ଚଣ୍ଡିଗଡ଼, ୧୯ ଫେବୃଆରୀ (ହି.ସ.)- ଗୁରୁବାର ଦିନ ଚଣ୍ଡିଗଡ଼ର ପଞ୍ଜାବ ସଚିବାଳୟକୁ ବୋମା ଧମକ ମିଳିଛି । ଏହା ପରେ, ସଚିବାଳୟ କୋଠାକୁ ଖାଲି କରାଯାଇଥିଲା । ପୂର୍ବରୁ, ହରିୟାଣା ଏବଂ ପଞ୍ଜାବ ସଚିବାଳୟକୁ ବୋମା ଧମକ ମିଳିଥିଲା ।

ଗୁରୁବାରର ଧମକ ପରେ, ସତର୍କତାମୂଳକ ପଦକ୍ଷେପ ସ୍ୱରୂପ ପଞ୍ଜାବ ସହିତ ହରିୟାଣା ସଚିବାଳୟକୁ ଆଲର୍ଟ ରଖାଯାଇଛି । ଆଜି ମିଳିଥିବା ଧମକପୂର୍ଣ୍ଣ ଇମେଲରେ ସଚିବାଳୟ ଏବଂ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ବୋମା ବିସ୍ଫୋରଣ କରାଯିବାର ଦାବି କରାଯାଇଛି । ସୁରକ୍ଷା ଦୃଷ୍ଟିରୁ, ପୋଲିସ ଅଂଚଳକୁ ଘେରାବନ୍ଦୀ କରି ସଚିବାଳୟରୁ ଲୋକଙ୍କୁ ବାହାର କରିଥିଲା । ପୋଲିସ, ସିଆରପିଏଫ, ବୋମା ନିଷ୍କ୍ରିୟକାରୀ ଦଳ ଏବଂ କୁକୁର ସ୍କ୍ୱାଡ୍ ଦଳ ସଚିବାଳୟରେ ତଲାସୀ କରିଥିଲେ କିନ୍ତୁ କୌଣସି ସନ୍ଦେହଜନକ ବସ୍ତୁ ପାଇଲେ ନାହିଁ ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ