ଦିବ୍ରୁଗଡ଼ (ଆସାମ), ନଭେମ୍ବର 7 (ହି.ସ.): ଆସାମର ଦିବ୍ରୁଗଡ଼ ଜିଲ୍ଲା ଟେଙ୍ଗାଖାଟରେ ଆଇଟିଏଫ ଗ୍ୟାସ ପାଇପଲାଇନରେ ଭୟଙ୍କର ଅଗ୍ନିକାଣ୍ଡ ଘଟି ଦୁଇ କର୍ମଚାରୀଙ୍କ ମୃତ୍ୟୁ ଘଟିଛି ଏବଂ ଅନ୍ୟ ପାଞ୍ଚ ଜଣ ଗୁରୁତର ଆହତ ହୋଇଛନ୍ତି। ସମସ୍ତ ଆହତଙ୍କ ଚିକିତ୍ସା ଡାକ୍ତରଖାନାରେ ଚାଲିଛି।ପ୍ରାପ୍ତ ସୂଚନା ଅନୁଯାୟୀ, ଶୁକ୍ରବାର ଘଟିଥିବା ଦୁର୍ଘଟଣାରେ ରାଜୁ ଦତ୍ତ ନାମକ ଜଣେ କର୍ମଚାରୀ ନିଆଁରେ ପୋଡ଼ି ହୋଇ ଘଟଣାସ୍ଥଳେ ମୃତ୍ୟୁବରଣ କରିଛନ୍ତି। ଅନ୍ୟପକ୍ଷରେ, ଗୁରୁତର ଆହତ ତାପସ ଗୋଗୋଇଙ୍କର ଶନିବାର ଭୋର ପ୍ରାୟ 3ଟା ସମୟରେ ହସ୍ପିଟାଲରେ ଚିକିତ୍ସା ସମୟରେ ମୃତ୍ୟୁ ଘଟିଛି।ଘଟଣା ସମୟରେ ମୋଟ 9 ଜଣ କର୍ମଚାରୀ ପାଇପଲାଇନରେ କାମ କରୁଥିଲେ। ଏହି କର୍ମଚାରୀମାନଙ୍କ ମଧ୍ୟରୁ ଦୁଇଜଣ ସୁରକ୍ଷିତ ଭାବରେ ନିଆଁରୁ ଖସି ପଳାଇବାରେ ସଫଳ ହୋଇଥିଲେ, ଅନ୍ୟ ପାଞ୍ଚ ଜଣ ଗୁରୁତର ଭାବରେ ପୋଡ଼ି ଯାଇଥିଲେ। ସେମାନଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି। ଏପର୍ଯ୍ୟନ୍ତ ଏହି ଦୁର୍ଘଟଣାରେ ଦୁଇ ଜଣ କର୍ମଚାରୀଙ୍କ ମୃତ୍ୟୁ ନିଶ୍ଚିତ ହୋଇଛି।

---------------

ହିନ୍ଦୁସ୍ଥାନ ସମାଚାର / ରଶ୍ମିତା