
ଭୁବନେଶ୍ୱର, 15 ନଭେମ୍ବର (ହି.ସ.)- ଭଗବାନ ବିର୍ସା
ମୁଣ୍ଡାଙ୍କୁ ତାଙ୍କ ଜୟନ୍ତୀରେ ଶ୍ରଦ୍ଧାଂଜଳି ଜ୍ଞାପନ କରିଛନ୍ତି ରାଜ୍ୟପାଳ ଶ୍ରୀ ବ୍ରଜମୋହନ
ରାମ । ଏହି ଅବସରରେ ସେ ତାଙ୍କ ମହାନ ଅବଦାନକୁ ସମ୍ମାନ ଜଣାଇବା ସହ ନ୍ୟାୟ ଓ ମର୍ଯ୍ୟାଦା ପାଇଁ
ତାଙ୍କର ଅବିଚଳ ସଂଘର୍ଷରୁ ପ୍ରେରଣା ଗ୍ରହଣ କରିବାକୁ ଆହ୍ୱାନ ଦେଇଛନ୍ତି ।
ଏନେଇ ସୋସିଆଲ ମିଡିଆ
ଏକ୍ସରେ ଏକ ବାର୍ତ୍ତା ଜାରି କରି ରାଜ୍ୟପାଳ କହିଛନ୍ତି ଯେ, ମାଟିର ସ୍ୱର, ପ୍ରତିରୋଧର
ଚେତନା ଏବଂ ଆମର ଜନଜାତିୟ ଐତିହ୍ୟର ଗର୍ବ ଭଗବାନ ବିର୍ସା ମୁଣ୍ଡା ସାହସ, ବଳିଦାନ
ଓ ଆତ୍ମସମ୍ମାନର ଏକ ଚିରନ୍ତନ ପ୍ରତୀକ ଭାବେ ସର୍ବଦା ସ୍ମରଣୀୟ ହୋଇ ରହିବେ। ତାଙ୍କ ଜୟନ୍ତୀ
ଅବସରରେ ଆସନ୍ତୁ, ତାଙ୍କର ମହାନ ଅବଦାନକୁ ସମ୍ମାନ ଜଣାଇବା ସହ ନ୍ୟାୟ ଓ ମର୍ଯ୍ୟାଦା
ପାଇଁ ତାଙ୍କର ଅବିଚଳ ସଂଘର୍ଷରୁ ପ୍ରେରଣା ଗ୍ରହଣ କରିବା।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା