ନୂଆଦିଲ୍ଲୀ, ୧୯ ଫେବୃଆରୀ (ହି.ସ)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁବାର ଏଆଇ ସମ୍ମିଳନୀ ରେ ବିଶ୍ୱ ସମ୍ମୁଖରେ ଭାରତର ସର୍ବଜନ ହିତାୟ ଏବଂ ସର୍ବଜନ ସୁଖାୟ ମାନଦଣ୍ଡ ଉପସ୍ଥାପନ କରିଛନ୍ତି। ସେ କହିଛନ୍ତି ଯେ କିଛି ଦେଶ ଏବଂ କମ୍ପାନୀ ଏଆଇ କୁ ରଣନୀତିକ ଭାବରେ ବ୍ୟବହାର କରିବା ବିଷୟରେ ବିଚାର କରୁଛନ୍ତି। ଭାରତ ବିଶ୍ୱାସ କରେ ଯେ ଏଆଇ ପାଇଁ ସ୍ୱଚ୍ଛତା ସର୍ବୋପରି।ପ୍ରଧାନମନ୍ତ୍ରୀ କହିଛନ୍ତି ଆଜି ଏହି ସଂକଳ୍ପ କରିବା ଉଚିତ ଯେ ଏଆଇ ବିଶ୍ଵର ସାଧାରଣ ମଙ୍ଗଳ ଭାବରେ ବିକଶିତ କରିବାକୁ ପଡିବା।ବିଶ୍ଵର ୨୦ଟି ଦେଶରେ ନେତା ଏବଂ 45 ଟି ଦେଶର ମନ୍ତ୍ରୀଙ୍କ ଉପସ୍ଥିତିରେ, ପ୍ରଧାନମନ୍ତ୍ରୀ ମୋଦୀ ଏଆଇ ପାଇଁ ମାନବ ଦୃଷ୍ଟିକୋଣ ଉପସ୍ଥାପନ କରିଛନ୍ତି।ନବ ଦୃଷ୍ଟିକୋଣ ହେଉଛି ଏମ (ମୋରଲ ଆଣ୍ଡ ଏଥିକଲ ସିଷ୍ଟମ),ଏ (ଆକାଉଣ୍ଟେବଲ ଗଭର୍ଣ୍ଣସ),ଏନ (ନ୍ୟାସନାଲ ସାଵରେଣ୍ଟି),ଏ(ଏକ୍ସେସିବଲ ଆଣ୍ଡ ଇନକ୍ଲୁସିଭ),ବି (ବେଲିଡ ଆଣ୍ଡ ଲେଜିଟିମେଟ)।ପ୍ରଧାନମନ୍ତ୍ରୀ ବର୍ତ୍ତମାନ ଏଆଇ ଚ୍ୟାଲେଞ୍ଜଗୁଡ଼ିକୁ ଉଲ୍ଲେଖ କରି କହିଛନ୍ତି ଯେ ଯେପରି ଖାଦ୍ୟ ସାମଗ୍ରୀଗୁଡ଼ିକୁ ସେମାନଙ୍କର ଉପାଦାନ ସୂଚାଇବା ପାଇଁ ଲେବଲ୍ କରାଯାଏ, ସେହିପରି ଡିଜିଟାଲ୍ ଦୁନିଆରେ ମଧ୍ୟ ଲେବଲ୍ କରିବା ଗୁରୁତ୍ୱପୂର୍ଣ୍ଣ।ପ୍ରଧାନମନ୍ତ୍ରୀ ଏଆଇକୁ ମାନବ ଇତିହାସରେ ସବୁଠାରୁ ପରିବର୍ତ୍ତନକାରୀ ଉଦ୍ଭାବନ ଭାବରେ ବର୍ଣ୍ଣନା କରିଥିଲେ ଏବଂ କହିଥିଲେ ଯେ ଏହାର ଗତି ଏବଂ ପରିମାଣ ଏପର୍ଯ୍ୟନ୍ତ ହୋଇଥିବା ଯେକୌଣସି ଉଦ୍ଭାବନକୁ ଅତିକ୍ରମ କରେ।ଫଳସ୍ୱରୂପ, ଏହାର ବିନାଶକାରୀ ପ୍ରଭାବ ପଡ଼ିପାରେ, ଯାହାକୁ ରୋକିବା ଆବଶ୍ୟକ।ଗ୍ଲୋବାଲ୍ ସାଉଥ୍ (ବିକାଶଶୀଳ ଦେଶ)ର ପ୍ରତିନିଧିତ୍ୱ କରି ପ୍ରଧାନମନ୍ତ୍ରୀ କହିଥିଲେ ଯେ ଆମକୁ ଏଆଇର ଗଣତାନ୍ତ୍ରିକୀକରଣ ଏବଂ ଏହାକୁ ଅନ୍ତର୍ଭୁକ୍ତି ଏବଂ ସଶକ୍ତିକରଣ ପାଇଁ ଏକ ଉପକରଣ କରିବା ଉପରେ ଗୁରୁତ୍ୱ ଦେବାକୁ ପଡିବ।

---------------

ହିନ୍ଦୁସ୍ଥାନ ସମାଚାର / ରଶ୍ମିତା