କନ୍ଧମାଳ, ୦୫ ନଭେମ୍ବର (ହି.ସ.) ଖଜୁରୀପଡା ଥାନା ଅଧୀନ ଆର ନୁଆଁ ଗାଁ ବଜାର ଅଞ୍ଚଳରେ ଅଟୋ ଏବଂ ଟ୍ରାକ୍ଟର ସମୁଦାୟ ୬ ଗୋଟି ଗାଡ଼ିରୁ ବୁଧବାର ରାତିରେ ଚୋରି ହୋଇଥିବା ନେଇ ଅଟୋ ଚାଳକ ସଂଘ ଏବଂ ଟ୍ରାକ୍ଟର ମାଲିକ ଖଜୁରୀପଡା ଥାନାରେ ଲିଖିତ ଅଭିଯୋଗ କରିଛନ୍ତି l ଅଭିଯୋଗ ପରେ ପୋଲିସ ଏକ ମାମଲା ୨୨୦/୨୬ ରୁଜୁ କରି ଘଟଣା ସ୍ଥଳକୁ ଯାଇ ପଚରାଉଚରା ସହ ତଦନ୍ତ କରୁଥିବା ଜଣାପଡିଛି l ସେହିଭଳି ଖଜୁରୀପଡା ସହର ମଧ୍ୟରେ ପୂର୍ବରୁ ମଧ୍ୟ ଅନେକ ଚୋରି ହୋଇଥିବା ବେଳେ ବ୍ୟାଟେରୀ ଚୋରି ହେବା ପରେ ଲୋକଙ୍କ ମନରେ ଭୟ ଦେଖିବା ସହ ପୋଲିସର ଦୃଢ ପଦକ୍ଷେପ ହେଉନଥିବା ନେଇ ଜନସାଧାରଣଙ୍କ ମହଲରେ ଆଲୋଚନା ଜୋର ଧରିଛି l ଛକ ବଜାରରେ କେବଳ ଗାଡି ମୋଟର ଓ଼ ହେଲମେଟ ଯାଞ୍ଚ ସହ ଗଞ୍ଜେଇ ଗଛ କାଟିବାରେ ପୋଲିସ କାମ କରୁଛି ବୋଲି ଲୋକଙ୍କ ଭିତରେ ଆଲୋଚନା ଚାଲିଛି l ଖୁବଶୀଘ୍ର ଚୋରି ହୋଇଥିବା ବ୍ୟାଟେରୀ ଏବଂ ଚୋରଙ୍କୁ ଗିରଫ କରିବାକୁ ସଞ୍ଜିତ କୁମାର ସାହୁ, ସୁକୁମାର ନାୟକ, ସନ୍ତୋଷ କୁମାର ଭୋଇ, ଅବନୀ କୁମାର ଦାସ ପ୍ରମୁଖ ଦାବୀ କରିଛନ୍ତି।
ହିନ୍ଦୁସ୍ଥାନ ସମାଚାର / ପ୍ରଶାନ୍ତ
