ନୂଆଦିଲ୍ଲୀ, ୦୭ ନଭେମ୍ବର (ହି.ସ.)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ଉପରାଷ୍ଟ୍ରପତି ଭବନକୁ ଯାଇ ଉପରାଷ୍ଟ୍ରପତି ସି.ପି. ରାଧାକୃଷ୍ଣନଙ୍କୁ ସାକ୍ଷାତ କରିବା ସହ ତାଙ୍କୁ ଦୀପାବଳିର ଶୁଭେଚ୍ଛା ଜଣାଇଛନ୍ତି। ଏହି ଅବସରରେ ଉଭୟ ନେତା ପରସ୍ପରକୁ ଦୀପାବଳିର ଶୁଭକାମନା ଜଣାଇଥିଲେ।

ପ୍ରଧାନମନ୍ତ୍ରୀ ସାମାଜିକ ଗଣମାଧ୍ୟମ ମଂଚ ଏକ୍ସରେ ସାକ୍ଷାତକାରର ଫଟୋ ସେୟାର କରି ଲେଖିଛନ୍ତି, “ଉପରାଷ୍ଟ୍ରପତି ସି.ପି. ରାଧାକୃଷ୍ଣନ ଜୀଙ୍କୁ ସାକ୍ଷାତ କଲି ଏବଂ ଦୀପାବଳିର ଶୁଭେଚ୍ଛା ଆଦାନପ୍ରଦାନ କଲି।”

ଉପରାଷ୍ଟ୍ରପତିଙ୍କ କାର୍ଯ୍ୟାଳୟ ପକ୍ଷରୁ ମଧ୍ୟ ଏକ୍ସରେ ଫଟୋ ସେୟାର କରାଯାଇ ଜଣାଇଦିଆଯାଇଛି ଯେ, ଶନିବାର ଉପରାଷ୍ଟ୍ରପତି ରାଧାକୃଷ୍ଣନ ଉପରାଷ୍ଟ୍ରପତି ଭବନରେ ପ୍ରଧାନମନ୍ତ୍ରୀଙ୍କୁ ଉଷ୍ମ ସ୍ୱାଗତ କରିଥିଲେ। ଏହି ଅବସରରେ ଉଭୟ ନେତା ପରସ୍ପରକୁ ଦୀପାବଳିର ଶୁଭେଚ୍ଛା ଜଣାଇଥିଲେ।

ହିନ୍ଦୁସ୍ଥାନ ସମାଚାର / ଭାନୁ ଚରଣ