚ୍ଛାସେବୀ ଓ ରକ୍ତଦାତା ଯୋଗଦେଇ ସ୍ୱେଚ୍ଛାକୃତ ଭାବେ ରକ୍ତଦାନ କରିଥିଲେ।ଏହି ଅବସରରେ ବରିଷ୍ଠ ବିଜେପି ନେତା ଡଃ ଗନ୍ଧର୍ବ ଚନ୍ଦ୍ର ନାୟକ ଏବଂ ବ୍ଲକ୍ ଅଧ୍ୟକ୍ଷା ମିରାରାଣୀ ମହାନ୍ତିଙ୍କ ସ୍ୱାମୀ ତଥା ବିଜେପି ରାଜ୍ୟ ପରିଷଦ ସଦସ୍ୟ କୁମାରକାନ୍ତ ମହାନ୍ତି ଅତିଥି ଭାବେ ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିଥିଲେ।ଅତିଥିମାନେ କହିଥିଲେ ଯେ, ରକ୍ତଦାନ ଏକ ମହତ୍ ମାନବୀୟ ସେବା। ରକ୍ତର କୌଣସି ବିକଳ୍ପ ନଥିବାରୁ ଜରୁରୀ ସମୟରେ ରକ୍ତଦାନ ଅନେକ ଅମୂଲ୍ୟ ଜୀବନ ବଞ୍ଚାଇବାରେ ସହାୟକ ହୋଇଥାଏ। ତେଣୁ ପ୍ରତ୍ୟେକ ସୁସ୍ଥ ବ୍ୟକ୍ତି ରକ୍ତଦାନ ପାଇଁ ଆଗେଇ ଆସିବା ଆବଶ୍ୟକ।କ୍ରମାଗତ ଭାବେ ଦଶମ ଥର ପାଇଁ ଏଭଳି ଜନହିତକର କାର୍ୟ୍ୟକ୍ରମ ଆୟୋଜନ କରିଥିବାରୁ ସରପଞ୍ଚ ବିଦ୍ୟାଧର ସ୍ୱାଇଁ ଏବଂ ତାଙ୍କ ସମସ୍ତ ସହଯୋଗୀଙ୍କ ଉଦ୍ୟମକୁ ଉପସ୍ଥିତ ଅତିଥି ଓ ଅଞ୍ଚଳବାସୀ ପ୍ରଶଂସା କରିଥିଲେ।ସମ୍ପାଦକୀୟ ପରାମର୍ଶ: ଖବରଟିକୁ ଆହୁରି ସଂପୂର୍ଣ୍ଣ କରିବାକୁ ମୋଟ କେତେ
---------------
ହିନ୍ଦୁସ୍ଥାନ ସମାଚାର / ରବି