ଲକ୍ଷ୍ନୌ, ୧୯ ଫେବୃଆରୀ (ହି.ସ.)- ଉତର ପ୍ରଦେଶର ଦୁଇ ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ଏବଂ ବ୍ରଜେଶ ପାଠକ ଗୁରୁବାର ନିରାଲା ନଗରର ସରସ୍ୱତୀ କୁଞ୍ଜରେ ପୃଥକ୍ ସମୟରେ ଆରଏସଏସ ସରସଂଘଚାଳକ ଡକ୍ଟର ମୋହନ ରାଓ ଭାଗବତଙ୍କୁ ସୌଜନ୍ୟମୂଳକ ସାକ୍ଷାତ କରିଛନ୍ତି । ସରସଂଘଚାଳକ ଆରଏସଏସ ପ୍ରଚାରକଙ୍କ ସହିତ ଏକ ବୈଠକ ମଧ୍ୟ କରିଥିଲେ । ପୂର୍ବରୁ ଉତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବୁଧବାର ସରସଂଘଚାଳକ ଡକ୍ଟର ଭାଗବତଙ୍କୁ ମଧ୍ୟ ଭେଟିଥିଲେ ।

ସରସଂଘଚାଳକ ତିନି ଦିନିଆ ଲକ୍ଷ୍ନୌ ଗସ୍ତରେ ଅଛନ୍ତି, ଏବଂ ଆଜି ତାଙ୍କ ଗସ୍ତର ତୃତୀୟ ଏବଂ ଶେଷ ଦିନ । ଫେବୃଆରୀ ୧୭ ତାରିଖରେ, ସରସଂଘଚାଳକ ନିରାଲା ନଗରର ମାଧବ ଅଡିଟୋରିୟମରେ ଏକ ପାରିବାରିକ ସମାବେଶରେ ଯୋଗ ଦେଇଥିଲେ । ପରବର୍ତୀ ସମୟରେ, ଫେବୃଆରୀ ୧୮ ତାରିଖରେ, ସେ ଲକ୍ଷ୍ନୌ ବିଶ୍ୱବିଦ୍ୟାଳୟର ମାଲବ୍ୟ ଅଡିଟୋରିୟମରେ ଗବେଷଣା ବିଦ୍ୱାନମାନଙ୍କ ସହିତ ଆଲୋଚନା କରିଥିଲେ । ଫେବୃଆରୀ ୧୮ ତାରିଖ ସନ୍ଧ୍ୟାରେ, ଡକ୍ଟର ଭାଗବତ ଗୋମତୀ ନଗରର ଇନ୍ଦିରା ଗାନ୍ଧୀ ପ୍ରତିଷ୍ଠାନରେ ଆୟୋଜିତ ଏକ ପ୍ରମୁଖ ସାଧାରଣ ସଭାକୁ ସମ୍ବୋଧିତ କରିଥିଲେ ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ