ଗଂଜାମ, 07 ନଭେମ୍ବର (ହି.ସ.)ଶେରଗଡ ବ୍ଳକର ପିତଳ ଗ୍ରାମ ଋଷିକୂଲ୍ୟା ନଦୀ କୂଳରେ ଅବସ୍ଥିତ । ବାତ୍ୟାରେ ଗଂଜାମ ଜିଲାରେ ବହୁକ୍ଷତି ଘଟାଇଛି । ପିତଳ ଗାଁରେ ଥିବା ଘରଦ୍ୱାରର କିଛି କ୍ଷତି ହୋଇନଥିଲା। କିନ୍ତୁ ଋଷିକୂଲ୍ୟା ନଦୀରେ ବନ୍ୟା ଜଳ କମିବା ପରେ ପିତଳ ଗାଁର ବହୁ ପକ୍କାଘର ବିପଦଶକୁଂଳ ଅବସ୍ଥାରେ ପହଞ୍ଚିଛି । ପକ୍କାଗୃହ ଗୁଡିକ ଫାଟି ମେଲା ହୋଇଛି। ବହୁ ଲୋକଙ୍କ ଛାତ ଫାଟିଛି। କାନ୍ଥବାଡ ଫାଟି ଆଁ କରିଛି । ଏହି ଗୃହରେ ବାସ କରୁଥିବା ଲୋକଙ୍କ ଜୀବନପ୍ରତି ବିପଦ ସୃଷ୍ଟି କରିଛି। ତୁରନ୍ତ ଗଞ୍ଜାମ ଜିଲ୍ଲାପାଳ ତଥା ଜିଲ୍ଲା ପ୍ରଶାସନ ପକ୍ଷରୁ ପିତଳ ଅଂଚଳରେ ଘରଗୁଡିକ ସର୍ଭେ କରି କ୍ଷତିଗ୍ରସ୍ତ ପରିବାର ଗୁଡିକକୁ ଘରଭଂଗା ସହାୟତା ପ୍ରଦାନ କରିବାକୁ ଜନଦାବି ହେଉଛି ।

---------------

ହିନ୍ଦୁସ୍ଥାନ ସମାଚାର / ହୃଷୀକେଶ