କୃଷି ଯନ୍ତ୍ରପାତି ମେଳା ପାଇଁ ନିର୍ମାତା ସମ୍ମିଳନୀ ଅନୁଷ୍ଠିତ
ଭୁବନେଶ୍ୱର, ୧୯ ନଭେମ୍ବର (ହି.ସ)- ଓଡ଼ିଶା ସରକାରଙ୍କ କୃଷି ଓ କୃଷକ ସଶକ୍ତିକରଣ ବିଭାଗ ପକ୍ଷରୁ ଗୁରୁବାର ଭୁବନେଶ୍ୱରସ୍ଥିତ କୃଷି ଭବନ ଅଡିଟୋରିୟମଠାରେ କୃଷି ଯାନ୍ତ୍ରିକୀକରଣ ମେଳା ସମ୍ପର୍କିତ ଏକ ନିର୍ମାତା ସମ୍ମିଳନୀ ଆୟୋଜିତ ହୋଇଯାଇଛି । ଉପମୁଖ୍ୟମନ୍ତ୍ରୀ ତଥା କୃଷି ଓ କୃଷକ ସଶକ୍ତିକରଣ, ଶକ୍ତି ମ
ghty


ଭୁବନେଶ୍ୱର, ୧୯ ନଭେମ୍ବର (ହି.ସ)- ଓଡ଼ିଶା ସରକାରଙ୍କ କୃଷି ଓ କୃଷକ ସଶକ୍ତିକରଣ ବିଭାଗ ପକ୍ଷରୁ ଗୁରୁବାର ଭୁବନେଶ୍ୱରସ୍ଥିତ କୃଷି ଭବନ ଅଡିଟୋରିୟମଠାରେ କୃଷି ଯାନ୍ତ୍ରିକୀକରଣ ମେଳା ସମ୍ପର୍କିତ ଏକ ନିର୍ମାତା ସମ୍ମିଳନୀ ଆୟୋଜିତ ହୋଇଯାଇଛି । ଉପମୁଖ୍ୟମନ୍ତ୍ରୀ ତଥା କୃଷି ଓ କୃଷକ ସଶକ୍ତିକରଣ, ଶକ୍ତି ମନ୍ତ୍ରୀ ଶ୍ରୀ କନକ ବର୍ଦ୍ଧନ ସିଂହଦେଓଙ୍କ ସମେତ କୃଷି ଓ କୃଷକ ସଶକ୍ତିକରଣ ବିଭାଗର କମିଶନର ତଥା ଶାସନ ସଚିବ ସଚିନ ରାମଚନ୍ଦ୍ର ଜାଧବ, କୃଷି ଓ ଖାଦ୍ୟ ଉତ୍ପାଦନ ନିର୍ଦ୍ଦେଶକ ଡ. ପୋମା ଟୁଡୁ ଏବଂ ମୁଖ୍ୟ ଯନ୍ତ୍ରୀ (କୃଷି) ଶ୍ରୀନିବାସ ପୃଷ୍ଟି ଏହି ସମ୍ମିଳନୀରେ ଯୋଗ ଦେଇଥିଲେ ।

ସମ୍ମିଳନୀରେ ଉଦବୋଧନ ଦେଇ ଅତିଥିମାନେ କହିଥିଲେ ଯେ ଓଡ଼ିଶା ସରକାର କୃଷି କ୍ଷେତ୍ରକୁ ସର୍ବୋଚ୍ଚ ପ୍ରାଥମିକତା ଦେଉଛନ୍ତି ଏବଂ କୃଷି ଯନ୍ତ୍ରପାତି ଓ ଉପକରଣ ଉପରେ ବ୍ୟାପକ ରିହାତି (ସବସିଡି) ପ୍ରଦାନ ମାଧ୍ୟମରେ କୃଷି ଯାନ୍ତ୍ରିକୀକରଣକୁ ତ୍ୱରାନ୍ୱିତ କରିବା ଉପରେ ବିଶେଷ ଗୁରୁତ୍ୱ ଦେଉଛନ୍ତି ।

ଏହି ଅବସରରେ ଉପମୁଖ୍ୟମନ୍ତ୍ରୀ ଶ୍ରୀ ସିଂହଦେଓ ଗୁରୁତ୍ୱାରୋପ କରି କହିଥିଲେ ଯେ କୃଷି କ୍ଷେତ୍ରରେ ଶ୍ରମ ଲାଘବ କରିବା ଏବଂ ଅନ୍ତର୍ଭୁକ୍ତିକରଣକୁ ପ୍ରୋତ୍ସାହିତ କରିବା ପାଇଁ ନିର୍ମାତାମାନେ ବିଶେଷ ଭାବେ ମହିଳା ଚାଷୀଙ୍କ ନିମନ୍ତେ ଉପଯୋଗୀ ଓ ସହଜରେ ବ୍ୟବହାର କରାଯାଇପାରୁଥିବା ଯନ୍ତ୍ରପାତି ବିକଶିତ କରିବା ଉପରେ ଧ୍ୟାନ ଦେବା ଉଚିତ । ରାଜ୍ୟର ଅନୁକୂଳ ଶିଳ୍ପ ବାତାବରଣର ଲାଭ ଉଠାଇ ଓଡ଼ିଶା ମଧ୍ୟରେ ହିଁ ଯନ୍ତ୍ରପାତି ଉତ୍ପାଦନ କରିବାକୁ ସେ ଶିଳ୍ପ ଅଂଶୀଦାରମାନଙ୍କୁ ଆହ୍ୱାନ ଦେଇଥିଲେ, ଯାହାଫଳରେ ସ୍ଥାନୀୟ ଉତ୍ପାଦନ, ଯୋଗାଣ ଏବଂ ଉନ୍ନତ ସେବା ସୁନିଶ୍ଚିତ ହୋଇପାରିବ ।

ରାଜ୍ୟର ଦ୍ରୁତ ଅଗ୍ରଗତି ସମ୍ପର୍କରେ ସୂଚନା ଦେଇ ଅଧିକାରୀମାନେ କହିଥିଲେ ଯେ ବର୍ତମାନ ଓଡ଼ିଶାରେ କୃଷି ଶକ୍ତି ଉପଲବ୍ଧତା ହେକ୍ଟର ପିଛା ୨.୭୬ କିଲୋୱାଟକୁ ବୃଦ୍ଧି ପାଇଛି । ୨୦୩୬ ସୁଦ୍ଧା ଏହାକୁ ହେକ୍ଟର ପିଛା ୩.୫୦ କିଲୋୱାଟ ଏବଂ ୨୦୪୭ ସୁଦ୍ଧା ୪.୫୦ କିଲୋୱାଟରେ ପହଂଚାଇବାକୁ ମହତ୍ୱାକାଂକ୍ଷୀ ଲକ୍ଷ୍ୟ ରଖାଯାଇଛି । ୨୦୨୬-୨୭ ଆର୍ôଥକ ବର୍ଷ ପାଇଁ କୃଷି ଯାନ୍ତ୍ରିକୀକରଣ କାର୍ଯ୍ୟକ୍ରମ ଅଧୀନରେ ପ୍ରାୟ ୫୭୦ କୋଟି ଟଙ୍କାର ସବସିଡି ବ୍ୟବସ୍ଥା କରାଯାଇଛି, ଯାହାଦ୍ୱାରା ପ୍ରାୟ ୨,୦୦୦ କୋଟି ଟଙ୍କାର କୃଷି ଯନ୍ତ୍ରପାତି ବିକ୍ରି ହେବାର ଆଶା କରାଯାଉଛି ଏବଂ ଏହା ଓଡ଼ିଶାର ଚାଷୀମାନଙ୍କୁ ସିଧାସଳଖ ଉପକୃତ କରିବ ।

ଶ୍ରମିକଙ୍କ ଉପରେ ନିର୍ଭରଶୀଳତା ହ୍ରାସ, ଶ୍ରମିକ ଅଭାବ ଦୂରୀକରଣ, ଚାଷ ଖର୍ଚ୍ଚ ହ୍ରାସ ଏବଂ ଠିକ୍ ସମୟରେ କୃଷି କାର୍ଯ୍ୟ ସୁନିଶ୍ଚିତ କରିବା ଦ୍ୱାରା ଯାନ୍ତ୍ରିକୀକରଣ କେବଳ କୃଷି ଉତ୍ପାଦକତା ଓ ଲାଭ ବୃଦ୍ଧି କରୁନାହିଁ, ବରଂ ଯୁବପିଢ଼ିଙ୍କ ପାଇଁ କୃଷିକୁ ଏକ ଅଧିକ ଆକର୍ଷଣୀୟ ଏବଂ ଲାଭଜନକ ବୃତିରେ ପରିଣତ କରୁଛି ।

କାର୍ଯ୍ୟକ୍ରମର କାର୍ଯ୍ୟକାରିତାରେ ସମ୍ପୂର୍ଣ୍ଣ ସ୍ୱଚ୍ଛତା, ଦକ୍ଷତା ଏବଂ ଉତରଦାୟିତ୍ୱ ସୁନିଶ୍ଚିତ କରିବା ପାଇଁ ବିଭାଗ ପକ୍ଷରୁ ଅନେକ ସୁଦୃଢ଼ ଡିଜିଟାଲ ପଦକ୍ଷେପ ଗ୍ରହଣ କରାଯାଇଛି। ଏଥିମଧ୍ୟରେ ଚାଷୀଙ୍କ ପାଇଁ ଗୋ-ସୁଗମ' ପୋର୍ଟାଲ ମାଧ୍ୟମରେ ସମ୍ପୂର୍ଣ୍ଣ ଅନଲାଇନ୍ ଆବେଦନ ପ୍ରକ୍ରିୟା, ନିର୍ମାତାଙ୍କ ତାଲିକାଭୁକ୍ତ ଓ ଯନ୍ତ୍ରପାତି ମଡେଲଗୁଡ଼ିକର ଅନୁମୋଦନ ପାଇଁ ସମ୍ପୂର୍ଣ୍ଣ ଅନଲାଇନ୍ ବ୍ୟବସ୍ଥା ଏବଂ ହିତାଧିକାରୀଙ୍କ ଆଧାର ସଂଯୁକ୍ତ ବ୍ୟାଙ୍କ ଖାତାକୁ ସିଧାସଳଖ ସବସିଡି ପ୍ରଦାନ ଅନ୍ତର୍ଭୁକ୍ତ। ଯନ୍ତ୍ରପାତି ବିତରଣ ପରେ ସରକାରୀ ଅଧିକାରୀଙ୍କ ଦ୍ୱାରା ବାଧ୍ୟତାମୂଳକ ଯାଂଚ ଏବଂ ତୃତୀୟ-ପକ୍ଷ ମୂଲ୍ୟାଙ୍କନ ମାଧ୍ୟମରେ ଏହାର ସଠିକ୍ ବିନିଯୋଗ ସୁନିଶ୍ଚିତ କରାଯାଉଛି ।

ଚଳିତ ବର୍ଷ ରାଜ୍ୟ ସରକାର ଏକ ବ୍ୟାପକ ସଚେତନତା ଓ ପ୍ରସାର ଅଭିଯାନ ଆୟୋଜନ କରିବାକୁ ପ୍ରସ୍ତାବ ରଖିଛନ୍ତି । ଏଥିରେ ଯାଜପୁର, ଝାରସୁଗୁଡ଼ା, ଭବାନୀପାଟଣା (କଳାହାଣ୍ଡି) ଏବଂ ମାଲକାନଗିରିଠାରେ ୪ଟି ଆଂଚଳିକ କୃଷି ଯାନ୍ତ୍ରିକୀକରଣ ମେଳା ସମେତ ୨୬ଟି ଜିଲ୍ଲାସ୍ତରୀୟ ମେଳା ଏବଂ ୨୮ଟି ଉପଖଣ୍ଡ ସ୍ତରୀୟ ମେଳା ଅନୁଷ୍ଠିତ ହେବ ।

କୃଷି ଯାନ୍ତ୍ରିକୀକରଣ ବ୍ୟବସ୍ଥାରେ ନିର୍ମାତା ଏବଂ ଡିଲରମାନଙ୍କୁ ଗୁରୁତ୍ୱପୂର୍ଣ୍ଣ ଅଂଶୀଦାର ଭାବେ ଅଭିହିତ କରି, ଗୁରୁତ୍ୱପୂର୍ଣ୍ଣ ଚାଷ ଋତୁରେ ଯନ୍ତ୍ରପାତିର ସମୟୋଚିତ ଯୋଗାଣ ସୁନିଶ୍ଚିତ କରିବା, ଆଧୁନିକ ଜ୍ଞାନକୌଶଳ ପ୍ରଦର୍ଶନ କରିବା, ବିଶ୍ୱସନୀୟ ବିକ୍ରୟ ପରବର୍ତୀ ସେବା ଓ ବୈଷୟିକ ସହାୟତା ପ୍ରଦାନ କରିବା ଏବଂ ନଭେମ୍ବର ୨୦୨୬ରୁ ଜାନୁଆରୀ ୨୦୨୭ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ଆଗାମୀ ମେଳାଗୁଡ଼ିକରେ ସକ୍ରିୟ ଅଂଶଗ୍ରହଣ କରିବାକୁ ସରକାର ଅନୁରୋଧ କରିଛନ୍ତି । ଓଡ଼ିଶାରେ ଉତ୍ପାଦନ ଆହ୍ୱାନକୁ ପୁରା କରିବା ପାଇଁ ରାଜ୍ୟ ସରକାର ଆସେମ୍ବଲି ୟୁନିଟ୍, ତାଲିମ ଓ ଦକ୍ଷତା ବିକାଶ କେନ୍ଦ୍ର ଏବଂ ଅପରେଟର ଓ ଟେକ୍ନିସିଆନମାନଙ୍କ ଦକ୍ଷତା ବୃଦ୍ଧି ପ୍ରତିଷ୍ଠାନ ସ୍ଥାପନ କ୍ଷେତ୍ରରେ ସ୍ଥାନୀୟ ପୁଞ୍ଜିନିବେଶର ସୁଯୋଗ ଅନ୍ୱେଷଣ କରିବାକୁ ଶିଳ୍ପ ସହଯୋଗୀମାନଙ୍କୁ ନିମନ୍ତ୍ରଣ କରିଛନ୍ତି ।

ଆଲୋଚନା ଚକ୍ରର ଉଦଯାପନ ଅବସରରେ ବିଭାଗ ପକ୍ଷରୁ ଆଶା ପ୍ରକାଶ କରାଯାଇଛି ଯେ ନିର୍ମାତାମାନଙ୍କ ସହ ଏକ ସୁଦୃଢ଼ ଏବଂ ସହଯୋଗମୂଳକ ଭାଗିଦାରୀ ରାଜ୍ୟରେ କୃଷି ଯାନ୍ତ୍ରିକୀକରଣକୁ ତ୍ୱରାନ୍ୱିତ କରିବ, କୃଷି ଉତ୍ପାଦକତା ବୃଦ୍ଧି କରିବ ଏବଂ ଓଡ଼ିଶାରେ ଏକ ଆଧୁନିକ ତଥା ପ୍ରଯୁକ୍ତିବିଦ୍ୟା ଆଧାରିତ କୃଷି କ୍ଷେତ୍ର ଗଠନର ଲକ୍ଷ୍ୟକୁ ସାକାର କରିବ ।

---------------

ହିନ୍ଦୁସ୍ଥାନ ସମାଚାର / ବନ୍ଦନା


 rajesh pande